Nang lumabas si Monica sa banyo matapos makapag suot ng damit ay wala na si Jake sa couch. Nagpapasalamat siya dahil makakapag pahinga na rin siya sa wakas. Pagod na umupo siya sa couch at sinuklay ang buhok. Pag nakauwi siya sa condo niya ay kukunin niya ang blower niya sa buhok. Gusto na sana niya na matulog ang kaso basa pa ang buhok niya. Sisipunin naman siya kung matutulog siya na basa pa ang buhok niya. At habang tinutuyo niya ang hair ay nagpasya siya na kunin ang phone niya upang makipag-chikahan sa dalawang kaibigan na sina Camille at Precious Angel tungkol sa kaklase nilang si Lovelyn. Ngunit hindi pa man niya natatawagan ang mga kaibigan ay napatili siya sa gulat at muntik pa niya na itapon ang cellphone niya sa pakabigla ng sabay na lumapit sa paanan niya ang dalawang pusa. Na
