Kaagad na naghanda ng makakain ang mga kababaihan. Ang mga lalaki naman ay nagsimula ng mag-ayos ng mga dadalhin nila. Malapit na sila sa Praq, at kung hindi magkakaroon ng abirya sa daan, ay makakarating sila doon ngayong araw paglipas ng tanghali o bago tuluyang lumubog ang araw. Balak pa sana nilang magdagdag ng daldalhing pagkain, pero wala na talagang mapakinabangang pagkain sa tindahan. Kaya naman mga kagamitan na lang ang kinuha nila gaya ng flashlight, baterya, lubid, kandila, lighter at posporo. At nang matapos sila, ay sabay-sabay silang kumain. Maliban kay Justin na kanila munang pinagpahinga at nang niyaya ay hindi lumapit sa kanila.
Napatingin si Brix kay Justin. Tumayo ang bata at dinalhan niya si Justin ng makakain, pero hindi iyon tinanggap ng binata. Busog pa raw siya. Ka
