الشيخ والعشق

5

ع بالها وبالي نضحك انسولف ساعات فصلتني عن كل شي وخلتني اتأمل لون عيونهه ويه ضوه الشمس شكد حلوه كانه تكول للسمه عيوني مكمله لونج

ناي: احم احم قيصر وين سرحت

قيصر: ضوه لشمس عا** ع عيونج مخلي بيهن لمعه عجيبه لون ممزوج وكان الطبيعه متواجده بعيونج

ناي: ههه خجلتني شكرا ع الاطراءالرائع وعيونك صايرات مثل عيون نمر هههه

قيصر: ههههههه نمر ليش يعني

ناي: جد جد والله لتضحك لونهن ع كولتك بشمس عبالك صفر مثل عيون النمر بس نمر كيوت لطيف مو متوحش

قيصر: هههههههههههههههه ناي

ناي: نعم

قيصر: شكد ترفه انتي عفويتج اسلوبج كلشي بيج شلون هيج مرتب

ناي: احم احم اوف ساعه 11اخذتنه لسوالف اليوم غياب لامكتب ولامحكمه همزين ماعندي دعوه جان خالي رزلني رزاله غسل ولبس

قيصر: ههههههههههههه يله كومي اروح نتغده

ناي: هاااا هسه تريكنه ياغده هذا

قيصر: ناي قبل كم يوم كلتي احنا اصدقاء واذا حاب ادوم صداقتنه تلزم حدودك غلطت بشي وياج

ناي :لاحشاك بالع** سعيده بصداقتي معاك

قيصر: ناي ممكن اليوم ناخذ اجازه ثنينهن انكضيه كااصدقاء لاعمل ولامسوليه ولاشي

ناي: هههه ماشي بس

قيصر :بله بس رجاء

ناي :امممم ماشي بس وين اروح

قيصر: قبل كلشي خلصيني من سيارتج فدوه

ناي: لا**ه وليش موسيارتك وانت تصعد ويايه

قيصر: ههههههه سيارتي عاليه وبالكوه حامله طول رجلي سيارتج شلون اطخ بالقماره

ناي: هههههههههههههه

قيصر :هههه والله شبيج

ناي: ماشي لعد ارجع للبيت اذب السياره وابلغهم اني اليوم مسويه عطله لنفسي ونلتقي

قيصر :ههههه ماشي بس لو اعرف هل لعد شنو تكولوها

ناي: ليش لعد شكول

قيصر: هههه عادتهه

ناي: اي شكول انتو متكولون لعد يعني

قيصر: لا احنا نكول عجل

ناي: همممممممم ماشي عجل اذب السياره ونلتقي

قيصر: لوكل الي كالو عجل بهل جمال نطقوها جان تسجلت بالدستور

ناي: عهههه هذا غزل لو صبغ قيصر

قيصر /لالا لتخافين مو بنتلايت هههههه هذا غزل لتفتحين عيونج غزل صديقاوي

ناي: ههههههههه صديقاوي ماشي ياصوديقي يله كوم اذب السياره واطيهم علم واخابرك

قيصر: يعني شكد 10دقايق

ناي: لا ساعه تقريبا

قيصر :ليش يعني ساعه شكو

ناي: هههههههههه حته اجهز

قيصر: هاا قصدك تغيرين لبس بس تره حلو المهم براحتج يله اني هم ابدل وانتضرج اوك

كل واحد طلع بطريق طرق مفترقه مثل مجمعتنه هذي الطرق بعد كل هل سنين راح تكدر تخلينه مع بعض اني لازم اكولها اني مزوج اي احسن قرار هذا رجعت للبيت سبحت بدلت هدومي محمد اخوي صجمني

محمد: قيصر سالفتك موخاليه تتأنق وتتصفن عاشك يخوي كول هههه

قيصر: ههههههه بليل اشوفك هسه طالع سلام

انهزمت من سؤاله رغم كان يشاقه ويايه انتضرت اتصالها كالت شويه واطلع

كتلها حوكف يم الاسواق الي ع شارع العام يصير بيتهم بضهر بيت خالهه العجيب انها تسكن بيت خالهه ومايوم جابت طاري ابوها او امها توقعت انها مستقره يم خالهه لان شغلهم سوه شفتهه جتي بتجاهي لابسه كوستم سيت كامل بنطرون وتشيرت وستره لون جويتي حلو وانيق ومقفل لكن مرسوم ع جسمهه رسم الصبح شعرها كان مضفور ع طوله هسه مفتوح اووف لو بس عندي سلطه عليج لا الفج لف اضف*ج ماخلي يطلع

