Mabilis na lumipas ang mga buwan sa mansyon ng mga Altierre. Ang tiyan ni Lhevie ay kitang-kita na ang umbok, isang buhay na patunay ng tunay at nag-iisang tagapagmana ng pamilya. Kasabay ng paglaki ng kaniyang dinadala ay ang pag-level up din ng kaniyang mga kakaibang hiling dahil sa paglilihi.
Isang araw, gusto niya ng manggang hilaw na isasawsaw sa natunaw na mamahaling tsokolate. Kinabukasan naman, ayaw niyang amuyin ang paboritong pabango ni Niccolo, dahilan para mapilitan ang bilyonaryo na gumamit ng baby cologne bago pumasok sa opisina.
Ngunit ang pinakamatinding nagbago ay hindi ang panlasa ni Lhevie—kundi ang katinuan ni Niccolo.
Mula nang malaman ng bilyonaryo na malinis ang kaniyang pangalan at tunay na nagdadalang-tao ang kaniyang asawa, naging doble, triple, o baka nga kuw
