Tumigil sa paghalik si Vincent, medyo nagulat sa aking sinabi. Nakaawang pa ang aking labi nang iniwan niya iyon, halos nakukulangan sa halik at gusto pa ulit.
“Ano?” tanong niya, hinaplos ang aking pisngi at malalim na ang paninitig.
Kumurap-kurap ako at inalala ang aking sinabi. Nang mabilis na rumihestro sa aking isip ay napanguso ako.
“Are you saying it because I’m kissing you or…”
“Eh panay ka selos kaya…” natigil akong muli at hindi alam kung tama bang idugtong ang gano’n.
“Kaya? Kaya tayo na? Dahil nagseselos ako?” Umangat ang kanyang kilay at naglalaro ang ngiti sa kanyang labi.
Hindi naman ako lito. Alam ko rin kung ano ang nararamdaman ko para sa kanya.
“Malalaki na tayo kaya…” muli ay hindi ko madugtungan ang aking sinasabi.
“Kaya tayo na?” nanunuya niyang dugton
