“BESIE, wala ka bang napapansin?” bigla ay tanong sa kaniya ni Shanstar nang makarating sila sa cafeteria.
Kumunot ang noo ni Andi. “Huh? Saan?” takang tanong niya.
Bumulong ito. “Sa hilaw nating kaklase. Nakakapagtaka lang na parang alam na niya ang meaning ng world peace.”
And speaking of Samantha, itong nakaraang mga linggo ay naging tahimik na ang buhay niya dahil wala na siyang naririnig na kung ano-ano mula sa tatlo. Napansin niya na sila pa 'yong kusang umiiwas. Hindi na rin niya ito nakikitang kasama ni Philmar. Siguro nagsawa na rin ito sa kamalditahan ni Samantha kaya hindi na nakatiis at hiniwalayan na lang ito.
“Minsan talaga nagbabago ang ikot ng mundo. Siguro nagsawa na lang din siya,” aniya.
Humalukipkip ito. “Sana nga hindi na topakin,” anito saka nagpatuloy sa pagkai
