الشيخ والعشق

6

سرى: لالتخاف اني مفكره بجدر دولمه ع ضلوع تحبوها لو تم….

محمد: لالا ع دولمه دخيلج بس كون حامضه يم يم

سرى: ههههه تمام

قيصر: كملتووو لو اكو بعد اسئله

لا هذاهوه

قيصر: سرى شصحتي ناي

سرى: شصحتها

ناي: لايافضيحه مجوزين

سرى: لج شنو مفهمت والله

ناي: قصده ع نانه

قصير: اهاااا رحم الله امج وابوج نانه هذا الدلع يعني

ناي: ههههه يكولون

قصير: زين منو نجم

ناي : اخويه نجم

قيصر: عندج اخ

ناي: اي

قيصر: جرت حسره من سئلتهه غريبه مايوم حجت عن اهلها بشي حجيهه كان دائما سرى وبيت خالهه

مخلينه شي منزل ع ميز جاي وعصير وكهوه وببسي كثر مسولفنه صارت ساعه 4العصر واحنه كاعدين نسولف

ناي: رجعنه للبيت وسرى اكلت راسي ع قيصر فدوه وشلون طول وهيبه لج ايخبل

اي وبنسبه لمحمد

سرى: شبي خوش ولد

ناي: اي خوش ولد وحلو اسمراني طوله نفس طول قيصر تره هااا بس هوه ناعم قيصر خشن لو تقنعيني ماانتبهتي يعني

سرى: ههههه عابتلج خل اروح انام

ناي: حلو تبادل الحديث تره بينكم تصبحين ع خير حب

دعيت من ربي يمحي حب نجم من كلبهه نجم الي اجاني قبل 5شهور من احتاج فلوس ع ولاده مرته وحته ماكالي شنو اجاه او شنو سمه الطفل او الطفله طردت هل الاوجاع عن راسي من شفت رقم قيصر يتصل بيه

قيصر: افترقنه من المطعم همه رجعو كالو نتمشه واني ومحمد رجعنه محمد كال خوش اختيار حلوه وسبورتيه رجعنه لبيت احمد وجوي اصدقاءلولد وسوالف وشقه وسوو نراكيل لساعه 10بليل يله طبينه لبيت اول مدخلت اتصلت بيهه وضلينه نسولف

خلص نهاررالسبت هم بالاتصالات بينه والاحد متفقين ب11نتلاكه كتلهه تعالي بله سيارتج كالت لا الغراض بيهه

ناي :ست سرى شحنكول لاامج

سرى: ليش يعني اول مره نطلع وحدنه

ناي: لايحلوه بس جدرالدولمه شنو

سرى: نانه اني احلها معليج انتي

ناي: مفضوحه محاميه شطولني شكدي تصيحيلي نانه كدام قيصر

سرى :بصراحه ممتعلمه احترمج واصيحج بااسمج ههههههه

ناي ;الي عرفته ان سرى فهمت عمتي انها ويه كروب كليتها طالعه واني وياها

والله وتعلمنه الكذب ست سرى من وراهم موخوش شغله هاي

سرى: مكذبت محمد يعتبر زميلي مو ويايه نفس الكليه

ناي :كتيلي زميلي ماشي ياام زميلي امشي فضيها نطلع نجيب الغراض

اسوكنه وكعدنه لفينه الدولمه من الليل حته الصبح بس نحطها ع النار عدنه ستوته تصيحلهه عمتي ينحطلهه جل وتشتغل مثل الجوله حته نحمي بيهه الدولمه الدنيه ثلج لبست تنوره قصيره وبوت طويل وقميص وفوكاه قمصله بلاردن نفخ وشعري لميته كله سويته كبايه جبيره مرفوعه فوك لان هوه اذا فتحته ايضل يطاير اخذت اشارب واخذنه عبي احنه عدنه بس لوقت الزياره ناخذها سرى اذكر لبست جينز وبدي وفوكاه ستره طويله(قبوط) ب11طلعنه اتفقنه نلتقي بالكاضم اخر مكالمه كتله اني يم المستشفى انتضرنه شويه جوي كنالهم انسلم بالكراج افترينه لكينه كراج ذبيت سيارتي وهوه سيارته ورايه الغراض بسياره ضلن اخذنه بس الكياس الي بيهن العبي

