الشيخ والعشق

7

قيصر :سئلتني واريد اتهرب بااي شي شفت ابو عربانه جمار واعرف هيه تحبه ركضت اشتريلهه من رجعت تقربت شفتها بعالم ثاني ركزت شفت باايدها ج*سيتي انتهيت عرفت عرفت كلشي حاجيهه رفعت عينهه بس مبينه عليهه صدمه من الموضوع وكعت من طولها ركضت اصيحها ناي ناي ماكو شلتها واني انعل نفسي وحضي العاثر الي حطها بطريقي وخلاني احبها واخفي عليها هل موضوع محمد وسرى شافوني اطيت لسويج لمحمد وصعدتهه ليوره وصعدت يمهه راسها بحضني غصبا عني دموعي نزلن واني اشوف ملامحهه الي بين عليهن لون الصفار الي يدل عله التعب وردتي لاول مره تكون بهل قرب بحضني بس بالم سببته اني وصلنه للمستشفى كالو ضغطها صاعد الطريق كله جان لسؤال لمتوجهه من سرى شكو وشصار محمد كان هادئ رغم مبين عليه التوتر

طبت سرى يمها ومحمد سئلني كتلها مزوج

-لا

-ليش وكعت اني توقعت حجيتلها

-هيه عرفت اضاهر لج*سيه واكعه ومامنتبه شافت بعينها

-اباااااا كم مره كتلك احجيلها هسه حلها ياابو العريف من البدايه ياخويه ليش هيج انت اذيت نفسك اتعلقت بيهه

-محمد عوف الحجي هسه ماريد بس اطمئن عليها

طبيت طردتني ردتها تسمعني مقبلت محمد كال عوفها ترتاح حاولت مرضت تسمعني كلت لمحمد ميعوفهم وضليت كل شويه اتصل بيه لحد مكال نزلتهم يم لباب اني ويه طلعتهم طلعت بسيارتي شلون وصلت لبغداد مادري

ياريتها بس تسمعني موبيدي حبيتها وخفت اعترف اني خفت خفت اخسرها صارتلي دنيه جديده طلعت شمس ضوت بنورها الضلام الي حابس بي نفسي صحت هل كلب الي مايوم حب ولاحس بمشاعر موذنبي ذنب الوقت الي جابها متأخر الي ياريت شايفها بذاك لوقت لي جيت بي واني ناجح وابوي خطبلي رقيه ياريتها موجوده حته اكول لا الي ساكنه الروح هيه تسكن غرفتي اوووف شيرجع الزمن طبيت بيت احمد محمد هستوه طاب بعده ده ايبدل

شلونها

-يعني شلونهه محجت شي طول الطريق ساكته مثل بركان ? هادئ محد يعرف شوكت انفجاره من شوكت كتلك. احجي

-لك موبيدي خفت تروح من ايدي الدقايق الي تخابرني بيهن بالنسبه الي دنيه

-قيصر انت اناني فكرت بنفسك مفكرت هيه شحيصير بيهه الله يريح بالك ياخويه اروح انام اني

قيصر: رجعت طلعت افترت بيه السياره لحد ماصرت بالكاضم ذبيت السياره وطبيت للحضره زرت ودعيت الله يبرد كلبها ويهديهه عليه صار كم ساعه محاجي وياها احس روحي مخنوك ضليت بالحضره شويه وطلعه بره اخذت جكاير لان خلصت رجعت للسياره ورحت لبيت محمد لكيتهم كاعدين عفتهم وطبيت لغرفه محمد شكد دكيت مجاوبت لوبس اجاوب شتكول الها حق بس خل اجاوب مكدرت انام حته هدومي مالي خلك ابدلهن رجعت اخذت سويجي وطلعت وصلني لدرب لركن بيت خالها لااني الي كادر اتقدم وادك الباب ولااني كادر اروح طبكت ع صفحه وضليت بسياره اكول بلكن تطلع دك عليه محمد كتله بمنطقتهم كال تعال اني راح احاول احصل سرى ارجع لضل هناك وكفتك غلط

