"Ate Jane," napangiti naman si Jane dahil nakarating na sa W2 si Kim.
Tinawagan kasi ni Jane si Kim na magkita sila sa W2 at sabay silang pupunta ng mall pagkatapos ng kanyang shift. Ang totoo ay hindi pa niya sinasabi kay Kim ang totoong dahilan niya kung bakit niya tinawagan ito. Mabuti na lang at wala rin naman masyadong ginagawa si Kim.
"Salamat nakarating ka," nakangiting sabi ni Jane at nagbeso silang dalawa ni Kim.
"Pakiramdam ko kasi ay mahalaga ang mangyayari ngayong araw na ito," abot tenga na ngiti ni Kim.
"Ang lakas pala ng pakiramdam mo Kim," pagbibiro ni Jane kay Kim. "Alam mo kasi Kim," nahihiyang pasimula ni Jane.
"Ano iyon ate? Bakit namumula ka? Don't tell me..," hindi na natapos ni Kim dahil nanlaki ang mata niya ng tumango si Jane sa kanya.
"Kim," natatawang pinig