صعدت بسياره

هلاووو

هلاوين وغلا

ههه وين حروح

خل نطلع من الكراده ونفكر

ناي: اليوم رائع احس براحه من احجي وياه مختلف اسلوبه حلو متصرف اي تصرف غلط وياي اناقته شي ايخليني اوسوس من روحي اخاف بيه غلطه هلكد ما مرتب وانيق الصبح جان لابس قميص وردي وقاط نيلي طوخ هوه وباط ميلبس هسه لابس جينز كابوي وتشيرت ابيض وستره زركه الحزام والحذاء اسود وساعه الصبح جانت سوده واطار القاعده ازرك هسه لونهه ذهبي

قيصر: ناي ترحين للكاضم اروح نزور ونتغده شكولين

ناي: والله فكره حلوه بس ممسويه حسابي اروح للكاضم

قيصر: حساب شنو عباه مناك ناخذ

ناي: عباه نحلهه بس شلون

قيصر: اشرتلي ع اضافر ايدها وقدمهه وكالت بس شلون يعني عود مصبغه

ناي هم. حذاء مفتوح وعالي مجوزين انتي وثانيا ليش مصبغه ايدج ورجلج يجذبن النضر يابنت الحلال

ناي: شفته تعصب خير قيصر تره ا…

قيصر: لتكملين ناي اعرف مو. من. حقي بس والله احسبج شي عايد الي شعره من شاربي اخاف عليج يمكن من هدب عيني ناي انتي جميله كلشي بيج جميل ويجذب النضر والله اخاف عليج من هل شارع الي مينعرف شنو

ناي: اول مره احد كرجل يكولي اخاف عليج وانتي شعره شاربي وماعرف شنو لااب اهتم ولااخ دار بال تحولت ضوجتي من عصبيته الى سعاده بداخلي ان اكو من يهتم لاامري ويخاف عليه مجرد جماليه قيصر

قيصر: ههههههههه بربج عمرج سمعتي الكمر احتاج يتجمل

ناي: احم احم احم اذا اضل عله حجيك بعد ما اتحجه

قيصر: هههههههههه يله هسه نتوكل لوافر السياره اذا ع اضافر اخذي كفوف وجواريب شكولين

ناي: اوك يله والله مشتاقه ازور كل ماانوي تخرب سبحان الله عزيمه هيه

قيصر :اخذتهه للكاضم طبت باول تفتيش اخذتلها جوارريب واشارب وكفوف طلعت اطيتهياه

ناي : شبسرعه

قيصر :ههههههههه طبت بنفتيش وطلعت لابسه حجاب وكفوف وجواريب وعباه راس منضرها يسحر اتمنيتهه تضل بيهن

والله تخبلين

ناي/هههه اذ بجواريبي امشي دنزور

قيصر: افترقنه واتفقنه نزور ونتلاكه كدام مكتبه كتب امام الامام سلام الله عليه طبيت زرت اول شي دعيته يارب بجاه موسى ابن جعفر هل قلب بيدك اذا كاتبهه من قسمتي واعرف مالي حق ا**رهه بعد ثنين نسوان بس ياربي انت تعرف الي ده اعانيه اني. ربي رايدها زوجه ارتاح بهل سنين الجايه بوجودها اذا كانت من قسمتي ازرع حب الي بقلبهه وتتفهمني واذا لا فبعدها عني يارب ونسينياها

صليت وطلعت وكفت وره شويه جتي طلعنه وهيه تضحك ع لبسها مرتاحت اله ذبت الجواريب ولكفوف تكول خنكني بكلبي كتلهه ولخلقج لو الي سلطته اله حته بوشيه البسج سلمت العبا

الله يخليج عوفي الحجاب عاد خل نطلع وذبي هههههه سمعت كلام ف*نه مطعم بالكاضم تغدينه طلعنه جانت ساعه ب3رحنه لجوز ولوز اكلنه مرطبات وافترينه سوالف عاديه بينه بس ممتعه ليش ماعرف ماريدها تسكت ولااريد اسكت اني مندمج وياها ساعه 5ذبيتهه بركن نزلت انتبهت الاشارب بسياره هيه اول مصعدنه نزعته كالت

