Inabot na naman ng gabi sila Four sa daan. Bigla kasi nasirang ang sasakyan nila Four matapos nilang isakay ang binatang nawalan ng malay. Ayaw uli ni Bong ang ideya na isama ang binata sa kanila. Lalo na at nakita nilang lahat kung gaano ito kaagresibo. Pero wala siyang nagawa ng pagtulungan siya ng mga kasama. Hindi naman kasi talaga nila maaaring iwan na lang ng walang malay ang sugatang binata. Hindi iyon kaya ng konsensya nila, kahit si Bong. Mabuti na lang at nakahanap sila ng isang maliit at lumang-luma na grocery store sa daan. Doon sila tumigil at tuluyang inabot ng paglubog ng araw.
Madilim na ang paligid ngunit hindi pa rin nagkakamalay ang binata. Dito na napansin ni Four na may kapayatan talaga ang binatang isinama nila. Napakarumi ng suot nitong itim na jacket na may lupa at
