"Hi, my love," bati ni daddy kay mommy ng makapasok na kami sa loob ng LLS building at nakita namin na naghihintay si mommy sa may lobby.
Humalik sila sa isa't-isa at ako naman ay hinalikan ni mommy sa pisngi.
"Mabuti naman at nakarating na kayo, at kanina pa naka ready ang mga staff ko para sa photo shoot," aniya at tumuloy na kami sa pag akyat sa taas kung saan naghihintay ang mga staff sa isang room para sa gagawing photo shoot.
Naka standby na ang lahat habang hinihintay ako na matapos ayusan at lagyan ng kaunting make up sa mukha.
"Napaka ganda naman talaga ng prinsesa namin," saad ni mommy habang nakahawak sa kanyang bewang si daddy at pareho ng nakatingin lang sa akin at nakangiti
Pakiramdam ko ay para akong ikakasal dahil sa ramdam ko ang presensya ng aking magulang na todo