قيصر: مستعد من ساعه 8الصبح الوقت مر بالكوه يله صارت ب11وكالت طلعت ذبينه السيارات بالكراج ونزلت لابسه تنوره بس بوتهه مغطي كل رجليها كلت يله لمهم مطالع شي منها بس لوتغطي هل عماره الي مسويتها فوك راسها طبينه لكشوانيه بره هل مره جايبه عباه همزين لازم ننطي العفو الاحذيه دنجت تفتح سحاب البوت شويه نزلت منه انتبهت انها لابسه جواريب سوده هاي شنو ناي

ناي: عاط فززني شنو

قيصر :لتنزعين حذائج يله مانزور امشو

محمد: شصار قيصر شبيك

ناي: غير نفهم شكو

قيصر :ماكوشي بعدين

محمد: سرى تعالي نسلم لموبايلات

ناي :ممكن اعرف شصار

قيصر: ناي شلابسه بدينج هم قصيره وهم جواها جواريب خفيفه

ناي :واول مره البس قصير يعني اتوقع لبست ومن غير جواريب هم شختلف هسه

قصير: الي اختلف اني احتركت من شفتج ذيج لمره وهل مره اطك واموت والله شويه نزلتي من السحابه بينت رجلج جواريبيش هاي ذيج وينهه رجلج

ناي: شنو هل حجي قيصر

قيصر: ناي فدوه لطولج لبسي عبايتج جوي سرى ومحمد يله تنزعين حذائج ودخيلج لفيهه زين خل نزور ومن نطلع نحجي

ناي :اني الي يسموني خشم يابس ماانفذ لحد وياه شيكول اسوي. لبست عباه وذبيت حذائي ولفيت روحي طبينه تفتيش وتلاكينه بدخول الضريح زرنه وصلينه واتفقنه ا نفس لمكان نتلاكه طلعت هاي لمسافه القصيره الي مشيتهه وياه من الضريح للكشوانيه الف مره كال عباتج لو اشر من ده البس وكفني ع صفحه وصار هوه مثل السد كدامي لان ماكدر اكنبص حته البس لازم ادنج ضل واكف حته لااحد ينتبه واله اتاكد انسد لبوت يله خلاني اذب لعبايه من راسي تمشينه للكراج وافترقنه كل واحد بسيارته سرى تصيح هنيالج لج والله يحبج

-احنه اصدقااءوبس سرى

-ههههه ليش كدامج جهال اج يحبج والله مشفتي شلون عيونه شرار اطلع من غيرته عليج اوووف شكد حلوه لغيره ياربي شكد حلو من احد يهتم بيج ويحاوطج بنضراته

ناي: بالفعل فرحانه ماكو احد بيوم هيج حسسني انه خايف عليه من زرنه دعيت ربي اني اذا هوه السند الي حيعوضني عن **ران ضهري باابويه واخويه يحددلي دربي وياه ويجعله من قسمتي اما اذاكان خذلان الي مثلهم الله يبعده عن دربي

ردنه كم شغله من الاسواق وهمه ورانه ماكدر اوكف والله شويه صار بعد بينه بالازدحام اتفارقنه وكفت يم اسواق نزلت سرى جابت مي وغازيات ولبن صح الدنيه بارده بس احب اشرب شي بي بروده فات شاف لسياره وكف كال ليش طابكه بهل اثناءطل عت سرى كتله هذا هوه راح اطلع دخلنه ع كراج لزوراء وكل واحد شال غرض وقيصر يامكان كاعدين بي شباب او تجمع ميقبل لينه حديقه هادئه بيهه عائلتين بعاد شويه عنه فرشنه فرشه واني وسرى هوه انتجه ع شجره يشرب جكاره فرشنه طلعنه الجدر حطينه الجل وشغلنه نار جوه الجدر هوه جان بي شويه حراره لان لافيه بالفرشه طلعنه حافض المقبلات ترمز والصينيه كعدو واني دنجت ده انزع بوتي صار فوك راسي قيصر ذبيت بوتي شفته نزع جاكه طويله لابسه فوك الستره كعدت هوه فتحهه وذبهه ع رجلي ضحكت ع موقفه

