الشيخ والعشق

8

رقيه: بكيفك شيخ هذا احنه متوقعيه اكيد حتزوج علمود الولد

امل: اني اجيبله لولد ان شاءالله وميحتاج ياخذ مره

رقيه: بسرعه سوته ولد

امل: غصبا عنج ولد

رقيه: خايبه دسكتي عود تردين تعترضين هوانتي مهديه الي هديه

امل: بت خاله انه حته اذا ن*ديت بس الدور عله بت عمه الي انه جيت عليها و**رت خشمها

قيصر: ده اكوملهن ولشيخ لزم ايدي وكالي اششششش خل نشوف اخرتها نسن اصلا اني كاعد ولشيخ موجود انطلقن

الشيخ: بسسسسسس الله لايجزيجن خير بويه تزوج هج بويه ذني الي ايكا**هن ينعل عل

قيصر: ابوي طلع بعدني بهدوم بغداد ولكل لبس اداه تنسحب للض*ب بلبس العربي ينسحب لعكال وبلبس بغداد شوي اسهل ينسحب لحزام امي الشيخه كاعده فتحته وجريتهه ووين يوجعجن خزيتني كل ماكول مايصير ينض*بن مايفيد وياجن خايبات اكولجن راح ازوج بدل ما تعدلن نفسجن تتعاركن كدام الشيخ ووحده تردح للثانيه ثنينج متبقن والله اذا شفت وحده بيجن لاشمرها من العالي كومن

طلعن يتراكضن لشيخه كاعده ده اطلع وصاحتني

تعال ياقويصر

قيصر: شنو بطل قاصر انه وقويصر شسالفه شيخه

-لاتاخذني بالحجي ياابن داود تريد اتثلث

-هااا شيخه موهسه تكولين لاعيب ولاحرام شو تربعتي

-خايب وانه ممغيره كلامي مثنى وثلاث ورباع وماملكت ايمانكم بس الا تعدلو

-ليش شيخه شايف*ني موعادل ويه نسوان مايوم جبت لوحده وخليت وحده حته بض*ب ثنينهن سوه

-ههههه خايب يمدهور الي عده. نسوانك تنعل نفسه عن بنات حوهه كلهن يبتعد عنهن مو ايزيدهن

-اووووف يمه صارت بدربي وادعيلي تصيرالي

-يعني موتهديدلنسوانك هذا

-لاياشيخه ممقبوله منج انه ترباتج ماهدد انفذ

-والله تاليتك ياابن داود محد يكدرلك غير الناوي عليها مبين من هسه متولع وذايب بحبالها تعال احجيلي منهاي

-سولفت لشيخه كلشي جان ردها كويه هذي تعذبك

اوف هيه حاصله حته تعذب وله لا

ناي: مر شهر تقريبا بين فتره وفتره اشوفه ويختفي ويرجع يبين اخر مره صاركلام بينه لحكني للكراج

وانه كتله عيب عله شاربك وانت ابن شيوخ تلحك بنات الناس

بوقتهه ض*ب السياره البنيد بيده ض*به وصعد بسيارته كمت اشوفه من بعيد يوكف. ميتقرب

اليوم اني بالمكتب واجه محمد

اهلا محمد تفضل خير محتاج شي

محمد: اريد احجي وياج اذا عندج وقت

-اي كول اسمعك

-اني اعرف الي صار وياج واعرف انجرحتي بس اخوي يحبج وو

-محمداذا جاي تحجي. بموضوع قيصر اترجاك سده لحد الان اني كل يوم احاول انساه وماكدر انسه ماريد احد يجي يزيد وجعي

-بصراحه اني جاي عله موضوع سرى

-شبيهه سرى

-متقبل تحاجيني رحتلها كم مره لكليتهه واتصل مترد هاي ج*سيتي لامزوج ولاشي

-هههه شيل ج*سيتك اخرشي راح نوكف العالم انشوف جناسيهم منو مزوج ومنو لا

-هههههه اعرف الي صار غلط بس صدكيني مومن طبعه يكذب بس خاف يخسرج وهوه حب…

-محمد رجاءخلينه بموضوع سرى

-يمكن غلط اجي واحجي وياج عله موضوعها بس

-محمد اني انسانه عمليه ماكو واحد يشيل ذني واحد ويحاسب عنه بس لمهم نيتك وياها شنو ليكون بعلمك فقط تره مو لان حجينه وطلعنه معناها… .

