“NAKUHA mo na?” tanong ni Emer kay Shanstar matapos nitong makakuha ng dalawang registration form para sa darating na Second Elimination ng Crestwave Surfing Competition.
Tumango siya pagpasok niya sa kotse nito. “Hmm! Pirma na lang niya ang kulang. Sana lang ay hindi siya magalit sa gagawin nating ito.”
Siya na kasi ang nagfill-out ng form na hawak niya. Ginawa nila iyon in case na bigla magbago ang isip ni Andi na bumalik sa kompetisyon.
“Don’t worry, sinabi naman ng Kuya Tope niya na susubukan siyang kumbinsihin ulit,” anito saka sinimulan na magdrive.
Bahagya napangiti si Shanstar, hindi makapaniwala na sakay-sakay siya ng sasakyang pinagbuntungan niya ng galit kay Emer noong hindi pa niya alam kung sino nga ba ang nagmamay-ari rito. Kung may buhay lang siguro ang sasakyan nito ay