كلامه كان صح فريت السياره ورجعت خابرته كتله مااكدر انزل مخنوك اطلع خل نفتر طلع صعد بسياره وحركت

محمد: قيصر الي تسويه غلط راح توكع لااكل ولاراحه من البارحه لليوم يمعود احاجيك موهسه طفيت الجكاره شبسرعه حطيت الثانيه

قيصر: محمد دخيلك عوفني بحالي انزل سوق انت

نزل محمد ساق وكعدت اني بمكانه

محمد: وين اروح

قيصر: لاي مكان مابي 4حياطين

محمد: خل اشغلك صاحبك نسمعه حته تزيد هم وغم

لا مو وقتج انتي

لااديرها محمد خليها

-اول مشغله وكانو بساعه الخنكه تتواعد وياك كل الضروف حته الاغاني الي تطلع تجويك اول مشغل لمسجل طلعت

والله انه محترك والله انه محترك

ماباقي مني شي ماباقي مني شي

ونيران الي بداخلي ماتنطفي بالمي

عطاب ثوب العلي دخان ثوب العلي مشتعل ثوب العلي

والله مشتعل ثوب العلي

من نار كلبي وي

انه بيه طبع ياربع

لوشفت حالت. ضلم ماكول انه شعلي لاتشتفي يازمنه وك يازمن الي راح الله معاه والحي يشوف الحي

ياعين لاتبجين ياعين كفي الدمع وارتاحي ياعين

لاسافرو ياعين وانساهم ولاخلصت دنياي وياهم بل كلب مرسومين ياعين

بروحي مكتوبين ياعين

شجره زرعناهم وتانينه تانينه بس من ثمرهم خاليه ايدينه

مثل الشموع انطفو ياعين

ماودعونه ومشو ياعين وبروحي مكتوبين ياعين بالكلب مشتولين ياعين

اختنكت اشرت لمحمداوكف طبك ع صفحه نزلت من السياره هوه الدنيه انكطع ماينجر باانفاسي

محمد: قيصر شنو لقصه يمعود من لبارحه لليوم حتموت شبيك مايوم شفتك هيج قيصر

قيصر: لك احبها وحق من خلق الخلق احبه اني ده احاجيك عمري حيصير 30سنه موزعطوط محمد طبت بروحي وانزرعت زرع بنص كلبي احجي وياها مجرد تلفوني اصعد فوك الغيم ولك لاليلي ليل ولانهاري نهار حته الوقت انساه وياها

محمد: قيصر خلي لبنيه ترتاح وانت هم اصبر شويه هدي نفسك يمعود ماكو شي ماله حل هسه اني اصبرك اصبر روحي

قيصر: شبيك انت الاخ

محمد: شبيه من وره سوايتك سرى قايمه الحد عليه ومتقبل تحاجيني

قيصر: هاي تاليتنه والله ان سمع شيخ داوود لايشمرنه بشط

محمد: هههههههه يتبره منه اصلا

كوم قيصر كوم نرد للبيت وهيه مثل ماتعقدت تنحل

رجعنه للبيت احمد يريد يعرف شكو كله محمد تعبانين من الطريق محمد اطاني حبايه منوم كال ارتاح شويه حته تكدر اتفكر

اخذته ونمت

ناي: دموعي منشفن سرى يمي تحاول تخفف عليه من التعب والقهر مكدرت انام ولو دقيقه سرى من التعب نامت طلعت تلفوني شفت مكالمات كومه منه ورسائل شمرت التلفون ماريد لااقره ولااشوف حته اسمه عيني ضلت ع التلفون ايدي تسللت من غير ماحس شي بداخلي يكولي شوفي شكاتب كااني ادور كلمه تريحني منه فتحت الرسائل كانت

(اسف غصبا عني بس فتحي خط افهمج كلشي)

(حبيبتي والله صح مزوج ثنين بس حبيتج وانتي اول وحده احس بهل مشاعر تجاهه)

(ناي اطيني فرصه افهمج ارجوج فتحي خط)

