"Pasensya ka na kung nagpadala ako sa emosyon ko," hinging paumanhin ni Jane kay Chase. "T-talagang nasaktan lang ako sa nakita ko."
"Kaya nga sobra akong nasaktan nang hindi mo ako pinaniwalaan. Hindi mo rin tinatanggap ang paliwanag ko," seryosong sagot ni Chase kay Jane.
Nakatayo silang dalawa sa may harap ng fountain ng University nila. Talagang hinagilap ni Jane si Chase para kausapin. Kahapon kasi ay bigla na lang tumalikod si Chase sa kanya. Kita niya ang sakit sa mga mata ni Chase. Saka na-realize ni Jane na mali nga na hinusgahan niya ang loyalty ni Chase para sa kanya. At alam ni Jane na kailangan siya ng kanyang nobyo ngayong may kinahaharap itong problema. Idagdag pa na na-suspend si Chase.
"Kaya nga narito ako sa harap mo para humingi ng tawad. Hindi ko muna inalam ang buon