-لتكملين ناي اعرف تفكيرج شنو وماانكر بولايتنه مايصير بس لكل شي سبب تعارفكم انتي وقيصر كان سببه قضيه تحولت لااعجاب بينكم اما اني وسرى من خلالكم وبعدها ثنينه بنفس الجامعه وموكل وحده ضحكت وله سولفت هذي عليهه ا** ونيتي ويه سرى الله يعلم غرضي شريف وياها

- ماشي محمد اذا هذي نيتك فبيت ابوها بي باب والي يدك الباب يلاكي جواب دكه وحياك الله

-اني مستعد من اليوم وكتلها بس هيه رافضه بسبب

-عوفها عليه اني احجي وياها

-والله ماعرف شكولج بصراحه مجنت متوقع انج حتتقبلين لموضوع وتساعديني

-محمد سرى اختي فرحها فرحي روح وان شاءالله اخابرك ابلغك بااخبار تفرحك

طلع محمد ماانكر مقهوره ومعصور داخلي خصوصا بعد مستحيل انسه حته اذا كان الي امل بنسيان ماانسه بعد محمد راح يكون تذكير الي بس سرى مسكينه شنو ذنبها مره بسبب اخويه تعذبت وهسه مستحيل اخليهه تتعذب مره ثانيه هيه هم تحبه مومن حقي اكون سبب بتعاستهم خصوصا واني ده اشوفها شلون متأذيه ع فراكه

رجعت وعزمتها ع غده حته احجي وياها براحتي سولفتلها عله جيه محمد

سرى: سدي لموضوع ناي

-ليش اسده انتي تحبيه وهوه يحبج

-واني ماابني سعادتي ع اذيتج

-بالع** تفرحيني مو اتأذيني

-قيصر اخو محمد تره

-وانتي كلتيها اخوه موشرط يكون مثله

-انتي شلون قادره تحجين وكانما مصارشي

-لان بالفعل مصارشي اني وقيصر اصدقاء لااكثر

-ناي تره اني اعرف كلشي واعرف انج تحبيه وانتي اعترفتيلي بل**نج

-كنت متوقعه اني احبه بس طلع لا وع فكره عن قريب راح يزورونه ناس ع موضوع اياكدلج ان موضوع قيصر منتهي بالنسبه الي

-يعني قصدج يخطبوج

-اي

-صدك منو

-اذا تذكرين ايهاب لولد لمحامي الي كتلج حاجاني كم مره رجع فتح لموضوع كتله افكر

-فرحتيني ومبين ايحبج لان صار كم مره يفتح هل موضوع وتصديه

-ههههه حب كلمه بلا معنه صارت كتله افكر بس هوه مابي شي يتعيب ع العموم مو موضوعنه هسه هذا فتحي تلفونج وخابري لولد وتعلمي مو عله اي شي تعوفين الي تحبيه ويحبج تره باجر تندمين

خابرت عله محمد كدامي اول مسمعت صوته نزلن دموعها تاكدت احسن قرار اخذته باان ماادخلهم بهل موضوع تحجي وياه اني شتت انتباهي عنهم طلعت تلفوني الي كان يعلن عن وصول رسائل جديده من قيصر قريت وحده مكتوب بيهه

(معقوله كلبج ماكالج اكو انسان مشتاق لسماع لو بس كلمه الو منج ناي مشتاق لضحكتج معقوله مشتاقيتيلي

قطع تركيزي بالرساله صوت سرى الي تحجي ويه محمد تكوله ناي حتنخطب عن قريب ردت امنعها تحجي بس بعدين اتغلب عليه شعور اي خلي يسمع اله احرك كلبه عفتهه تحجي براحتها ومبين من اجوبتهه محمد ده يسئل شلون وشوكت ومنو

كملنه غده وصالحتهم ورجعتهه للبيت كتلها عندي ملف نسيته اروح اجيبه من لمكتب اول مانزلت سرى خانتني دموعي الي جنت ضامتهن وامثله القوه لازم انسه هل موضوع وماذكره بعد واذ محمد اخوه شنو يعني انساه مافكر بشي ميهمني ميعنيلي اصلا مااحبه اني اكرهه

