Hindi pa ako tuluyang nakakatayo nang mabilis akong hinawakan nina Garnet at Nhya mula sa aking braso upang mapigilan ako sa aking binabalik kaya naman kaagad akong napalingon sa kanila ng marahas habang wala nang mapaglagyan ang takot at kaba na aking nararamdaman.
Handang-handa na akong kumawala mula sa mga hawak nila pati na rin ang sigawan sila dahil sa ginawa nilang pagpigil sa akin nang bigla na lang mabaling sa ibang direksyon ang aking atensyon.
Medyo nagkaroon ako ng pag-asa at medyo lumakas din ang aking loob nang marinig ko na ang malakas na tunog ng paparating na ambulansya. Dahil sa bilis ng pagpapatakbo niyon ay ilang segundo lang ay nakapag-park na rin kaagad ito sa bandang likuran ng kotseng sinasakyan namin ni Kian kanina.
Kitang-kitang ko kung paano sila mabilis na kum
