Gusto kong sumabog sa galit ngayon dahil sa narinig kong balita mula kay Brickell. Seryoso ba siya sa sinabi niya? Si Devillina ay titira sa palasyo kasama kami ng dalawa o hanggang tatlong linggo? Nanggigil naman agad ako at naikuyom ko ang aking mga kamao nang dahil sa inis.
“What? Titira siya kasama tayo? Paano kung may mga bagay siya na malaman tungkol sa akin na hindi naman pwede? Mainit ang mata sa akin ni Devillina at alam mo ‘yan. Lalo na at halata naman na may gusto siya sa ‘yo kaya galit na galit siya sa akin. Kaya bakit doon siya titira?” tanong ko naman. Kahit sinabi na niya na hindi niya pwedeng sabihin sa akin ang dahilan ay gusto ko pa din siyang tanungin. Baka sakali ay sabihin pa rin niya sa akin.
“I really can’t tell you the reason. Basta mag-ingat ka na lang muna hab