مشتاقتله مشتاقه لمحاسبته الي وغيرته ونضرته

لاممشتاقتله اكرهه اصلا اني احبه والله والله حبيته مو

بيدي وكفت السياره وحطيت راسي ع الستيرن وبكل قوتي بجيت تعبت كل الايام الي فاتت كل يوم انسه الصار واركض ع تلفون اريد ادك الرقم واذكر وافشل امام نفسي

قيصر: حياتي تعب بتعب لاكادر انسه ولااكادر ارتاح رحتلها وكتلها راح اتقدملج وسمعتني كلام ايسم رجعت للديره وبين فتره وفتره اروح لبغداد اشوفها وارجع مااحاجيها بس اشوفها واخليها تنتبه اني موجود

تلفونها الخاص غيرت رقمه باقي بس تلفون المكتب وماترد عله رقمي وكم مره اشتري رقم جديد وادك عليهه من تجاوب وتعرف اني بعد مترد عليه

اليوم انه بالبستان واخوي صادق كال محمد اجه خير مو وقت جيته هوه بس بالعطل يجي اليوم شنو صادق/ثلاثاء/يجوز اخذ اجازه رجعت للبيت شفته وسولفنه وكال

محمد: قيصر اني وره الامتحانات ناوي اخطب

قيصر: سرى

محمد: اي وياريت لوتفرق بين موضوعك وموض…..

قيصر: محمد شايف كل الخير سرى بت اجاويد وتستاهلون كل خير

محمد: اووووف وربي انت وناي دوه للجرح ممتوقع ردات فعلكم هيج

قيصر: من كال اسمهه فرفحت روحي

شفتهه

-اي

-شلونها

-مثلك امثله لقوه بس عيونها اتبين ضعفها

-اه اووووووووف محجت شي عني

-لابس من جبت اسمك نفس حركتك سوت نزلت راسها كانها تستجمع قوه ورفعت عيونها بس غيرت لموضوع

قيصر انسه لموضوع احسن

-موبسهوله انسه محمد والله اول وحده احس بهل مشاعر وياها بعد سنين وبهل عمر يله اجاني هل احساس

-قيصرالله يهد*كم ويقدملكم لخير

-عوفني هسه اني راح اكول لاابوك اروح نحجي بالبنيه وبعد التخرج الزواج مابقالكم كلها كم شهر وابوك من نجحت من السادس وهوه يريد ايزوجك

-بكيفك خويه

قيصر: بلكن ربي يهديهه ومن تشوف سرى حتصير ابيتنه وتعيش وياها تقتنع

حاجيت الشيخ ووافق بعد عناءلان جان يريد وحده مم بنات عمامي لمحمد قنعته لان شنو ذنب محمد يعيش مشاعر وتروح منه ويجوز يصير مثلي من بعد ماينكطع الامل يرجع ايعيشها ويتحمل عذاب

رجعت للبيت من يوم الوصلت رجعت احاول وياهن بلكن الكه شي يهدي داخلي ماكو عزلت روحي غرفه احمد من ازوج صارت بس لزيارات من يجي هنا هوه وزوجته كمت انام بيهه نقلت كم غرض بيها حطيتلي مسجل الليل شطوله وانه تكلب ع فراشي حطيته يمي اسمع التهي باي شي حته لوبالجذب وتالي الي اسمعهه يزيدني نار وهم ماجوز ارجع اسمع شغلت كريم ومشن كم اغنيه وطلعت اغنيه انتهيت انه انتهيت

دكيت رقمها الخاص مغلق عرفت مبدلته دكيت ع رقم ? الي بالكارت دك جانت ساعه 5العصر

فتحت خط محجيت قربت لتلفون ع المسجل وبدت كلامات كريم. تخترق لسماعه ع امل انه تسمع وهوه يكول

انتهيت اني انتهيت جنت نار وطفيت

صرت حفنت رماد وعلي ثوب السواد

تبلل من بجيت تبلل من بجيت

فرح شد الرحال تركني للهموم

حلم ردت الوصال اجيب منين نوم

بقيت اتنه لوعد جمرناري برد صرت حفنه رماد علي ثوب السوادتبلل من بجيت

اسئلك يالعزيز الا هل من سبيل

تعبته من السكوت ورضينه بالقليل

زماني مارضه بتعب عمري انكضه صرت حفنه رماد وعلي ثوب السواد تبلل من بجيت

سدته ورجعت اتصلت مكيف انها تسمع لغنيه من درت التلفون قريت لمكالمه معلقه خرب واني مكيف طلعت معلقه الاتصال