قيصر: احس بغيره موطبيعيه عليهه اتمنه افتح ص*ري واظمهه بيه ماخلي احد ايشوفها. تغدينه وشربنه جاي ضحك وسوالف

محمد: هسه وصخوايدنه بله

وين نغسل

قيصر: هههههه نفس سؤالي بيوم الي طلعنه تريكنه

ناي: هههه اي هاك عيني هذا كنين** مرطب وهذا معقم

محمد: ايوووا بويه معدلات هيه كوه

هههههههههه

ناي :علق علينه محمد وسوالف وضحك تغدينه ولمينه الغراض وسرى كالت اروح ع الح*****ت قيصر كلهه روحو انتو احنه يم الغراض اني توقعت قصده اني وسرى

لاشكو عليهن كومو ويانه

قيصر: هوه انتي راح تبقين كاعده اريدج بشغله

ناي: ها اوك كول شنو

محمد: كومي عيني سرى ع كولتج خل نشوف القرد هههه

ناي: راحو سرى ومحمد خير قيصر كول

قيصر: ماكو شي ردت نسولف شويه وشباب كدامج تكومين بهاي رجلج الطالعه. نصها كدامهم

ناي: قيصر ليش علق عندك هل موضوع

قيصر: اوووف ناي خليني ساكت

صدك ناي اول مره اعرف عندج اخ ذاك اليوم اذا تسمحيلي اريد اعرف عن امج ابوج غريبه مايوم ذكرتيهم

ناي: ههههه اكثر موضوع ماحب احجي بي

قيصر: ليش جريتي حسره وغطيتيهه بضحك

ناي: اوووف قيصر اول مره بحياتي مااهرب من هل موضوع واريد احجي بي وياك اسمعني اني ام نفسي وابو نفسي واخو نفسي تكدررتكول ابويه وامي بج*سيه فقط يعني بختصار اني سند نفسي

قيصر: تحجي وعيونها لمعت بيهن دمعه بس مثل الي مانعتهه من النزول

ناي: حجيت واول مره احجي لااحد حاولت اسيطر ع دموعي هذا لموضوع كل ماكول اني قويه ميهمني من اذكر انهز

قيصر: تغسلني هل دمعه وغلات عيونج حركتني من نزلت اسمحيلي اكون سندج ورب العزه ماخليج تندمين بيوم مستعد اضحي بروحي علمودج

ناي: كلمات حته اذا كانت بس كلام بس تحسس لمقابل اكو احد يهمه امرك

شكرا قيصر

قيصر: ناي اني محجيت حته اجاملج او اخفف عنج الله يخليج تمثيليه الصداقه الي ده نمثلها صارت بايخه

ناي: مفهمت

قيصر: منعت نفسي سويت لمستحيل حته ماكول هاي لكلمه من شفت دموعها ماعرف شصار بيه كلتها من غير تردد

ناي اني احبج ومتاكد من احساسي الي صار 4شهور اخفي

ناي: احس داخلي صار نار رغم بارده احس حته ايدي عركت معقوله جنت منتضره هل كلمه حته احس بالفرحه

قيصر: اخ كل الي اريده شويه وقت منج اتعرفي عليه اكثر اني لهنا وكتفيت اب** بالعشره احبج انتي اتاكدي من نفسج وياريت تكون مشاعرج مثل مشاعري ناي اتمنه يجي يوم اكون بي قوي كدامج واكولج كل شي عني وعن داخلي صدكيني مايوم صرت ضعيف ومهزوز كدام احد بس من تكون عيون ?ج هيه مرايه وجهي انهزم وتسقط قوتي

ناي: ماعرف شكولك بس..