خنكني صاير ع كشن اخذته اتمنيت يجي يوم احطه ع راسها بيدي رجعت لبيت احمد باجر موعد الجلسه نمت مرتاح من الصبح للعصر كنه سوه زونه وافترينه

ناي: من رجعت للبيت اطيت علم لعمتي اني مسويه اجازه لنفسي اليوم وراح اطلع اغير جو رجعت للبيت مبتسمه سلام داخلي بداخلي ليش هل شخص احسه يختلف عن الكل

بصباح الجلسه تلاكينه بالمحكمه واخذنه حكم بفصل الارض وتسجل الارض باسم اخو قيصر لكن مو كلهه هذي ادات ضغط للطرف الثاني لانهم ولد وبنات ثنين والي مشتري منهم جعفر5ولد وبنيه

مبروك

قيصر: كلهه بجهودج

محامي الخ** السلام عليكم ست ناي ممكن كلمه

-اكيد تفضل

-احنه حابين نحل لمسائل وديه

-اي مسائل هذي اني الي اعرفه اخذت حكم قطعي بفصل الارض اما اذا تريدون حل ودي فيكون ويه استاذ،قيصر مو ويايه

-استاذ قيصر كل لي اريد تأجيل فرز الارض لان موكليني يردون يحلوها

قيصر: احنه اكثر من مره جينه وحبينه نحلها بس موكليك حبو طريق لمحاكم بعد كلام طويل كتله اخذ كاع اخوي وبعدها نتفاهم

قيصر: ناي شوكت اكدر انفذ لحكم

ناي: باجر تعال تلكاني مخلصه الخلاصه والحكم بيدك

قيصر :جيد يله نتغده سوه

ناي: هههههه هيه كل يوم لاعيني غير مره

قيصر: موهذا غده فرحه لقضيه

ناي :خل تنفرز وعود اعزمني

من المحكمه افترقنه باجر لازم اروح لااهل الكاع وناس عربان لازم البس لبس اهلي طلعت اشريت دشداشه وعباه وغتره وعكال لان مجايب وياي اتغقت ويه ناي بالعشره امر اخذ الحكم بدلت وكملت ورحت خابرتهه طلع مغلق ذبيت سيارتي وتمشيت دخلت للمحكمه اجاني مسج ان الرقم انفتح خابرتهه كتلهه اني بالمحكمه بساحه كالت جايتك

ناي : يومي ميعدي،من غير ماحجي وياه بس لاهوه حجه بحب ولااني امشيها ع اصدقاءاحنه

اليوم تفاجات بلبس مختلف لكن خله عيوني ادور تتفحص كلشي بيه كلشي حلو عليه جان لابس دشداشه بيضه وعباه سوده ع جتافه بيه تطريز ذهبي بيده سبحه صغيره خرزه سود وبيهه مثل الدك فضي وغتره وعكال شكله عبالك متغير بس ايجنن صاير

الله يساعدج بويه

ناي: قيصر اتجنن بهل لبس

قيصر: عيونج الي اجنن

ناي: لاوالله شبيك مو مجامله اللبس العربي مطلعك شي يهوس كلش حلو لايكلك

قيصر: اهم شي عجبج

ناي: احم هذا القرار وبلغني بلي ايصير

قيصر: باقيه بالمحكمه

ناي :لا راح اطلع ماعندي شي

قيصر: يله سوه نطلع

تمشينه اني وياها وكل واحد صعد سيارته فرحان بعيونهه الي تفحصت كلشي بيه

ناي: هيبته تطغي ع لمكان ولزمان وصلت للبيت وهوه شكله بين عيوني

قيصر :بعد منحصرو كالو انبيع بعد جدال فضيتها وياهم يخلصون مال القاصرين الي تسجلت لمسؤله عنهم الام وفضيتهه اتصلت بيهه تشكرتها وعزمته ع غده ثاني يوم طلعنه سوه

ناي: تصدك لبسك العكال و***باه مخليك شي،مختلف مونفسك الي لابس جينز هسه

قيصر: واي واحد بيهم عجبج

ناي :صراحه لبس العربي واااو يجنن

قيصر: لوادري جان لبسته

ناي: هههههه

قيصر: ناي تلفونج مغلق جان مصار لوقت الي تطيني بي رقمج الخاص صار شهرين معقوله بعدج ممأمنه بيه