ناي: بيوم كاعده بالمكتب خالي ده يحجيلي عله قضيه ودك رقم ? غريب جاوبت صوت موسيقى ركزت بالصوت اغنيه كريم منصور محد يسمع كريم غيره سديته رجع دك اطبته رفض وهم دك اني يم خالي فتحت خط واطيته تعليق بس احس بفرح كاني خبثت عليه خليه خل يخلص رصيده لحد مشفته هوه سده وره شويه دز وساله كاتب كلمات لغنيه كلها وبالاخير كاتب منين اجيب احساس للي مايحس

والله ياالله هسه لو الله يهديه لخالي اغير هل رقم ? ميقبل يكول انعرف مال محاميه وبهل مكتب الناس تتصل عليه ميصير يتغير

صار شهرين عله الي صاار اليوم. محمد كال لسرى راح يجون الخميس يحجون بيها بس ربط كلام لان فتره امتحانات هسه همه ايخلصون ويسون حفله خطبه اتفقو الخميس يجون بدينه نحضر بس كلبي واجعني اكيد حشوفه اووف ياربي صبرني كعدت الصبح الخميس رحت جبت الكيك والتقديمات بشارع دك تلفوني

الو

السلام عليكم

وعليكم السلام

شلونج ناي

تمام منو ويايه

نجم شبيج. معرفتيني

من غير ماحس ض*بت بريك

نجم والله زين اذكرت عندك اخت

اهووووووو ناي هسه مو وقتج عندي مشكله ولازم تحليهه الي

-لابالله وليش لازم يعني روح نجم اني نسيت عندي اخ مثل ماانت نسيت عندك اخت سديته بوجهه وكملت شغلي رجعت تلكاني زيد ابن خالي ساعدني نزل ويايه خالي اليوم بالبيت

خالو اكدر احجي وياك

-اي تعالي نانه خير

-خالو خابر نجم وووووووووو

-زين سويتي خيولي هل ناقص كومي بابا ساعدي عمتج وهاي سرى خبصتنه كل شويه تسئل مجتي

-رحت لسرى متوتره شبيج ولج شكو راح يجون يكولون اكو صخله عدكم اريد ناخذها للطيلي العنده حته ايخلفونه خرفان صغار

كامت تركض ورايه اله عضتني يله ارتاحت

يابت العضاضه ع كولت عادل امام ولج شبيج مملقحيج تعالي امكيجج فضيني

منو حيجي

-موكلهم يجون بس كم واحد ونسوان ابوه

-نسسسسسوان ابوه ليش كم وحده

'ثنين هههه

'عائله تزوج بجمله ذوله ديري بالج لامحميد ايسويها

-لاشحده عزه اشنقه

'ههههههههه

-اخوته وابوه يجون وهم موكل اخوته بس قيصر لان جبي… ناي فدوه عيني اريدها

-هههه عابتلج يله سكتي خل نكمل كملت الها وبدلت وحطيت مكياج خفيف خابر محمد كلها وصلو طبو الفرع صعدت لغرفه زيد فوك شباكها ينشاف منها طول الطرمه كلها وباب الشارع ولشارع مشتاقه لشوفته شكد كابرت مكدرت اخذتني رجلي للشباك طبكن سيارتين شفته ايسوق نزلو من سيارته نسوان ثنين كبار ورجال جبير وهوه نزل قفل السياره وحط لسويج بجيب دشداشته فتح العبايه لازمهه بيده ذبهه ع جتافه وعدل الغتره بجامه االشباك السياره الثانيه نزلو منها 3شباب وبنيه شابه دكو الباب وهوه بعده ايعدل بنفسه طبو رجال جبير بالبدايه ووراه نسوان ثنين وهوه وياهم مشيته جانت هيبه برزانه والزي العربي الي لابسه يجنن عليه لزمت كلبي احسهه راح يخترق عضم ص*ري ويطلع انتبهت ع نفسي ناي انتي نسيتي هوه مومهم انسيه يله خلص اطرديه من دماغج نزلت احنه مسوين احساب ينشقون النسوان وحد والزلم وحد بس همه سوها شلون تعارف يعني ويربطون كلام وبعدالامتحانات يجون مشيه خطابه هاي موخوش شغله اني الي لازم اقدم سرى عروس وكاعده يتعرفن عليها وعمتي عيب تكوم وماكو غيري خرررررب اني