قيصر: بله بس ارجوج اخذي قرارج وبلغيني باي شي راح اقبل

ناي٠:اي قرار الي اتاخذه اني هم حبيتك وحاستك سندي الي مايوم حسيت بوجوده ياريت اكدر انطقهه وين جرائتج ناي ليش مربوط ل**نج جوي سرى ومحمد كعدنه نسولف بس اني ممركزه بشي صارت بالسته واحنه بزوراءقيصر جلب بينه اله نتعشه بمطعم رحنه تعشينه ومن المطعم افترقنه ب8:30احنه بالبيت محد موجود كلها ابيت جدي بلكن انام قبل ميجون حته مااسمع انجازات امي

سولفت لسرى وجان جوابها اني مالكه احسن منه وخلي تكون علاقه حب بينكم حته تتعرفون ع بعض ولمثل قيصررمو مال لعب

ناي: ماعرف خل انام والله كريم

دخلت لغرفتي اني وسرى بس فراشي كاانو بي شوك ينغز جسمي بس اتكلب ساعه 11:45اجتني رساله من قيصر مكتوب بيهه

(صدقيني ياحبي انتي اول من نبض القلب لها احبك والله شاهد على كلامي اردت ان ابدي سنه جديده وانا اقول لكي احبكي)

احس كلبي حيطلع من مكانه بلاتفكير بسرعه دزت ع الرد وكتبت( ولتكون هذي الدقائق التي تستعد لدخول سنه جديده شاهده ع مشاعر لاول مره تعرف احبك جدا )

دست رد ثواني واتصل مكانت عندي جرءه الي اجاوبه بيهه اكثر من مره دك ويرسل رسايل يحلفني ارد جاوبت

قيصر: عرفت وحسيت بلي كانو يحجوه كدامي عن حبيباتهم وحبهم الهن وكنت استهزءبالموضوع جربته وعرفت قمه لسعاده بيه صرنه نحجي كااثنين يحبون بعض

ضليت كم يوم ببغداد ورجعت لديره الحال كما هوه عليه واني صرت مااتابع ولااركز فكري انتقل لمكان ثاني حته بمكالمتي وياها احس اكو اهتمام انتقاءالكلمات نقاشها ويايه صرت اتاخر عن البيت اضل افتر بسياره احجي وياها لنص الليل وارجع الكه ا****عه نايمين كانو محديهتم لغيابي شكد الرجل يكون ايحب لحريه بس يحب مرته تهتم وتحاسبه وادقق وياه جنت ائجل موضوع نسواني عن ناي اقنع نفسي اكول اتعرف عليها اكثر هسه لاصرت اخاف احجي واخسرها حيره لاني الكادر احجي واضمن بقائها ولاكادر اسكت واريدها تكون الي

محمد وسرى حبو بعض بعد ما اكثر من مره راح محمد لكليتها تعرفو ع بعض وحبو بعض وهاي سنه تخرج الهم محمد ناوي يخطب سرى صار عله علاقتي ب ناي 8شهور عشتهن وياها عبر تلفون بكل دقيقه وبكل ثانيه بيوم محمد كال اكو سفره بالكليه ايروحون لسليمانيه 3ايام.ا تجي ويانه كتله اشوف ناي بعد مايبس حلكي قنعتها وسرى هم مقصرت قنعتها اتفقنه نطلع وياهم محمد وسرى واني وناي اروح ويه كروب لكليه ردت اروح بسيارتي كالت لا اروح بكروب الكليه سيارات كبار نحجز وياهم حاولت وياها مقبلت كالت لا ماروح اخر شي كتلها ماعندج ثقه بيه يعني من تكولين هذا طريق مو ببغداد احنه وماباعدين صار زعل بينه ع هل موضوع سرى ومحمد قنعوها ان افضل ويايه بسياره ونتبع كروب الكليه واكو هواي راح يطلعون بسياراتهم وافقت بالكوه بعد ماكالت سرى شلعت كلبي يلع وافقت بالكليه انعرف محمد من اقرباءسرى حته لتجيهه حجايه من يشوفوا يجي لكليتها اتواعدنه يم لكليه نلتقي توكلنه ع الله وطلعنه الطريق كله سوالف واخذنه كرزات ومحمد بس يشاقه ويضحك الطريق محسينه بي وخصوصا جانت احله متعه لطريقي هيه عيونها الي بمرايتي وصلنه وجان اكووحجز لبنات بغرف والشباب بغرف بطريق نزلنه مطعم تغدينه جمعه حلوه شباب وبنات هرجو للمطعم هرج وصلنه كلمن ع غرفته تعبانين من الطريق نمنه بليل ساعه 9 كعدت دكيت عليهه جاوبت صوتها نايمه

