Sa pagpapatuloy ng nakaraan...
Mabilis na tinakbo ni Uno ang masukal at makipot na daan sa gitna ng kagubatan. Mabuti na lamang at maliwanag ang sinag ng buwan kaya hindi siya nahirapan na sundan ang mga bakas na naiwan ng mga armadong kalalakihan na nakasunod sa mag-inang Amelia at Adeline. Malakas ang kutob niya na si Don Gustavo ang may pakana sa lahat ng mga nangyayari. Marahil ay natununugan na nito na nasa dugo na ni Adeline ang serum na matagal na nitong hinahangad na mapasakamay, ngunit paano?
Malayo-malayo na rin ang tinakbo ni Uno nang bigla siyang makarinig ng malakas na alingawngaw ng putok ng baril malapit sa kaniyang kinaroroonan. Gumapang ang matinding takot sa kaniyang dibdib para sa kaligtasan ni Adeline. Nakatitiyak siya na malapit na siya sa direksyon ng mag-ina kaya m
