Ang buhok ng lalaking ito ay halos kasing puti ng nyebe. Kulubot na rin ang mukha na nababalutan ng maputing balbas. Ang mga mata nito'y may maliliit na kulay pulang batik-batik. Nakasuot itong kulay asul na turtle neck jacket at curduroy slack. Ganito palagi ang suot nito sa tuwing taglamig. Makapangyarihan pa rin ang boses nito katulad ng isang sergeant major sa kabila ng katandaan.
Siya si Alarick Contreras, ang tinaguriang pinakamahusay na siyentipiko sa buong Pilipinas sa edad na pitumpu't siyam. Marami na itong naimbento na naging kapakipakinabang sa lipunan. Ilan sa mga ito ang self-heated flashlight na umiilaw sa pamamagitan ng init na nagmumula sa palad.
Ito rin ang nakadiskubre sa gamot na naging lunas sa nakamamatay na sakit noong taong 1960 na halos kumitil sa buhay ng marami