كعدتج

-اممممم

-يله كافي نوم

مجزت اله كعدتها سولفنه شويه وكعدو الشباب كالو ننزل نتعشه بالفندق كتلهه وكل الي بسفره نزلو ناس كامت تخابر ناس اتعشينه وطلعنه نفتر بحديقه الفندق

ناي اتمنه اذا عرفتي اني ضام عليج شي بيوم تتفهميني وتتقبلين الموضوع

-قيصر كل مره تحجي نفس الحجي شنو الموضوع شضام عليه تره قلقتني

-حبيبتي وعد اول منرجع راح اكولج كلشي لان خلص اريدج تكونين ابيتي وبااسمي بعد ماكدر اصبر انتي بمكان واني بمكان

-ههههه الله كريم

الصبح طلعنه كروب لشلالات جانت لابسه بنصرون وفوكاه تشيرت مخليتها تطلع اله تبدل لبست فستان ? طويل حلو مرتب كعدنه كلنه ملمومين ومحمد لح غني ماغني وناي وياه اي اريد اسمع صوتك اجتي ع بالي اغنيه لكريم اسمها ياطير الذهب

ماشي بس هل اغنيه لفد شخص اغنيه دزيت رساله لتلفونها كتبت الج يااحله طير انتي ربي رزقني بيه لغنيه تكول

ياطير الذهب

وياك انكتب

حب عاشك غريب

جروحه ماتطيب

اله بشوفتك والله وداعتك

يالتسوه التعب. ياطير الذهب

ياطيري تعبت تبت وماتبت

بستان العمر ورداته شكثر

فركها الهوه غصني الي روه

ذبلان شعجب ياطير الذهب

ذوبني البعد يايوم وترد

غايب من سنه واشواكي وانه

ننتضرك تجي عدنه شكد حجي

وعدنه شكد عتب ياطير الذهب

اخ بس اني اكول ننتضرك تجي عدنه شكد شوك وعشك ياطيرر الذهب

ناي :صوتك ايجنن مقارب لصوت كريم والله

محمد: اشفتي انتي يمعوده قيصر بداعت الي ابالك اريد هاي الاغنيه الي كل مااصعد وياك اتشغلها

قيصر: ههههههه ماشي حلف*ني بالغالي جان يقصد ع اغنيه شعرج غابه شعري ماي وجهج جنه وصوتج ناي

غنيتهه الهم ونضراتي كانت تتنفس باابتسامه الخجل المرسوه ع وجننات

الشباب كل واحد راح لجهه كومي نتمشه

ناي: مرات السعاده تجيك مره وحده كاانما تكولك جنت وحيد ناسي نفسك بين زحام الحواليك معتكف تحس بالوحده وفجاءه يدخل بحياتك الي يملي دنيتك حب وفرح ايخاف عليك ويهتم يسئل عن اخبارك ويكولك انت اهم من الاهم عندي والاحله انه ميتصرف اي تصرف ممكن يحرجك لليوم قيصر مااجاوز حدوده ولاطلب طلب مو لائق حته من نمشي سوه يمشي ويايه بكل رسميه وكانما بعدني ذيج لمحاميه الي عنده دعوه يمها اني الي لزمت ايده كانت ابتسامته ومسك ايده لاايدي. بقوه كانو مكانت عندي هل جرئه