رسائل هواي وتقريبا كلها نفس لحجي قفلت التلفون وطبيت سبحت اريد شي ايهديني ايبرد لنار لبداخلي سبحت ودموعي تنزل من عيوني مثل المي الي ينزل ويغطي كل جسمي ياريت ماعرفته لا ياريت ماعارفه انه مزوج طلعت رحت للغرفه صارت بوجهي الساعه ب9الصبح هيج وقت هوه كل يوم ويايه ع خط ليش كذب عليه

تلفون ? سرى ايدك هيه ترفعه تشوف الاسم وتطيه

صامت سرى كاعده كالت اي بس صوتهه مخنوك

رحت ع جربايته جريت الغطه شفت نفس لموقف من ازوج نجم حاطه ايدهه ع حلكهه وتبجي

سرى شبيج ليش هيج تبجين

سرى: ناي ماعرف ليش هيج انتي ماعندج حظ بكل شي

ناي: اخ ياسرى حته ال اخ الي اكولهه تطلع بله معنه لان يكولون اذا توجعت تذكر اخوك بكولت اخ واني الاخ ناسي عنده اخت اصلا تليفونج ديدك

سرى: عوفي خل يولي

ناي: محمد مو

سرى: اي

ناي: كالت وزاد بجيهه جفلت عزه هم مزوج

سرى: لالا بس

ناي :بس شنو

سرى : مستحيل احاجيه بعد الصارلج من وره اخوه

ناي: سرى انتي تحبين محمد صح

سرى: اييي

ناي: وليش هل بجي الي سواه قيصر ماله شغله بيه محمد والي بيني وبينه لاتدخلين بي انتي

سرى: شتحجين انتي شفت شلون اذاج اخوه

ناي: سرى مستحيل اقبل تتأذين مرتين بشي اني طرف بي يكفي نجم مصدكت نسيتيه وبديتي حياه جديده محمد خوش ولد ولواني بمكانه جان ضمضمت لااخويه شوفي نيته وياج اذا ناوي لعب عوفيه واذا غرضه شريف يندل الباب

بارت مفاجئ للسهرانين

ناي :اسبوع كامل اني مطالعه من البيت لارايحه مكتب لامحكمه امثله القوه بس داخلي دمار جتني سرى كالت محمد رايحلها للكليه ومعتذر بس هيه مقا**ه تلفوناتي مغلقه حته لااسمع ولااشوف شي كدام الاهل قويه بس اول مافوت غرفتي اركض ع مخذتي اكتم انفاسي بيهه

اليوم خالي رادني

نعم خالو

ناي شنو القصه بابا هذا اليوم الثامن الج لامحكمه ترحين لا للمكتب ثانيا عندج دعوه الثلاثاءغيرترحين اتابعين الي صاير

-اني اسفه خالو بس شويه تعبانه

-تعبانه يوم يومين يابنتي مو 8ايام اصحاب الدعوه صار مرتين يجون عليج واعتذر منهم

-خالو سلمها لغيري

-هاي من شوكت هل حجي ناي القضيه انتي لزمتيها انتي تكمليها موبكيفج اسلامهه لغيرج العالم ? مو***به بيدنه كل يوم نشمرهم ع محامي وانتي كاتبه العريضه وحاضره جلسه ومطلعه ع القضيه اطيها لغيرج ولجلسه بعد باجر شلون اطيها لغيرج

-خالو اسفه بس

-بله بس ناي كلمه ورد غطاها باجر افوت لمكتب الكاج كاعده ع طاولتج والثلاثاء عندي دعوه بنفس لمحكمه اريد اشوف روبج ع جتفج ومستعده للقضيه زمن الاعتكاف والوحده عدينه ناي عديناه من يوم الي ض*بج نجم وجيتي هنا بهل مكان كلتي اني مالي سند اني سند نفسي من جنتي ثاني مرحله كليه موهسه جايه تعتكفين

ام سرى: عله كيفك يارجال خطيه لبنيه متشوفها مبين تعبانه

ناي: لاعمه خالي كلامه صحيح باجر ان شاءالله خالو راح اكون بالمكتب والدعوه ان شاءالله منتهيه طبيت لغرفتي وورايه سرى

