Naramdaman ko rin na nagulat si Jaira nang marinig ang sinabi ni Zaros sa akin, pero hindi niya ito ipinakita ng sobra. Deretso lang ang tingin sa akin ni Zaros ngayon at napakaseryoso ng kaniyang itsura. Ano ba talaga ang gustong mangyari ng lalaki na 'to? Tumayo naman ako at nilapitan ko siya. Hindi ko alam kung nasaan si Brickell ngayon. Pero mas mabuti pa siguro kung wala siya rito. Baka mamaya ay sabihin pa ni Zaros sa kaniya kung ano talaga ang pakay niya rito sa palasyo.
"Ano ba ang pinagsasabi mo r'yan? Hindi ba at napag-usapan na natin na hindi ako payag sa gusto mo na mangyari?" mahinang sambit ko kay Zaros. Pero alam ko naman na narinig na 'yon ni Jaira.
"And I am here right now para maipakita ko sa 'yo na seryoso ako. I am serious on you, Reign," sagot pa niya sa akin. Dahi
