Masaya kaming kumakaway ni Bogart kina Lu at Ku at sa iba pa nilang mga kasamahan. Paalis na nga kami ngayon upang ipagpatuloy ang aming paglalakbay. Wala na akong kailangang pagdaanan pang pagsubok kaya tuloy-tuloy na ang aming paghahanap sa kristal. Malalaman na rin namin kung nasa Esdan ba ang asul na kristal. Kung sila nga ba talaga ang kumuha...
"Magsisimula na ang tunay na paglalakbay nina Bobo at Bogart..." Sambit ni Bogart na ikinangiti ko. Talagang kinarir na rin niya ang pangalang Bogart. At least naman pala ay may nagkainteres rin sa aking pangalan at pagkatao. Iyon nga lang ay ibang Bogart ito pero masaya pa rin ako na makitang appreciated pa rin naman niya ang kuwento ko tungkol sa aking sarili. Hindi ko masasabing bias lang siya dahil hindi niya naman alam na sarili ko talag
