Ang buong kalangitan ay nakikisamo sa labis na kalungkutan at sakit na bumabalot ngayon sa dibdib ni Uno. Wala pa ring tigil sa pagbuhos ang malakas na ulan sa buong paligid katulad ng mga luha niya na wala pa ring humpay sa pag-agos habang mapait na inaalala ang bakas ng kahapon.
Dalawampung taon na ang nakalipas...
Tiniyak muna ni Uno na tulog na si Alarick bago niya isagawa ang kaniyang plano. Alam niyang mali ang kaniyang gagawin ngunit iyon lamang ang tanging paraan na alam niya. Kailangan na niyang magmadali bago pa man mahuli ang lahat.
Dahan-dahan niyang binuksan ang pinto. Nasa loob siya ngayon ng maliit na laboratoryo na ginawa ni Alarick Contreras na matatagpuan sa dulong bahagi ng mansyon malapit sa silid nito. Dito isinasagawa ang ilan sa mga pag-aaral nito.
Naging maingat
