Lalong lumakas ang apoy na lumalabas sa mga kamay ng binata. At kitang-kita sa kilos ng mga higanteng alupihan na natakot ang mga ito. Hindi na sila makaabante, ngunit pilit pa rin nilang inaabot sila Four. Umunat paitaas ang isa sa mga halimaw at umamba itong babagsakan sila. Pero lalong pinalakas ng binata ang apoy at napaurong muli ang halimaw. Pero hindi rin nagtagal ay napansin ni Four na unti-unti ng humihina ang apoy at nawawala na ang ilaw sa mga mata ng binata.
“Four! Sa pinakadugtungan ng mga katawan nila! Subukan mo ng umatake doon!” sigaw ni Lisa habang patuloy pa rin sila sa pagpapaputok ng baril sa halimaw.
Napatingin si Four sa katawan ng dambuhalang alupihan at nakita na niya ang sinasabi ni Lisa. Napansin niyang may tumatagas na kulay dilaw na likido sa parteng iyon ng m