ناي: لالا بالع** اني اصلا جنت ناويه اطيكياه بس شسوي بي بعد لقضيه وخلصت

قيصر: ناي ماتوقع انتي مقتنعه ان اتصالاتنه ببعض وتجاذبنه لبعض فقط للقضيه

ناي: لاطبعا احنه اصدقاء

قيصر: ناي اكو شغلات ثنينه منعرفهن عله بعض خلينه نتعرف ع بعض اكثر يمكن نكدر نكون شي بيوم

ناي: ماعندي مانع

قيصر: تغدينه سوه ووصلتها ورجعت لبيت احمد طلعت اسوكت للبنات وللاهل كالعاده صوغه من بغداد ورحت لديره فهمت ابوي ومحمد هم اجه وياي صادف عنده عطله محمد يدرس علوم سياسيه

طبين شفت نسواني ع وضعهن وحدتهن تعرف كلشي تسوي خبز عجن تركيب غسل هدوم وكوي بس متعرف ان تالي الليل ماريد اخوي اينام يمي شاربه اثخن من شاربي وشعره مكتوم كتم بقراصه مشدود حته بنوم

صارت حياتي اشوف واتمنه واتحسر وبس حضي لمسودن خله كلبي ع تالي وكت ايفز

طلعت للبستان شربتلي جكاره وسمعت محمد ورايه يصيح هاااا ياشيخنه العاشق

-هههههه يمعود ياعشك

محمد: ياخويه صحيح اصغر منك اني بس ثق اني فاهمك

قيصر: احنه كل اخوتي امي مخلف*نه واحد وره واحد يعني لفرق بين واحد والثاني يمكن اقل السنه محمد ذكي جدا وعنده طريقه يخلي اكبر واحد ايلين وياه ويفرغ لبص*ره واني جان جاثم عله كلبي الهم الي ماعرف شصرف بيه

محمد: الله يعينك ياخوي هذي فطره الرجال يحب تكون زوجته كامله 100%بس نسوانك ياخوي تره موذنبهن البيئه الي تربن بيهه عرفن خبزاطبخا خلفن بنت عمك عاشت ويه 4ضراير وعمك مخليهن بيت واحد وناس تعاند بناس وهذا لشي ع كولتك يخليهن حته مينتبهن ع خلفه

وبنت خالك عاشت ويه 3نسوان صحيح مفترقات وكل وحده ابيت بس هم اكو حزازيه بينهم

قيصر: محمد بس اني علمت يعني اني موطفل لو مافهم هم داومت كليه وشفت المفرعه والمحجبه وكلشي شفت ولزمتهن كتلهن اريد كذا كذا ثق بالله ضهرت بحياتي بوكت اني اعرفه مومناسب بس احس براحه من احاجيها

محمد: خويه يكولون وماملكت يمينك الك حق 4نسوان بس يااخي لازم الطرف الثاني يعلم موانت ضام عليهه

قيصر: محمد تعرفني اغطي او اكذب او اخاف من شي بس من احجي وياها ينعكد ل**ني عن هل موضوع كل ليله اكول باجر اكول كل السالفه وتالي اسده ومحاجي شي

محمد: قيصر انت عاشكها مشكلتك انك زواجاتك ثنينهن جانن بقرار من احد انت مقررت وهنه ماعرفن ايديرن لموضوع لصالحهن التهن منو تجيب لولد ومنو يكولون عليهه احسن من الخ نسن لازم كدام زوجهن لازم يصيرن احسن مو كدام الاهل ولعيال ولناس

واليوم اجتي الي سحرت هل اسد الي جان حاصر نفسه بين اربع قضبان قضبان الاب وقضبان لمسؤليه وقضبان زوجاته وبناته وقضبان اخوته انت شايل مسؤليتنه كلنه ياخوي انت نسيت نفسك هواي راح انصحك نصيحه

قيصر: ياريت محمد لان حاير بهل امر

محمد: عيش حياتك يخوي فك غضبانك لان جيته خلتك حاير بين طلعت من قضبانك وبين الحبس وتفتر حوالين نفسك بدائره مغلقه

اخوي انت بعدك ممتأكد اذا جانت البنت تحبك ولا لا ومضابط مشاعرك اضبط مشاعرك وجس نبضهاوبعدها يصير خير وانت عندك حلال ومال وشيخ من بعد ابوي يعني عندك قدره ع فتح بيت ثالث بس

لتضم سالفه انك مزوج حته هيه تعرف تقرربس شوكت تكولها من تتأكد انها تحبك اذا سالفتهه وياك مثل متكول اصدقاء لاتكشف الاوراق كلها