بالمطبخ افتر جتني عمتي يله يمه ناي

-اي عمه هسه حطب اقدم

-اي يعيون عمتج يوم الي افرح بيج يمه

-تسلمين عمه راحت احس حراره بوجهي فتحت لمجمده وحطيت راسي بيهه اريد بروده طلعت الكيك جنه مفرغيه بمواعين تقديم وكل ماعون بي الشوكه بس حطيتهن بال صينيه والصينيه الثانيه بيهه الكاسات وقواطي العصير الف مره سويت شهيق وزفير طكطكت اصابيعي جامه الكاونتر مثل المرايا عدلت نفسي بيهه شعري جان مشيول نص ونص الباقي مفتوح لابسه فستان طويل حلو بي حزام من الخصر عريض لونه بنفسجي فاتح شلت صينيه الكيك احس ايدي ترجف طبيت الصاله ماريد ارفع راسي اخاف هوه بوجهي

السلام عليكم

الجميع عليكم السلام

اكو صوت صاح هلا يمه عمتي كامت اخذت الصينيه من ايدي اشرتلي سلمي نسوان ثنين كاعدات وحده بنص كاعده لازمه عصه بيدهه هيه الي كالت هلايمه بنيه شابه وكفت وهيه كاعده ومره بصفها من تقدمت كامت سلمت عليها بوستني ام العصا كامت

هلا يمه

رفعت راسي عليهه شكلها حلو مدبده بيضه حلوه بوستهه بس حضنتني حضنتهه تقريبا جرت شعري بيهه وحيل حضنتي

سلمت ع الشابه حجيهه بغدادي مثلنه بيهه شبه من بنت عمو سجاد صديق خالي الجبيره حانت ويايه بالكليه

انتي ناي مو

-اي حبيبتي خفت من سوالها راح بالي بعيد

-اني اخت ساره

-اها اهلا حبي والله شبهت عليج انداريت رجال جبير سلمت عليه عرفهم خالي طبعا اني بنت اخته بصفه كان قيصر مد ايده مكدرت مااسلم اخرب شغله سرى عيب مديت ايدي سلمت عصر ايدي خزرته وسحبتهه احمد جان موجود ومحمد وولد وياهم عرفت انه سورير هم اخوهم عمتي بهل اثناءجانت موزعه الكيك رحت جبت البارد قدمت وصلت يمه مد ايده اخذهن بس ببطئ ده اطلع وصاحت لمره الجبيره يمه ناويه تضلين رايحه راده ماتكعدين

عمتي كالت كعدي يمه راح نصير اهل مابينه غريب ان شاءالله كعدت يم سرى اني متوتره احس دكات كلبي واصله الف وهيه لزمت ايدي ايدها ترجف زادتني توتر احس روحي عركت وبردت بنفس الوقت كل ماارفع عيني الكاه ايباوع عليه بس موقيصر الي عرفته ضعفان امبين بوجهه ضعف

حجو ع انه جاين يتعرفون بهل اثناءطب زيد ابن خالي عمره 16بس ع طوله وخشونتهه عمره امبين اكبر حته مني ومن سرى دنج عليه شاورني نجم ايريدج برفعه عيني انتبهت انه خنزر من دنج زيد لحد مارفع راسه كمت وياه بعد مااستئذنت منهم طلعت نجم بالمطبخ

-انتي شلون تسدين التلفون زعطوط اني

-اشش لصيح ناس يمنه

-منو يمكم شنو هل سيارات

-ده يخطبون سرى

-ها عبالي عليج كلت منين اجيبين هيج ناس مبينين متريشين ممعقوله يدورون شكولج

-وشبيهه شكولي يااخويه

-مابيهه بس شايفه نفسج مال وجع

-نجم ناس يمنه مالي حيلك شتريد

-اريد احجي وياج عندي طلابه شكبرها وكعت عله راسي

-العالم يمنه هسه روح بغير وقت تعال

-لاعليمن هسه اطب اسلم وانتضرهم لحد ميرحون

-نجم روح بهذا منضرك حته لبس بي خير ملابس

-اهوو راح اطب اتمدد بغرفتج

-فوت خلصني

-اخذت نفس ورجعت كعدت جانو ده متعارفين ناس عله ناس وطبعا عده خبر من قبل خالي وسئل عنهم ويعرف قيصر وعرف محمد زميل سرى وعمو سجاد حمد بيهم

