Tumalon ang nilalang at tumayo ito sa ibabaw ng hood ng kotse. Mga nasa tatlong talampakan ang laki nito. May payat itong katawan na parang sa palaka, ngunit nakakatayo ito sa dalawang paa. Nakakakilabot ang ngiti nito at may hawak itong isang malaking maso. Kung titignan ay mas malaki pa sa kanya ang maso, pero kayang-kaya itong buhatin ng halimaw. At maya-maya pa ay iwinasiwas nito ang dalang sandata sa salamin ng sasakyan. Mabuti na lang at hindi ito kaagad nabasag.
Nagsigawan ang lahat ng nasa sasakyan maliban kay Four na kahit natatakot ay pinilit pa rin na mag-isip ng paraan kung ano ang gagawin.
“Mga kasama! Makinig kayo!” sigaw ni Four. “Naaaninag ninyo ba ang gusali na ‘yon?”
“Oo! Pero… paano tayo lalabas?!” may pagkatarantang tanong ni Lisa.
“Akong bahala! Ako ang unang la