قيصر: اووووووف شورك وهدايت الله تعبان محمد تعبان

محمد: سهله يخوي هونها وتهون

اتصالاتي ب ناي متواصله ومايوم دكيت عله رقمهه لخاص وكان مشغول اتعمد اناقشها باامور حته اذا اني مقتنع بنفس لفكره اكول الع** حته يطول وقت لمكالمه واسمع نقاشها خلصت اجازه محمد ويريد رجع لبغداد صار 11يوم اني بالولايه جسد لكن عقل وتفكير كله ابغداد كتله انزل وياك حضرت غراضي ونزلت لبغداد مكتلهه اني موجود ببغداد

ناي: تعلقت بااتصالته الي كامت اطول بس لاهوه كال شي عن مشاعره ولااني اصدقاءثنين يسئلون ع بعض وبس اسلوبه كلش حلو حته رزانه بكل شي بكلمه بضحكه بكل شي ثكيل ورزن صار عندي احساس اشتياق اله ليش ماعرف معقوله حبيته لا اكيد حبيته سرى تعرف كل حركه عني وره نجم هيه احتفضت بجرح وغلقت موضوع الحب او العلاقات عدهه عطله لكليات بعد يومين ادوام الفتره خلصناها بين ترتيب البيت راح تجي راس السنه عدلنه وسعفنه ورحنه لصالون كتغير روتين وتغير شويه من الوك هيه صبغت اشقر فاتح هيه بيضه بشرتها وعيونها كبار سود طلع عليهه ايجنن اني اقترحت عليه ام الصالون اخصل لان شعري طويل حلو عليه التخصيل بس خصل اصفر مااحب كرهت الاصفر كثر مشفت امي تحجي بيه كالت اخصلج احمر وقنعتني انه يلوكلي سويتهه وبالفعل جان حلو وتغير غريب اتعلمنه العراقيين نعرف تخصيل اصفر كنت راضيه ع شكلي اتفقنه الجمعه نطلع اني وسرى نتغده بره

اتصل بيه كتله ناوين نطلع نتغده بره اليوم

قيصر: الخميس طبيت بغداد جنت ناوي الاحد اسويلها مفاجئه بلا موعد كالت حيطلعون هيه وبت خالهه

وين ترحون

-والله ممقريين كلنه نطله ونشوف مطعم

-هاا يعني خارج الكراده

-لالا بنفس الكراده حته قريب علينه راح نطلع مشي حته سياره مناخذ وين نتعب نصعد ت**ي ههههه

-هههه خوش فكره شوكت اطلعون

-يعني ب11نطلع حته نشتري كم شغله هم ونتغده ونفتر ونرجع احسن من طلعتنه العصر وتغورب علينه

-هاا بالعافيه مقدما

الساعه جانت 10ص محمدكاعد كتله حيطلعون وكذا راح اروح افاجئهه اني ببغداد

محمد: يله اني هم اجي وياك اريد اشوف الي دوخت وريث الشيخ شلونها ههههه

قيصر: ادعي بت خالهه حلوه مثلها بلكن ازوجك الها ههه

محمد: خل اروح هسه يطلعن ثنينهن مينطلع بيهن

طلعنه ساعه 11:30احنه نفتر بالكراده خابرتها كالت بعد مشفنه مطعم ده نشتري كم شغله ليش اكو شي

-لا بس حبيت اطمئن عليج

مرت ساعه خابرتها كالت احنه بالمطعم

-اي حضوظ هههه يامطعم

-حسدتني قيصر بعدهم حته الاكل ممنزليه بمطعم زرزور سرى مشتهيه كباب

-هااا بالعافيه يله بويه اخذو راحتكم

حركت اني بالكراده بس افتريت فلكه ورجعت ع زرزور نزلنه اني ومحمد خابرتهه كتله وينج

-قيصر بيك شي. اليوم موكتلك بالمطعم

-اي وين كاعده بالمطعم شو ماكو

-قيصر لتكولي هاي انت الكدامي

-وينج انتي

-وراك

-انداريت شفتهه بعد ميزين كاعدين عوائل بيهن وثالث هيه وبنيه وياها

ناي :طبينه للمطعم وسرى تضحك عليه كل شويه محاجيته سديتهه كتله تصدكين مشتاقه اشوفه

فات وقت وخابره مره ثانيه من كال وينج بالمطعم رفعت راسي عرفت هوه هنا شفت ولد ثنين ضهرهم علينه بس واحد نفس طوله وهم لابس ستره من اندار ضحك وسد التلفون احس فرحتي تارسه الكون