كعدت يم سرى

المره لجبيره كالت شسمج يمه

-ناي حجيه

-عاشت الاسامي يوم الالج

-تسلمين حجيه

رجال الجبير عرفت انه ابوهم مبين مو متعصب لان شكله سمح مو مخنزر كال

بويه شبيهم شبان بغداد هل زين كله لو بديرتنه جان هسه فراخها بطولها

هههههه ضحكو الكل

قيصر: يمكن من حسن حظ واحد انعمو شبان بغداد حته يجي الي يصونها ويقدرها بيومه وزمانه

ناي: اريد اكوم اشنقه

الشيخ: بويه شكرنه متأخر صحيح بس ماناسين وكفتج

ناي: لاحجي مسويت غير الواجب

طلع زيد ورد رجع عم نزل شاورني هوه عيونه مفتوحه اتريد تطلع شاورني كالي نجم راح كتله سوه فضل كعدو الناس شويه صار حديث بين الطرفين وشقه وضحك بس هوه كلماته جانت بيهن بسامير متوجهه بس محد يفهمهن مثل كالو قسمه ونصيب سبحان الله ايجيب بنت الشرق لاابن الغرب

هوه كال وقسمه ونصيب تنكتبلك لتريده بس كدها الي يصبر لحدما ياخذه لوجان بحلك السبع سرى كاعده يمي شاورتني طن

للحلوين الي يسعدني تفاعلهم هذا بارت من الشيخ قيصر تحيه الكم ههههههههههه

ضلو يسولفون طبعهم حلو سوالفهم متنمل طبعا عرف*نه اول مطبو لمره الجبيره انها مرت الشيخ وضرتها هيه ام محمد ولولد كلهم ماعرف شفتح لموضوع بس هيه من لفت ودارت وجان تكول هاي اني وام قيصر مايوم حسينه احنه ضراير ولرجال مادامه قادر يحمل مسؤليه اكثر من بيت لاعيب ولاحرام

ام سرى: حجيه انتي كلتي اطفال الله مكتب الج فزوجتيه

الشيخه: اي حقه هذا تصيرله ذريه انه نقصي هذا ومن حقه ايعوضه من غيري

ام سرى: رحم الله والديج يعني اذا كانت زوجته قايمه بكل واجباته وساده كلشي ليش يزوج بعد

ناي: لا عمه هسه صاير الزواج تكبير عدد وبس

قيصر: ليش هيه بالعدد المثل يكول واحد كفل كومه بس اذا كان ممرتاح بحياته ايروح للحرام حشه السامعين لو يتزوج

ناي: هااا وهسه اذكر انه ممرتاح هذا عذر ايدوره لرجل حته يبرر تصرفه

قيصر: موكل الينشاف يتصدك ومااضن اكو رجال ايحب ايكثر مسؤلياته مسؤليه جديده بس الي يجبره هوه نقص موجود ابيته

ام سرى: اي صح والله كلامك

ناي: الصح ايح….. قرصتني سرى سكتت ولمره الجبيره ضلت تحجي

اخر شي المره لجبيره كالت ماكو مره اكلت مره اهل اول ياخذهن اربعه ويسكنهن ابيت واحد

سرى سوتلي وهمممم طن

شاورت سرى كتلها لا بابا هذا لمثله يلعب بس مسوي نفسه كدام اهلهه ملاك مستحيل حاجيلهم عني وثانيا الحجيه عبالها بعدنه بزمن العبوديه

راحو بعد ما بالف صبر كدرت اسكت وهوه كدامي كاعد من ده يطلع ده اسلم ع حجيه هوه اجه عود ده يطلع اني والحجيه صايرين اباب الاستقبال فات من مصنه وبحركه سريعه فات من كدامي ودنج عود شلون شم عطري وطلع اني بسرعه انداريت شفت خالي وعمتي ملتهين بسلام بس سرى عضت شفتهه وسوتلي عزهه بشفتها امنيتي الحكه املخه طلعو سرى فاتت اتبدل ده افوت وراها وصاحني خالي كالي شعنده نجم ببعده ممكمل كلامه صاحت سرى لج نااي تعاي شوفي