قيصر اول مره ادري صوتك حلو

قيصر: صوتي موحلو بس كلشي يسمعه الحلو يع** حلاته عليه

ناي: ههههه والله ماكدرلك زين غني الي شي ع ذوقك قبل شويه جان كل الشباب كاعدين هسه اريد بس الي

قيصر: ههههههه تدللين بس اني لغير كريم مااغني ولااسمع

ناي :هههههههههه ماشي واني،حبيت كريم لان انت تسمعه

قيصر: ماشي شغني الج

رجلي ع رجلك صارممشانه سوه

لاتمشي وحدك اخاف تعثر بالهوه

خدك كمر عل كاع

وانه صرت طماع

والليل اجانه يريد من خدك ضوه

كلبي بغرامك طير وان*د بسمه

وروحي عله روحك من صغرها معلمه

وحدك مليت العين زيدت عمري سنين

غصن لزرعته وياك بالطيب ارتوه

يوم لعرفتك بدلت ثوب الحزن

خوفي عله حسنك وعله وردات الوجن

ليصاحبك يرتاح ويعوض الي راح

كلبي بغيابك ضاع وبناره انجوه

رجلي عله رجلك صار ممشناه سوه

ناي: هههههه يبختي كل هذا الي

قيصر: نفس الي بريتي الج ناي انتي عمر ثاني انكتب بوقت اووووووف ياريته ممتأخر هل وقت

ناي: قيصر اكو سؤال ❔ بس دائما اتردد اسئله

قيصر: سئلي ياضي العين

ناي :قيصر شعجب ليهسه يعني اخوتك كلهم اصغرمنك مزوجين شعجب انت بعدك ما..

قيصر: الي تاخررلحب مو الزواج شبيج بردتي

-شويه يمكن لان ثوبي اتبلل حط سترته ع جتفي عطرك يجنن

اي وليش اتأخر

-اوف شوفي هذا عربانه جمار اطيني المحفضه خل اجيب

ناي: هههه اخذ لمحفضه من جيب الستره وراح يركض وكعت بالكاع ج*سيته خرب حته منتبهه شوكع منه

دنجت شلت لج*سيه فدوه حته بج*سيه هيبه هههههههه درتها ليش مادري بس درتها ورجعتهه بسرعه ع وجهه بس كان خ*ف بعيني كلمه متز ..رجعت درتها اتأكد ل3حروف لقريتها تهيأت لوصح نصدمت بان بالفعل مكتوب متزوج وجوه متزوج اسماءثنين كمت اغمض عيني وافتحهه اغمضها حيل وارجع افتحهه اقره من جديد بلكن اطلع ده اتوهم نفسي احسه ضاق ثنين صار10 شهور اني مخدوعه الدنيه احسها فرتني فره سريعه وشمرتني عيوني مثبته ع ج*سيه اديرهه اقره اسمهه افرك بعيني اشوف صورته اي هوه وارجع اديرها اقره متزوج دقايق بس كان سنين من الساعات فاتت بيهن سمعته صاح ناي بس صوته موطبيعي رفعت راسي عليه كال اسف اخر شي سمعته هذا حسيت الشمس الي بعيني سودت اذني احس بيهه هوه والكاع تفرني فره قويه صورته مو واضحه اريد اركز بشي ماكدر ماعرف شصار بس حسيت عليه شالني عيوني رؤيا مو واضحه ماعرف شكد فات من الوقت اوشصار بس من فتحت عيني كانت اضويه شمعات بيض فوكايه وسرى واكفه يمي ايدي بيهه مغذي

سرى :حبيبتي خوفتيني عليج

ناي: اني وين

-بالمستشفى حبي شصار ليش وكعتي قيصر تخب….