-السلام عليكم شنو هل صدفه الحلوه هههه

-لاوالله اخاف صدك ههههه شوكت جيت لبغداد

-لبارحه اعرفكم اخويه محمد

-اهلاوسهلا سرى بنت خالي قيصر الي حجيتلج عليه

بعد التعارف والسلام كعدنه وطلبنه الاكل لان اجوي همه هستوه نازل الطلب مالنه

قيصر: طلعو محمد وبت خالهه ثنينهم بجامعه بغداد بس هوه علوم سياسيه وهيه تربيه رياضيات اندمجو يحجون ع جامعه وماعرف ايش

لمشكله لعندي اني انتبه بسرعه ع اي شي لو اصغر تفصيل

ناي

-نعم

-شميويه لشعرج

-ههههه مخصله احمر

-لايكلج هواي بس

-بس شنو

-اوووووووووف هيج طيبه لمقبلات

-لتغير لموضوع بس شنو

-ماكو شي شبيج

-عليك الله بس شنو

-متضوجين

-لا

ابد

-ابد احجي

-ياريت لو الي سلطه

-سلطه عليه يعني ليش شسوي يعني

-اخ جان حته اضف*ج ماخلي يطلع موشعرج

-لا والله هههههههههه

-اي بالله

-هههههههههههههه شعندك ببغداد خلاك تنزل

-عندي شوفتج كلشي ماعندي ببغداد بس حبينه انشوف وجهي الكمر وجينه

-ههههههه منو يلحك ل**نك اذا علمودي شلون انت من لبارحه واني مادري

-ردت افاجئج كلت الاحد اروح واصدمهه

-ههههه احله صدمه والله بس الاحد عطله راس السنه

-لاصدك

-اي والله

محمد: صدك شنو مشاريعكم لراس السنه

ناي: اكعد كدام الصوبه واكرز حب ههههههههههه

سرى: واني اسوي كهوه واكعد بصفهه ههههههههه ونكعد نحجي ع امي وابويه ونفكر شون حيحتفلون ببيت جدي

ناي: ليش ابيت جدي يرحون

سرى: اي امي كالت كتلهه ماروح عود رادت اقنعج واروح هههه صدمتها هههه

قيصر: خلص غيرو الخطه وخل نطلع طلعه اصدقاء شكولون

محمد:اي والله واني وسرى طلعنه زملاءاصلا وانتو اصدقاءقبلنه خل نطلع كااول سنه صداقه نبديهه جديده

ناي :بس وين اروح كلهه ازدحامات ثانيا مستحيل نبقه لليل وحدنه انتو متقبلوها نرجع بنص الليل لبيوتنه

قيصر: لاطبعا شعدنه نطلع هيج مثل هيج وقت نتغده ونفتر وللعصر نرجع

ناي :اني ماعندي مانع اذا هيج

سرى: زين عندي فكره شنو رئيكم نسوي سفره ونجهز اني وياج غده بالبيت

محمد: فكره حلوه بس مريد انكلفكم المهم انتي شتعرفين اطبخين هههههههه

قيصر: هههههههه ابو بطن لاعتب عليك لايابويه لاتعبون نفسكم

ناي: لاجد خوش فكره احسن من دوخه لمطعم بس وين اروح شنو رئيكم اروح نزور لكاضم ذاك اليوم اني وقيصر رحنه واحد يرتاح بزياره

محمد: ونتغده بزوراء

قيصر: ههههههههههه بويه شعدنه بزوراء

محمد: اي احسن منضل محبوسين بسياره والاكل ويه الهوسه مال العالم. ميراد

سرى: اني موافقه لان صار كم مره اكولها لناي اروح لزوراء وتلتهي ومروح

قيصر: هاا ناي

سرى :نانه حبابه والله اريد اشوف القرد

الكل :هههههههههههههههه

محمد: القرد متلهفه ع شوفته يعني

سرى: لا شبيك اضحكون متذكرين من رحنه ونشمرله موز واخذنه من نجم جكاير

ناي: بعدها من اجيب اسم نجم صوتهه بي حسره

اووف شظيع ذهب نجم اوك ماعندي مانع

قيصر: خلص اتفقتو

اي هذاهوه تمام

محمد: لابعد سؤال شنو الغده اخاف تالي اصير لفات جبن هههههه