عله عيطتهه ركضت اني وخالي للغرفه الكنتور مكلوب كل الي بيه بالكاع احنه حاطين كنتور ابو 4بوب مفصوله كل باب وحد اني ماخذه ثنين وسرى ماخذه ثنين كنتور سرى كلشي مابي بس كناتيري مكلابات هدومي حته هدومي الداخليه مشمره طالعه من المجر ركضت غطيتهن عيب من خالي واكف

الخال: شنو هل هوسه هاي كنتورمن هاي

ناي: كنتوري خالي

الخال: ناي شوفي غراضج حاطه شي بي انتي

سرى: شلون محاطه فلوسهه هنا وذهبهه كله هنا

الخال: هااا موجودات

ناي: لاخالو

الخال: زيد

زيد :نعم بابا

الخال: نجم شفته من طلع

زيد :اي اني طلعت اشوف السيارات موانت كتلي كل شويه باوع عليهن شفته جان بالمطبخ ده ايدور جيس اطيته وطلعت شفت السيارات من طبيت هوه طلع

الخال: جيس شنو مشفت شحط بيه

زيد: لاوالله بابا مشفت

الخال: سرى فتحي كنتورج شوفي غراضج

هاااا

سرى: لابابا بمكانهن كلشي مماخوذ منهن

الخال :هاي تاليته النذل ايبوك اخته بدل ميطيها هذا جزات تعبها

كومي اروح للمركز انبلغ

ناي: شبلغ خالو ابلغ عله اخويه

الخال: لج يااخ غ*يه انتي هذا اخ هذا بله مصيبه ع راسج مو اخ هاي تاليتها ايبوكج لج كومي هسه ايسجلوه غصبا ماعليه ايرجعهن

ناي: خالو شسوي بيهن اذا نحكم تالي وكت اسجن الي ربيته

الخال: ولج مو باكج

ناي: الله يعوض خالو

الخال: طبج مرض انتي طايحه حظ ساكته ومغلسه ع اعماله حيل بيج

ناي :موقف الله لايراويه لاحد لحد اخر لحضه واني ممصدكه اخويه ايبكوني بس منو غيره صار سنين اشمرهن بكنتوري حته مفتاح مااشيل ولااقفل لو 100سنه تمر هم ارجع والكاهن بمكانهن طلع خالي وهوه يحجي عليه جربت تلفوني خابرته سرى كالت من كل عقلج ايجاوبج والله فتح خط

الو

لك نجم متستحي لك تبوك اختك

شنو ابوك متستحين انتي اختي واخذت منها شكو بيها

لك تاخذ من دون علمي تكلب غراضي ياحرامي

انجبي لج لااشك حلكج حرامي شنو ليش بكت شي من احد اكو شي منكم ناقص غير بس مالاتج اخذتهن لامحتاج واجيتج تكوليلي ناس وعيب واني مرتي صار شهر زعلانه ابولمحل بطلني ماعندي شغل

-وتجي تبوكني حته ترجع مرتك يويل يل متخاف الله صارسنه مشلت تلفون كتلي شلونج تالي تجي تبوكني

-شبيج حالج احسن من حالي فلوس حاطتهن ع كلبج وذهب واني بنتي حفاضه ماكدر اشتريلها وعمتها كل هل خير مخابره تصيح

-صدك يويل الي جانو يستحون ماتو لك. هواني حته ماعرف بيك شخلفت ولد لوبنيه شحاجيك روح نجم حسبي الله ونعم لوكيل سديته وكمت الم بغراضي بسرعه تشمر نار مشتعله بروحي صعبه بعد كل هل مده يجي ايبوكني وهوه ابو الراهي

كضيتها ابجي ماكدر احجي شكول خالي كالي اني اطيجياهن كتله لاميسون جتي عمتي كالت ولج 2500مال السلفه وذهبج مايسون شعندج غيرهن بعد

-اووف عمه هنه لمليونين ونص وسوار وتراجي ز**يل و850مال الدعوه الي كتلج عليها و200الراتب الي اطانياه خالي كلهن شايلهن

-الله ي**ر ايده يمه اني اطيج لاتنقهرين

-لاعمه تسلمين هذاهوه الحمدلله

شبعت قهر وين اولي حته ارتاح امين مااندار الكه خنجر بضهري ربي لااب بي خير ولاام مثل البشر حطيت املي بالاخ وتالي طلع لافود ولانفع ولحبيته طبع كذاب ربي اف*جها تعبت

