Ayaw ko ng patagalin pa ang pagligo ko. Kung kailangan lang namang magpaalam sa tagapagbantay ay ako na ang bahala. Kahit ano gagawin ko makapagtampisaw lang sa talon dito. Baka kung palalagpasin ko pa ito ay wala na kaming madaanan pang ibang talon.
"Kumusta ka? Magpapaalam lang sana akong maligo," kaagad kong sabi sa tagapagbantay. Ngayon ko lang din napansin na kulay dilaw ang mga mata niya. Pero sanay naman na akong makakita ng mga kakaibang itsura kaya hindi na ako nagugulat o nakakaramdam ng takot.
"Maliligo?" parang may pagtataka niya pang tanong at sumilip pa siya sa likuran ko.
Hindi ko alam kung anong sinilip niya pero baka nakita niya lang na kasama ko si Bogart. Siguro nakilala niya since parehas silang tagapagbantay. Baka magkakilala sila.
"Sinong kasama mong maliligo?" ta
