Alas-nuebe na, wala pa rin sina Conor at Lezzia. Mayamaya ay may biglang dumating na bagong empleyado ng canteen.
“Hi mga bakz, ako nga pala si Joan Anzures,” masayang pakilala ng bago.
Biglang nag-twinkle ang mga mata ko. Sakto. Hindi ko alam kung paano tatakas at gagawa ng timing para mahatiran ng kape at tinapay si Lowi ko.
“Ay! Welcome here, Joan. Tamang-tama. Wala namang hugasin kasi nagawa ko na. Salamat naman at dumating ka agad. Bago lang din ako. Ako nga pala si Pia, siya si Boy Gayat, si Chef Tsis, si Bangag, at ‘yong isa sa sulok na nangungulangot, ikaw na magpakilala sa kaniya. Nakalimutan ko ang pangalan. Kasi no’ng dumating din ako rito no’ng isang araw busy mangulangot,” mahabang paliwanag ko saka ako bumaling kay Chef na tsismoso.
“Chef Tsis, may order na kape at tina
