Nagtungo si Elvira sa kusina upang maghanda ng makakain para sa tanghalian. Naiwan si Lena sa loob ng sarili nitong silid. Siya na ang nagpresentang maghanda dahil batid niya na mas kailangan ngayon ng dalaga ng katiwasayan para makapag-isip ng maayos matapos ang mga nangyari. Mabuti naman at kahit paano'y kumalma na ito.
Nanlambot ang mga tuhod niya nang buksan ang refrigerator. Halos wala na iyong laman maliban sa apat na pirasong patatas at dalawang pirasong carrots. Hindi niya inaasahan na nakakaranas din pala si Uno ng kahirapan o sadyang walang oras na pumunta sa bayan dahil sa kababantay kay Lena. Kung may award man na ibibigay dito ay ang Most Outstanding Babysitter of All Times.
"Ba't 'di ka na lang kaya mag-asawa para magkaroon ka ng sariling anak, ng sarili mong pamilya, kesa
