Kasabay ng pagsigaw ni Sonic ay ang pagtagas ng dugo mula sa dating pinagkakabitan ng kanyang kanang kamay. Namilipit ang halimaw sa sakit at halos nagpagulong-gulong ito dahilan para kumalat ang kulay lila nitong dugo sa paligid. Nagsigawan sa takot ang mga tao ni Four, pero kaagad naman silang pinakalma ni Justin.
Kinalagan ni Four si Bong at Alden, at inutusan niya ang dalawa na pakawalan pa ang iba. Natulala lang noong una sila Bong, sa boses pa lang kasi ni Four ay talagang manginginig ka na sa takot. Sabayan pa ng nagngangalit nitong mga pangil at matatalim na tingin.
“Ano ba?!” muling sigaw ni Four sa dalawa. “Kumilos na kayo! Kailangan ninyong lumisan at lumayo sa lugar na ito! Magdala lang kayo ng sulo o kahit anong apoy! Sige na!”
Pero hindi pa rin nakakilos ang dalawa sa p
