الشيخ والعشق

4

ناي اسم غريب بس لكل واحد من عدنه معنه اوسبب لتسميته بهل اسم وراح اكولكم قصه اسمي بعد مااعرف عن نفسي

ناي فؤاد البرزنجي

خريجه كليه حقوق المهنه محاميه من اول يوم طبيت للكليه اشتغلت بمكتب خالي الي هوه رباني وراح اكولكم السبب

المهم شغلني وياه حته اتعلم وبالفعل صارت عندي خلفيه معلومات عن مهنتي قبل مااتخرج ومن تخرجت اشتغلت تحت التدريب لحد مااطلعت هويه النقابه مثل مااسمع من الناس محاميه جميله وشاطره مستعده اي قضيه استلم اله قضايا الطلاق مستحيل اتكفل بيهه خصوصا اذا كان اطفال هذي يمكن عقدتي بالحياه الي باعدتني حته عن الزواج السبب هوه

قبل 21سنه جانت اكو عائله متكونه من ام واب وولد وبنيه بس عائله مفككه فتحو عينهم الاطفال الي همه بنت عمرها 4سنين وولد عمره2سنتين فتحو عينهم ع مشاكل ام واب وكل يوم مشكله وكل يوم الهم بيت وبالاخير اخذو قرارهم الام والاب ونفصلو ولبنت ولولد بنص يوم ينذبون ع الاب الي جان سكير وسكنه لملاهي ميندل البيت اله نصاص الليالي حته اينام ومايحس بشي بعد ويظلون الاطفال تحت رحمه زوجات العمام الي شغلن البنت كخادمه وهيه عمرها 5سنين والولد كان ينض*ب اذا لزم قطعه خبز طفل عمره 3سنوات م***ع من اللعب ومن المتعه اخته تحمي تحضنه اتضمه بص*رها وهيه تتلكه الض*ب عنه وبالليل تصيرله ام تنيمه بحضنه ومتنام اذا موهوه اينام ام بعمر 5سنين وتجي ايام ننشمر عله امنه الي جانت متعرف غير نفسهه صبغ اضافرها وصبغ شعرها وحياته ويه جاراتها وزياراتها ماذكر يوم حطت ايدها ع راس واحد منهم لحد مصفه بالاطفال الدهر يم اخ ام ماخذ اخت الاب بعد سنتين من بهذله هل اطفال استقرو يم الي طالتهم مشاكل بسبب ام واب الاطفال لان ماخذين راس براس اهلهم رادوهم يطلكون مثل ما اب وام الطفل اطلكو لكن حبهم لبعض كان اقوه والاهل بعدوهم لان منفذو ولحسن حظ الاطفال بعدسنتين تصالحو معه اهلهم واخذو الاطفال

ذوله امي وابويه الي بس بج*سيه امي وابويه اخويه نجم اصغر مني بسنتين من يوم الي صار مصيرنه من بيت لبيت ومحد بحالنه صرت ام اله اذكر جنت اسبحه بس يضل بي صابون وارجع اطببه اسبحه بالمي مره ثانيه شعري ماعرف امشطه جنت اتوسل بنسوان عمامي اوخوالي ايمشطولي واذ حنت وحده عليه فتمشطلي اجرجر وكل شويه تكفخني ع راسي

انتقلنه لبيت خالي الي ماخذ عمتي اخت ابويه جان عنده بنات ثنين وولد رؤى اكبر مني وسرى اصغرمني اخويه نجم اكبر منها ولولد صغير كلش اسمه زيد

