Pia Kaye's POV
HINDI ako makapaniwala. Pag-aaralin ulit ako ni Lowi. Ang saya-saya ko. Ang totoo, gusto ko naman talaga makapagtapos ng pag-aaral pero dahil sa kahirapan ng buhay ko at walang kasiguraduhan na trabaho, hindi na ako nagbalak pa. Natatakot akong mawalan ng pera noon dahil hindi ko alam kung magtatagal ba ako kay Lowi at ayon na nga ang nangyari. Nagkahiwalay kami ng anim na buwan at napakahirap ng buhay ko sa totoo lang.
Kahit na kasintahan ko na si Lowi ngayon, ayoko pa rin na nakadepende at umasa sa kaniya lahat. Mas masarap sa pakiramdam na kumikilos din ako at hindi lang palamunin. Noon, oo. Nakukuha kong humilata at kinakapalan ko ang mukha ko dahil nga verbal lang naman ang deal namin na assistant niya ako. Ni wala nga kaming pinirmahan na kontrata. Ang usapan, babaya