سرى: ناي ممجبوره هسه اخلي امي تحاجيه كم يوم ارتاحي مطايره الدنيه

-لاكلامه صحيح ع الي اقرب من قيصر كمنه وتعديناهم منو قيصر

كعدت من الصبح كالعاده بس مو مثل عادتي الي جنت اوكف ساعه ع المرايا اوكف حته اكون بكامل اناقتي ليوم واكفه اباوع ع روحي بيئس كاني ماعرف روحي ومالي واهس بكلشي حته شعري شلته بقراصه وكاني رايحه للمطبخ لبست بله اهتمام ومن غير مااضل اكلب بالكنتور صار بوجهي فستان اسود وبي ورود صغار حمره لبسته فتحت سيت الجنط صار كدامي سيت مال سرى اسود جنطه وحذاء اعرف ان عندي احله واصلا عندي سيت خاص بهل فستان بس مالي واهس شي ولاالي واهس ادوراو اتانق جريتهن لبستهن وطلعت من الغرفه صارت كدامي عمتي كالت شنو هاي هيج حطلعين حته كحل ماكو بعينج شبيج ماما هيج مصوفره تره واجعتلي كلبي انتي اول تالي لج ناي جنه نصيح لمرايا راح تنهزم من وراج كثر وكفتج عليها شبيج يمه

ماكو شي عمه ليضل بالج تعبانه شويه كم يوم واتحسن

اني جاهزه خالو طلعنه اني وخالي من البيت وكل واحد رايح ع سيارته سيارتي مغطايه فكيت الجادر خالي اجه يمي

-ناي مرات الانسان ينطوي عله نفسه من ايشوف اقرب الناس اله محد حس بي او اهتم لوجوده اتعلمي يابنتي ان محد يسند احد بعد سندج نفسج اذا وكعتي ايدج ليمنه تسند ليسره انسي بابا احدد يوكف لااحد بعد

-الله يخليك النه خالو

-ويخليج بابا يله توكلي بالله نلتقي بالمكتب

صعدت سيارتي واني اردد كلام خالي اي ايد اليمنه تسند اليسره موبحاجت احداني بس قيصر شديسوي هسه

يعني شيسوي عايش حياته ويه نسوانه اي طبعا اني منو وحده غ*يه

تلفوني دك خالي احم نعم خالو

-ناي عندج شغل

-لالاخالو كلشي ماعندي

-يعني رايحه للمحكمه

-لاخالو للمكتب

-يامكتب بابا انتي عديتي لمكتب ادك هورن ممنتبهه شبيج بابا شبيج عقلج وين

-راجعه خالو اعتذر

وكفت ع صفحه جريت نفس وزفرته بسرعه فركت وجهي اندكت الجامه فززتني

قيصر :لا اكو سمه تلزمني ولاكاع تلمني كل ماذكر كلامها وجرحها من ابوها اخوها اكول اني جيت كملت ذ*حهه صرت اريد شوفتها بروح اشتريها تلفوناتها مغلقه كل يوم ويه وقت طلعتها للمكتب اروح اشوف خالهه وهيه سيارتها ع وكفتهه حته جادرها ممسحوب ارجع ويضل درب ايصدني ودرب ايردني الشيخ اتصل كتله اتأخر كم يوم ببغداد حس بيه تعبان ملح عليه اليوم شفتهه طلعت لابسه نضاره خالهه يحجي وياها هيه بس تهز براسها حركو انتضرتهم يبعدون وحركت وراهم اريد اي فرصه احاجيهه بيهه شفتها طبكت ع صفحه ترجلت من سيارتي جانت حاطه ايدهه ع وجهه دكيت الجامه فزت

-قيصر جريت بريك ده احرك صار كدام السياره

قيصر :لخاطر الايام الحلوه بينه كلمه وحده اني مااجاوزت حدودي وياج لخاطر هل شي سمعيني

ناي: هذا ابو ايام حلوه ياايام الي جنت بيهه مغفله فتحت باب السياره ونزلت شتريد خلص عفيه عليك صفكتله باايدي ممثل رائع بس ربك ايردها ان شاءالله بعرضك