والدي برز**ي كردي وامي فتلاويه

اخذت لون لعيون من ابويه ولسمار الخمري من امي زين اطونه شي منهم امي تزوجت ونستنه انشوفها بالاعياد من تروح تشوف اجدادنه وتسلم علينه مثل اي طفل بشارع ماذكرهه حضنتنه بيوم لو سئلت ع واحد منه حته متحاجينه والاب ايضا ازوج ومايوم اصلا سئل لابعيد ولابسعيد كبرنه ابيت خالي الي جان دوم يتعارك ويه امنه يكولهه ماريد منج شي بس خسريلج يوم تعالي بنجاح ابنج بنتج فرحيهم كعدي وياهم لان جان ين**ر خاطرنه علينه غصبا عني وعن نجم عيونه تدمع من انشوف عمتنه اوخالنه يحضنون اولادهم تطلع الحسره غصب عنه تشك الص*ر رغم جانو يحضنونه ويعاملونه مثل اولادهم لكن تضل الام والاب يختلفون رؤي بنت خالي اكبر مني ب7سنين ازوجت بعمر صغير علاقتي وياها رسميه ماكو ميانه اكو احترام جدا قوي نعتبرها اختنه لجبيره اما سرى فااصغر مني ب3سنوات صديقه عمري واختي الي اني وياها سر بعض زيد شاب مراهق انكفخ بيه كلنه اكبرمنه ع كد ايدنه روح وتعال عمتي طيبه حنونه دمعتهه تنزل ع فلم اذا طلع بتلفزيون وشافت ممثله تبجي بجت وياها احن من امنه هيه الي ربتني وعلمتني الصح من الغلط اكثر شي لبنيه تحتاج امها اكو شغلات جنت اتمنه امي موجوده

خالي طيب صاحب قلب ابيض ونفس طيبه الاب الي علمني مادام ممسويه شي غلط لتضميه لان اذا ضميتيه راح تحسبه الناس غلط وخفتي وضميتيه نجم ابني اخويه احن اله مثل ام تحن لاابنها شالع كلبي بس مازعل منه بيوم طفولته بين ايدي مايوم حسيت اني طفله اومراهقه جنت احس اني ام حته صور طفولتي كلهه شايلتهه ع كلبي اخاف عليه كبر كدام عيني وكبرت وياه شخصيتي صلبه صارت لان معشت راحه اتحملت لمسؤليه من طفولتي نجم فشل بدراسه حاولت وياه جان رده مااحبها موكوه بالف حيله قنعته يدخل معهد صناعه سنتين وبطل هواي اتمنيتله اشياءمنفذها من ضمن الاشياء هوه زواجه من الانسانه الي تحبه من الطفوله سرى نجم شكله كله ابويه اشكر عيون ملونه طويل رفيع ضعيف كلش جان فتره الي يسمن بيهه وجهه يجنن يصير لكن لضعف بنيته كان دائما ضعيف اتعرف عله بنيه كنت رافضهه تماما وجودها بحياته لسبب يمكن اني اشوفه غلط او هوه اصلا غلط لبنيه من عائله مفككه اكثر من عائلتنه لكن الاختلاف احنه الام والاب كل واحد شق طريقه وتزوج واسس عائله وهيه الام والاب موجودين لكن كل واحد بعالمه الاب يشرب كالوالد ودرب اعوج لكن الاختلاف ابويه يشرب بالملاهي ابوها يشرب ابيته وكل ليله سهره هوه واصدقائه ابيت بي سبع بنات والام الناس اتصيحلها ال من بيت لبيت تفوت وتنقل حجي بين الجيران لحد ما صار الكل ميريدهه لان سوت مشاكل بين العالم ولبنيه معجبتني خفيفه تجي لبيتنه وكل يوم وين جنتن نجم جنت ويه سناء يابه وين ويه سناء هاا مو ض*بت لمدرسه وطلعنه لزوراء لو للجزيره جان يشتغل بشورجه بمحل فضه اتعلم يصوغ فضه ع كولتهم حبها وحبته ماعرف اي حب هذا ليحجون عليه راد يزوجها رفضت جان رده الي صدكتي نفسج انتي موامي تره واني حر رضيتي او مارضيتي طز

اخخخخ كلمته وين رجعتني حيييييل رجعت لاايام الي انام عليه حته انض*ب بجفجير مرت عمي ابداله تهلس شعري وهيه تسحبني منه واني متشبثه بيه لاضل جفجير ولانعلان ولاصوندات مااستقرت ع ضهري حته احميه رجعت ليوم من الايام ده يلعبون طوبه هوه وابن عمي وان**رت الجامه الي **رها ابن عمي وتهم نجم مرت عمي شافت ابنهه هوه لشمر لطوبه وجتي بجامه بس ساندت ابنها عمي جان جندي طب لغرفته طلع نطاق ظرب اول ض*به صارت بنجم الثانيه جان ضهري مستعد يتلكاها ايحاول ايوخرني عنه كام يض*ب ويدفر ويدعي علينه ويكول نخلص من ابوكم