يوم الاحد رحت للمحكمه ماعدني ولافلس ولازم استنسخ اوراق عندي دعوه رجعت للبيت اداينت من عمتي 200مقبلت هيه بس كتلهه اذا مودين مااخذهن فولت لسياره بانزين وكملت شغلي وطلعت صار بوجهي قيصر روحي طالعه وهذا مجتف وواكف

قيصر :اتفقنه اروح لبيت خالها الشهرين لفاتن علي بس الله يعلم ببهن محتاج لوجودها بحياتي بكل شي حضرت روحي ع امل اني اشوفها من قريب طبت شايله صينيه كيك انه سولفت للشيخه وكتلها حتشوفها لشيخه تحارشت بيهه اخذت عمتها لصينيه وسلمت الشيخه حضنتها ماتدري هل حضن فحص كامل انفحصت قبلها سرى بس ياريت اكون باامل مثل محمد اطلع من الباب وانه ضامن انها الي حتصير

كالتلي هيه زيد ابن خالهه صغير هذا شاب شطوله شكده كل شوي مدنج عليهه ويهمس بااذنها وانه نار اشتعل قبضت ايدي تمنيت اجر عكالي وهوه يندل دربه ويين يض*ب انفتح حديث ولشيخه مقصرت بتسميع جانت رفعت حاجبها ادل ع ان لحجي معاجبها كامو واني مشابع منها شوف انتبهت الكل ملتهي سلمت ع خالها قبلهم بحجه اشغل لسياره احضرها واكفه هيه ولشيخه سادات الباب اتقصد افوت

بنصهن دنجت لمستواها شهكت كل قوتي عطرها اريد احبسه بريتي بويه حته الشال خلص عطره كثر ماشميت ريحته شبي حضي خله عطرج يبتعد عن انفاسي

الاهل باتو ابيت احمد وثاني يوم رجعو لديره ويه سورير انه بقيت ببغداد الاحد رحت للمحكمه دورت سيارتها بالكراج ووكفت وانتجيت عليها

حيره اول مره اشوف الكمر يطلع ويه الشمس بوقت واحد

-مراهق مراهقتك متاخره

-ناي والله هدني شوكي الج كافي زعل والله ميت بهل بعد

-ممكن شويه عندي شغل

-ناي اني مكافر من حقي اتزوج 4شرع الله هذا مادامني مقتدر عله العدل بينهن وع كولتهم ماكو مره تاكل مره

-هذا عدكم عندي اني يختلف يايكون الي وبس يا بلاياه وخر قيصر

-ناي وحده بنت عمي وحده بنت خالي ووحده صارت بنت روحي رحميني دخيلج لج اعشكج

-قيصر ابتعد عن طريقي والله احبسك

-لا بتهمت شنو حبيتج اذا اكو عقاب عله حبي الج مستعد انفذه

-قيصر ابتعد عن طريقي رجاء

-ناي صار كم مره جيتج يابنت لحلال لوكاتل ابوج جان هم اخذت عطوه وفصلت بويه اطينه عطوه

-قيصر بالعافيه عليك السياره رايحه اركب ت**ي

-مخبله عاف*ني ومشت تعالي خلص روحي ناي روحي هيه موذله غلطت ومعترف حبيتج وخفت اخسرج ولليوم اكولج انتي روحي بنص كلبي انزرعتي بس ياناي كافي لاراضيه تسمعيني ولاراضيه تطيني فرصه راح اعوفج ترتاحين عله امل انج تتفهمين موقفي وتطيني فرصه اثبت ابرر موقفي وتتفهميني منتضر هل يوم وان شاءالله مايكون بعيد لان صعبه اضل عايش جسد بلارروح ردي روحي يابت روحي

-ناي والله اله شويه واحضنه واكوله اني الي روحي وكلبي وكياني كله عندك اشتغل واقره الف شغله حته انساك وبس احط راسي ع مخده تنزل دموعي من الم كلبي وشوكي الك عيونه جان بيهن صدك بس شلون بعد هل صبر كله اخذ رجال ع نسوان ثنين وكف ع صفحه ركبت سيارتي وبسرعه طلعت خايفه اضعف واني اشوفه كدامي