Unti-unti minulat ni Jane ang kanyang mga mata. Naaaninag niya ang liwanag ng araw na nagmumula sa bintana ng kwarto. Napatakip siya ng kamay dahil medyo nasilaw siya sa liwanag. Nakailang kurap pa siya ng mata niya bago naging maayos ang kanyang paningin.
"Ate gising ka na," sabi ni Kim habang sinasara ang pintuan ng kwarto niya. Narinig pa nga ni Jane ang pagsara ng pintuan.
Napansin ni Jane na nasa kwarto siya ni Kim. Naalala niya na nahimatay siya kagabi. Siguro ay dito siya dinala ni Chase.
"Aalis muna ako Kim. Hahanapin ko si Jenny," sabi ni Jane at bumangon siya saka naman pumasok ang mama nila Kim na may dalang tray na puno ng pagkain.
"Kumain ka na muna Jane. At pinapasabi ni Chase na sila na lang ang maghahanap kila Jenny," sabi ng mama nila habang inilalapag ang tray na may
