Dahan-dahang idinilat ni Four ang kanyang mga mata at pansamantala siyang nasilaw ng napakaliwanag na sikat ng araw. Nasa harapan niya ay isang napakalaking mansyon. Isang pamilyar na lugar, subalit hindi niya maalala kung saan niya iyon nakita. Maraming mga lalaking naka-itim na amerikana ang naka-paligid sa mansyon at lahat ng mga lalaking iyon ay may dalang matataas na kalibre ng baril. Hahakbang na sana si Four para magtanong nang may pasigaw na tumawag sa pangalan niya.
“Kuya Four!” malambing na tawag ng isang babae.
Agad na lumingon si Four para makita ang may-ari ng pamilyar na boses na iyon. Subalit, hindi niya nakita ang mukha ng tumawag sa kanya. Nasa loob kasi ito ng sasakyan. Tanging ang ibabang parte lang ng mukha nito ang naaaninag niya.
“Sino ka?”
“Kuya! Gumising ka! Hin