-لجيبين سيرته فكي هذا وطلعيني

-شصار ناي فهميني

-ده اكولج فكي اريد اطلع

-ولج لمغذي مخلصان بعده شبيج. ولج ايدج عزه بعينج

-جريت الكانونه من ايدي بقوه سرى طلعت تصيح دكتور طب قيصر كان موذاك العشق والفرحه الي بداخلي من اشوفه

اطلع بره

قيصر: بس خل افهمج

اطلع برررره

دخل دكتور ويه سرى

ثبرني انت وانت ضغطك مرتفع انت مايصير تعصب اني اعصابي نار سدو لمغذي حطو بلاستر ع مكان الكانونه كمت بس احس بدوران صلبت نفسي ووكفت سرى وكفت يمي لزمتني طب محمد

محمد: ها ناي حتطلعون

-ناي :محمد انت واخوك بعدو عن طريقي

سرى: اي غير تفهميني الي صار

محمد: ناي لازم تسمعين عذره

ناي: اي عذر صار10شهور اني نزوه تضيعه وقت

محمد: ناي احنه بالمستشفى خل نوصل الفندق ونتفاهم

ناي: اي تفاهم ماكو بينه سرى خبصتني شكو وشكو طلعت صار بوجهي عفته ومشيت محمد كال اني اوصلكم

لا اخذ ت**ي سرى خل تروح وياج

سرى: ماروح ويه احد وياج اني فهميني شصاير وكفنه ت**ي اطيته اسم لفندق صعدنه لغرف*نه ويانه بنات ثنين ماكو يمكن بعدهم مراجعين او طلعو لان همه جايين 3ايام

طبيت لميت غراضي وسرى مستمره تحجي

سرى:ولج فهميني شصاير شكو تحارش بيج سوالج شي

ناي: لج شتحارش ولج مزوج مزوج ثنين مو وحده ثنين

سرى: عزه منو لمزوج

ناي :ولج زفت الطين قيصر مزوج ثنين صار10 شهور اني مخدوعه

سرى: هههههههه منو كذب عليج

ناي: اكولها مزوج ثنين تكولي كذب عليج ولج شفت ج*سيته بعيني

سرى: عزه بعينه اذا صدك

ناي: فضيها تجين وياي لو انزل وحدي لبغداد

سرى: لاعيني وين ابقه اجي وياج بس شلون نرجع

ناي :شلون يعني من الكراج نركب بغداد

بهل اثناءاندكت لباب فتحتها سرى محمد

سرى: شجابك انت اكيد هسه تطلع مثل اخوك

محمد: شدتسون انتو

سرى: معليك ميخصك يله اطلع

محمد :ناي لازم تسمعين عذره

ناي: اي عذر صار10شهور اني نزوه تضيعه وقت

محمد :ناي لاتحكمين بسرعه

سرى: هاي شوكت تحكم لعد حته لو حامل جان جابت هسه واخوك ساكت ويلعب ع البنيه

ناي: يله سرى

محمد: وين يمعوده ساعه 5بعد شويه تضلم شيرجعكم انتضروني اني اوصلكم

ناي :لا موبحاجت احد رجاءابعد عن طريقي

محمد: ناي مو كل. شي ينأخذ بتهور اطينه مجال نحجي سرى وين رايحه انتي الخ لازم تعقليها لوتخبليها

سرى :شمدريني اني يجوز انت هم مزوج وجاي تلعب عليه

ناي: عفتهم طلعت جنطتي فتحت لباب صار بوجهي قيصر رجعت طبيت اجيب جنطه الايد دخل ورايه محمد يشوف ج*سيته لسرى حته تتأكد انه ممزوج

قيصر: اسف

ناي: اكو كلاص ع الميز جان شلته وكل قوتي شمرته بالكاع كتله كوله اسف بلكن يتصلح عفته وطلعت ورايه سرى الي تتعارك ويه محمد

محمد: اني جاي وياكم

ناي: ماكو داعي

محمد: ناي مااعوفكم ترحون وحدكم وماكتلج ارجعكم بسياره قيصر راح ارجع حالي حالكم نفرات وصلنه لكراج ماكو سيارات بغداد اكو شهربان صعدنه بيهن ومناك نصعد بغداد سمعت محمد يحجي بتلفون يكول اني وياهم لالاماعوفهم انت لاتنسه غراضي يمعود وعله كيفك سوق وصلنه شهربان وصعدنه سيارات بغداد الطريق كله كان عباره عن وجع بداخلي ليش حياتي صدمات من الي احبهم اذكرت ابويه الي رحتله واني مراهقه بعد مسمعت بيه ازوج وخلف رحتله اكوله احنه هم جهالج اريدك عله راسنه جان جوابه دروحو انعل يوم لشفت امكم بي اخذت فلوسي جنت اشتغل وهيه كل يوم تريد لبس وطلعه