-ناي اني مالمستج من خوفي عليج انتي ليش مراضيه تسمعيني يجوز عندي عذر

-اي عذر قيصر اي عذر 10شهور سوه احنه سئلتك كلت ممزوج شنو لمنعك تحجي غير انك تريدها تسليه وقت

-لج بابا لتحجين هيج ناي اي تسليه وقت 10شهور غلطت وياج بكلمه جرحت او احرجتج بتصرف اني حبيتج والله يشهد نيتي وياج شنو

-حبيتني عله ثنين نسوان شنو نيتك اسويني الثالثه مثلا

-لاعيب ولاحرام مثنى وثلاث ورباع وماملكت ايمانكم واني مااقصر ويه وحده بيكم

-هههههههه ضحكتني والله زين عندي اقتراح مادام انك تكول ثلاث ورباع ازوج الثالثه وبعدين تعال سويني رقم 4حته اضمن انك كملت ختمت بيه يعني

-ناي لاتستهزئين اني بالفعل نيتي هاي وياج وكتلج بس نرجع لازم نحجي لان اني بعد مااتحمل والله مومن طبعي اكذب وماكذبت عليج بشي والله بس خفت خفت اخسرج ماتعرفين انتي شنو بالنسبه الي

-قيصر ابعد عن دربي ويكفي الي اجاني منك

-ماكدر ناي متعرفين الي صايربيه بالايام الفاتت

-قيصر مزوج ثنين وعرفنه كم طفل عندك

-4بنات

-ماعرف شكولك بس اكولك ربي يعلم شكد انوجعت وشكد ناس اذتني بس مثل هل الالم محاسه وان شاءالله هوه ياخذلي حقي رجعت لسيارتي هوه ع وكفته فتحت باب السياره

قيصر توخر لواخذ ت**ي واولي والله بعد عن الدرب احس جسمي كله يرجف متوتره ماعرف الزم شي فريت لسياره ورجعت للمكتب رحمه خالي طالع وصيت كهوه اريد استجمع قوتي حته اعرف اشتغل فاتحه الملف كدامي بس يمكن كانو قريت كلمات بيهن اسمه وايام لكضيتهه وياه بيهن سعادتي فكري بمكان واني بمكان سديت الملف وحطيته بجنطتي وطلعت من لمكتب تلفوني من طلعت من البيت فتحته ولهسه مسكت قفلته وشمرته طلعت وين اروح حته

سياقه ماكدر اسوق

طلعت بوجهي للبيت وكان غرفتي او مخدتي هيه ملجئ الوحيد

جبرت نفسي اقره القضيه وكتبت العريضه وحضرت المطالعه انشغل تفكيري شويه كاني التهيت ثاني يوم رحت عله موعد الجلسه سويت الي اكدر عليه وتحدد موعد ثاني للجلسه بطلعتي شفت قيصر اتجاهلته رغم هوه ورايه يمشي واكثر من مره صاحني عفته وطلعت للمكتب بلغت خالي

فاتن 3ايام واني عله نفس الحال كدام الناس متماسكه بس سري ودموعي مخدتي

طلعت من لمحكمه بعد مكتسبت حكم عن القضيه العندي ولحكم لصالحنه قيصر واكف يم سيارتي

-اتوقع بقانونكم الي محكوم اعدام هم ينسمع اله حسبيني دعوه محكوم وانتي قاضي اسمعي مني

-قيصر تعبت جد تعبت بس الله يعلم حالي شنو رجاءكافي

-اسمعيني واذا مقتنعتي مااغصبج بعد عله شي

-اكو كافتريا كبال لمحكمه كعدنه بيهه

كول قيصر شعندك

قيصر: اي شي تحجيه حقج بس الي صار انج صرتي بربي بزمن لااني حددت الفات منه ولااختاريت انفرض كلشي عليه الاولى بنت عمي واختيار ابويه والثانيه هديه خالي هداها مره الي معترضت وثنينهن عله راسي والهن مكامتهن بداخلي بس انتي انولدت وياج مشاعر ثقي بالله جنت اسمع يحجون بيها ضميت عليج اي لكن مكذبت بمشاعري وياج ناي صار عشر شهور عايش وياج اني واني بنص ديرتي ليلي ونهار ضهر عصر الناس نايمه واني اطلع الف حجه حته اسمع صوتج تكوليلي نزوه شنو النزوه ناي النزوه اذا استغليتج بشي اني حبيتج ومستعد اطيج روحي

