Binuksan ni Lena ang kabinet at kinuha mula roon ang isang maliit na kulay pulang kahon na napapalamutian ng korteng puso na yari sa dilaw na glittered foam. Sa ibabaw ng takip niyon ay isang malaking puting laso. Ginawa pa niya iyon noong pitong taong gulang pa lamang siya. Doon niya isinilid ang magagandang alaala noong nasa bahay-ampunan pa siya kasama ng matalik niyang kaibigan na si Rigel.
Naupo siya sa gilid ng kama at dahan-dahan iyong binuksan. Sa loob niyon ay kinuha niya ang mga larawan. Hindi niya napigilan ang sarili na mapaluha habang isa-isang pinagmamasdan ang mga kuhang larawan nila ng matalik ni Rigel. Halos labing anim na taon na rin mula noong sila'y nagkahiwalay. At walang sandali sa buhay niya na hindi ito naaalala.
Simula nang magkaisip si Lena ay kinagisnan na niy
