Napangiti ako nang pagdilat ko ng aking mga mata ay puting kisame pa rin ang aking nabungaran. Talagang nakabalik na nga ako! Makakahinga na talaga ako nang maluwag!
Tumagilid ako ng pagkakahiga at pumikit muli. Sobrang sarap sa pakiramdam na bumalik ang dati mong buhay. Akala ko pa naman ay talagang magtatagal pa ako sa mundong iyon bago makabalik. Salamat naman at hindi ko na makikitang muli sina Husa, halihayop at si...
Muli akong nagmulat ng mga mata at napangiti. Napakaganda talaga ni Jila. Hindi ko alam kung sadyang nabatu-balani ba talaga ako sa kaniya dahil parang nakikita ko siya ngayon. Nakatingin din siya sa akin... Nang masama. Well, talaga namang ganoon tumingin si Jila.
"Tapos na bang magpahinga ang prinsipe?"
Napahalakhak ako sa sinabing iyon ni Jila. Higit sa lahat, nak
