MATAPOS ang mahaba-habang meeting na inabot na din ng alas-nueve ng gabi, lumabas na si Breonna ng club house para maglibot-libot. Busy na ang magkakapatid sa boys talk ng mga ito at alam niyang ma-o-OP lang siya. Bukod pa nga sa may gusto siyang lutuing plano, na mag-isa. Dumeretso siya sa pool area na napakalawak. At mas lalo pang nagmukhang malawak dahil halos kadugsong ang dagat. Kasing kulay ng gabi ang tubig… dahil siyempre ay gabi nga. Malamang na mas magandang panoodin ang lugar kung liwanag. Parang resort kasi ang lugar. Busy pa siya sa panonood sa paligid nang may nakaagaw ng atensyon niya mula sa kabilang isla. May bundok doon at sa gitna ay may naiilawang kung anong structure. Light house ba iyon o ano? Bakit sa dinami-rami ng pwedeng pagtayuan, doon pa sa gitna ng bundok?
“Uy