-تعرف ان قدرك جان جدا عالي عندي قيصررنزلت من عيني وكرهتني بروحي يعني انت انسان خاين وجاي تتباها بخياتنك تعترف ان انت يم عائلتك وتخابرني تعيش قصص حب

-اني مخاين ناي مستعد بهل لحضه اجي اخطبج وبرضاتهن هم

-اف لهل درجه ضالم

-اني وريث الشيخ ناي ومن حقي ازوج وين*ديلي نسوان ومادام مادر افتح اكثر من بيت لاعيب ولاحرام

-جيد موكتلك اخذ الثالثه وتعال حته اضمن اني اخر وحده

-اذا تثقين بالله بيوم لتصيرين مرتي لاراح يكون بعدج مره تملي عيني ولاالي قبلج مالين عيني

-قيصر ربي بناتك وارجع لزوجاتك جو الشيخ الي جاي تعيشه يمي ميمشي شيخ عله نفسك عله الي يطوك نسوان لخاطر كلمه شيخ اما اني فلااعترف بشيخ ولابشبح سلام يا هه ياشيخ

حركلي اعصابي كاعد يتباهه واني نار مشتعله بكلبي خابرت سرى كتلها تحضري جايتج ولاتسئلين وين اريد اطلع وبس

قيصر: تحملت فوك طاقتي ورغم هذا عاذرها خابرني بيومها ابوي كال هسه تجي شصاير ماعرف حته هدومي مااخذتهن عفتهن ابيت احمد وطلعت لديره وصلت ساعه 11بليل

عرفت ان الشيخ مخابرني لان نسواني متعاركات والسبب ان امل حامل وعليها اربع شهور وجانت ماتعرف ومن نسئلت شلون متعرفين جان جوابها جانت تعتقد انه بسبب حبوب تاخذها لمنع لحمل اتأخر عليها

فكايله لاامي انها حامل

رايحه لرقيه تغيضها بحملها تكولها كبرتي مامنج فايده انتي اني حبلت وانتي لا ورقيه رادتها دكومي بسلامه وعود احجي لا الله ياخذه مثل مااخذ القبله ومنا كلمه ومنا كلمه وامل ماده ايدها عله رقيه ومتكافشات الحبايب صاحهن الشيخ وطبن ثنينهن ميدرن بيه اني جاي لان من نزلتي من السياره لديوانيه الشيخ فهمني السالفه بعد شعدنه غير الديوانيه لحل مشاكلهن الي الف مره محذرهن من هل شغلات اني وطبينه لديوانيه الداخليه من الباب الخارجي طبن وحده لابسه دشداشه كدري سوده وبيه دوائر بيض الشيخه نوال كاعده كبالي لابسه دشداشه جوزي فاتح وبيهه ورد ازرك ومرتي لابسه اسود وبي نقطه بيضه والثانيه لابسه دشداشه خضره طوخ جنهه بيرغ سيد محمد دخيل جده كعدهن يحاجيهن الشيخ اني كاعد مستمع وصافن والله اقارن بين الشيخه وامي ونسواني الشيخه كل جمعه تعجن حنه وتحط لشعرها وامي هم وياها لان مايعرفن صبغ وشغلات من اهل كبل حاطات كحل بعيونهن هذا يسموه كحل مكه وديرمه بحلوكهن درت راسي ع نسواني لوجه ميتباوع عيونهن بيض صايرات لان ماطاخهن كحل وحدتهن جنهن عريف بجيش بزمن صدام جان اسمه زامل شواربه ثخان وسمين ودومه البدله ع جتافه وحده صاعده وحده نازله مهدل مثل نسواني هسه وحده دشداشتها تخط وراها من الطول حافه الدشداشه لامه دهن الديره كلهه والثانيه الخياط. الي ع جتاف وحده صاعده وحده نازله انه كلب ابن كلب هل سوله الي من صغري ادقق بكل ششي كان عيني تختار المكان وتروحله اسمع ابوي يحجي عليهن وهذا موحال بس طلع زلمتجن تمالختن ومان**رت عيونجن ووووو بويه قيصر الكالك حل ويه نسوانك

