"Mr. Smith, hindi na ako magpaligoy-ligoy pa," seryosong sabi ng dean ng University kay Chase.
Kinabukasan kasi ay pumasok na si Chase sa University at kalat na kalat na roon ang ibinibintang sa kanya. Kaya naman sa tuwing dadaan siya ay sa kanya nakatingin ang ibang mga studyante. Ni hindi pa nga tumatagal ng limang minuto na nakapasok siya sa classroom nila para sa subject nila sa araw na iyon ay pinapatawag daw siya ng dean.
"Kaya kita pinatawag para ibigay sa 'yo ito," sabi ng dean sabay abot ng isang papel kay Chase.
"S-suspension letter?" hindi makapaniwalang sabi ni Chase. "Unfair naman po yata ito? Ako lang ang ma-suspend samantalang inosente naman ako."
"I'm very sorry Mr. Smith, ayoko na lumala ito at madamay pa ang good image ng University kaya kami nakikipag-cooperate sa mg