رجعت بعد ماائيست هذا اول سند ان**ر بااكثر من مره اروحله وانطرد

السند الثاني اخويه الي نسه كلشي وحته بيته ماندله

واخر سند ما**ر ضهري **ر كلبي وجع روحي بينت هواي امال عليه تهدمت كلها فوك راسي ليش هيج صار اذكرت كل مااسئله ع زواج يتهرب واخرشي يكولي لحب اتأخر ياحب هذا حب نفسه لو حب نزوه زين شنو جان يريد مني اذا هوه ايدي ملمسها اني الي حطيت ايدي بيده واكثر من هذا مصار ليش الطريق كله تلفون محمد مسكت وسرى ومحمد يتعاركون بصوت ناصي واني احس كانو مرسوم دائره وكالولي اكو فتحه بهاي الدائره افتري لحد متلكيها افتر افتر وارجع لنفس النقطه اعترف امام نفسي اني حبيته لدرجه حسيت بيها انه لكيت ابويه من جان يسئل عني وينصحني وحسيت لكيت اخويه بغيرته عليه حبيته من عيونه الي جانت تفرح باابتسامته برزانته بثكله بنقاشه بكل شي بي بس هوه اني بنسبه اله شنو وحده شافهه تسوق وتلبس كال خلص هاي سهله شافني ضحكت وطلعت وكال اقضي وقت بس اني بحياتي مطالعه ويه احد ومطلعت وياه غير لمكان عام اني شنو منو اني اني ناي لمحاميه الي مايهمه احد لوناي الي كل يوم الها وجع و**ر جديد طبينه بغداد واخذنه ت**سي للبيت جان الوقت تقريبا 4الصبح صعدنه ويه واحد اضاهر سكران ماعرف متيهه بس سياقته طبيعيه جان مشغل اغنيه مساكين اول مره اسمعهه

مساكين مساكين من يومنه تعبانين من زمن مامرتاحين

محد يساعدنه حته الزمن ضدنه

نضحك ولو مجروحين مساكين

حبيناهم متصورين همه مثلنه طيبين

تالي طلعنه مخدوعين وتسمينه مساكين

واحنه فعلا مساكين

مساكين القلب خالي نرخص بالوفه الغالي 

رغم ك

رغم كلشي تجملنه لجل خاطر حبايبنه

حته نحسهم فرحانين مساكين

احس دموعي نزلت ويه كل كلمه نزلنه للبيت محمد وصلنه للباب مفاتيح عدنه طبينه صارت بوجهنه عمتي مالي حيل احجي شي طبيت للغرفه واسمع سرى تكولها احنه وكم طالب رجعنه معجبنه الجو هوسه وعمتي تكولها من لبدايه اني مااريدجن ترحن بس انتي لحيتي ذبيت هدومي وكفت كدام لمرايه عله ل**ني كلمه ليش ليش كلشي اكول الي يطيني غدر ويروح ليش،كل مااكول لكيت احد يكون الي بدنيتي ايحسسني اني مو وحيده اطلع منه وايدي صفر ليش

شتردين ناي اريد امي اريد احضنها وابجي بحضنها

منو امج امج الي كل مترحين متلهفه لشبكه لو لتمسيد راس تلكيهه هايمه بعالمه وحته شلونج متكولج

تردين تبجين هاي امج مخدتج الي ليالي وايام بس هيه شافت دموعج وعاشتها وياج شمرت روحي ع مخده كتمت انفاسي بيهه واصرخ بكل قوتي واحس دموعي تنزل نار عله خدي كل الي صار ويايه جان يقهرني ويحز بكلبي بس ليوم كلبي يوجعني الم مختلف شي اول مره احس بيه حركه نار الم بكلبي لايطاق