Makalipas ang ilang linggo ay nakalabas na nga ng ospital si Andi matapos ayusin ang lahat ng kanilang bayarin sa ospital. Natutuwa siya dahil sa kabila ng paghihirap niya ay nandiyan pa rin ang mga kaibigan at pamilya niya para alalayan at alagaan siya. Sa ngayon ay uuwi muna siya sa Probinsiya nila para doon magpahinga para na rin makalanghap siya ng sariwang hangin. Naibalik na kasi sa ayos ang bahay nila roon.
Gumuhit ang magandang ngiti sa kaniyang mga labi lalo na nang makita niya sa bawat bahay na madadaanan nila ay may tig-isa-isang surfboard na nakadisplay sa kanilang mga bakod. Kilala kasi si Andi sa barangay nila dahil nga sa pagiging magaling niya sa surfing kaya minsan kapag naglalaro siya maraming bata ang sumasabay para lang magpaturo at manuod sa kaniya. At sa bawat board