شيخ بروح ابوك وينهن نسواني بويه انه محفحف ومعدل ومرتب ومعطر اكثر منهن بويه وتالي وياجن ماكالولجن اليوم الي اسمه زلمتجن جاي كتلهم ياشيخ لولا

-لابالله كتلهم اليوم زلمتجن راجع

-وهاي لمناضر تستقبلني بيهه وحدتجن جنهه طالعه من الكبر بكفاله بويه حسن حسن دخيل جدجن وها راح ابلغكم كلكم كاعدين امي وابوي وامي لشيخه وانت ثنينجن موجودات ياشيخ انه مليت طكيت هاي امي لشيخه اسئلها جيت وكتلها يمه علميهن انه ضاق ص*ري علميهن بويه ريحه بصل لمطبخ نايمه يمي وحدتهن تستقبلني حجه فلان وكال فلتان لزمتهن بويه وكتلهن انت نسواني والعالم عينهه علي وعليجن بويه تعدلن وعدلن بنياتجن وبشهود الشيخه حصل ولا لا ياشيخه

-حصل وانه جبتلهن ديرمه وكحيله ومافاد كلت يجوز مايعجبهن مال عجايز رحت انه وامك لام جعفر الدلاله وجبنالهن هيج اقلام ادوره من جوه يصعد وذيج لالوان الزاهيه وره كم يوم جن لبنوات يحطن منهن للعرايس البيدهن

-ادك عله راسي بويه ساعه السوده عليجن ولجن شحجي شكول تعبت انه تعبت بويه واريد ارتاح داخل عليك كافي مليت الزواجتين انت حطيتهن براسي ويكفي شاب راسي وانه اعلم وهم ماينفذن اريد ارتاح اروح فدوه لتراب رجلك تعبت كافي

-لااله الاالله وشبيدي عليك يعيون ابوك انت

-بويه اريد اتزوج حاط عيني عله بت حلال واريدها وده ابلغكم انتو لحاضرين كلكم

لشيخه: يمكرود لاتطلع نفس الطينه ياخايب

-هل مره اختياري وانه. رايدها وده ابلغكم بيه

-اي يبوك بت من ومن وين

-من بغداد يابوي

-ام قيصر: صخام بت بغداد لا لا لا ماكافيني مرت احميد من بغداد اخذت لولد وطارت بيه انوب تجيبلي بغديه بويااااي

الشيخه: صخونه صخونه مال حصونه والله وفلك خايبه انتي من وين انتي مو من بغداد شبيهن بنات بغداد هسه والله يمه

توكل مادامك كادر تكفي حلال الله هذا خايب لو بيه حيل ابوك لزوجه من عين باجر

ام قيصر: انداريتي علي انوب ياشيخه تريدين تزوجين زلمتي علي

الشيخه: فلك طرج عجل هو موزلمتي انه هم وانه ماكلت ازوجه كلت لو بيه حيل لزوجه

الشيخ: هااا ومن. كالج مابيه حيل اذا صادكه يله امشينه

الشيخه: افا صادكه وانه بنت ابوي من عين باجر اروح اخطبلك.

الشيخ: لاهل مره اريدن بغديه من الي دولبن ولدي وصارو يسكنون بغداد

ام قيصر: بويااااااي خل اكوم راح اموتن ان ضليت يمكم

قيصر: من بعد اذنك ياشيخ سمعني بويه مكانج محفوظ فوك راسي بس انه اكثر من مره جيت وحجيت وعلمت ومالكيت رد وانه لاحقصر ولابيوم افكر اقصر وياجن بس هذي رغبتي وانتن سببهه انه منعت نغسي اكثر من مره والتجئت الجن اريد منجن الي يرضيني وانتن تجاهلتن امري بويه اعيد كلامي مكانجن فوك راسي امهات بناتي وبنت عمي وبنت خالي دمي ولحمي بس انه رايد هل امر