اطلعونه انتو بعد ما جرته مرته كان جسمي عالن استسلامه طفله بعمر ست سنين ماكدر انام ع ضهري من ض*ب النطاق جنت انض*ب حته احميه مايوم نض*بت لان سويت غلط جانو شيريدون اشوي ناي غسلي هدوم احطهن افركهن زين حيل باايدي افركهن حته لاانض*ب او احد يغلط عليه من طفولتي عندي ااحترام لنفسي اشتغل واتعب حته لااحد يغلط اويض*بني انقهر جنت من احد ايهيني جانت كلمه وحده دوم اسمعهه امداها لاامج عدهه هيج بنيه وماتدري بيهه لويكولون الله بلانه بيكم بس نجم من طفولته مشاغب ورغم ذلك جنت احميه اذكرت الليله الي بجيت بيهه من الالم ضهري احسه مجرح شعري يوجعني راسي من الجر بجيت واني امسد ع شعره حته اينام نيمته وتمنيت ابويه او امي يجون ليوم واحد ايحسسونه بوجودهم اليوم جاي نجم ايكولي انتي موامي

صحيح اني موامك لان امك ذبتك ابن سنتين ممتك بيدك الليل كله اسهر عليك اني وكل عمري خمس سنين طفله صارت ام وربتك

نجم: اهوووووو عله هل سطوانه ناي حياتي حربيهه اني انتي مو وليه امري اختي فهمناها بس اني حر لاانتي ولي امري ولاامي

ناي: حسافه والله براحتك نجم بس اذكر كلامي اذا صارو عندك اطفال مصيرهم مثل مصيرنه اني وانت سناء مو ام تربي جيل لانها مكادره تربي نفسهه روح يااخويه الي صار ابني الله يسعدك واتمنه اكون غلط

سواها نجم وازوج سناءالي حكمت عليه ياخذلها شقه وم***ع اوصلهم اني بحجه اختك مو مرادتني اني هم ماريدها واخويه رد،الجميل ال اخته الي درست وسهرت وكبرت باانه اثث شقه يم شغله ومدله اخته عليهه اخاف فديوم تروحله عاف ناس وراه من غير ميلتفت عاف خال حماه وحطه ابيته وعمه بيوم كالتله انت ابني وخافت عليه واخت جانت راسمه امل عليه وحبيبه جانت تكفيهه نضره منه ازوج سناء واحنه اصلا مندري سمعنه من امها الي جتي الصبح لبيتنه تكولي ع عنادج موتي بكيدج ازوجو

اه ياابني البار بريت بااختك

اسمي والدي مختاره لان جان ايحب راقصه تشتغل بملهه ليلي اسمهه ناي وحب ايخلد ذكراها بااسمي ههههههه الي امي تكرهه

اني وسرى خوات ثنين شربو من نفس لكاس بس بطعم مختلف اني ب ااخ وهيه بحبيب عدت ايامنه وكمت اشتغل ويه خالي الي كان

مخصصلي راتب وجان يكول بالبيت اني خالج بشغل استاذ،زياد لحد،ماصرت محاميه جان شيطيني خالي تاخذ عمتي نصهن بالبدايه من جنت ادرب يطينه 100عمتي تاخذ 50و50الي هيه جانت تشتري الي ول سرى ملابس واحتياجاتنه من كمت اشتغل كمحاميه استلمت اول دعوه جانت اتعابهه600الف اخذتهن وكالتلي صار عدج اربع ملايين وستميه

شلون كالت سويتلج سلفه واخذتها وضميتهه وسويت الخ لحد مصارت 4ملايين شتردين هسه جانت عاجبتني سياره واني اسوق لان خالي مرات عنده جلسه بمحكمه ثانيه اضطر اخذ ت**ي ولخوف كاتلني

خالي راح لصديقه جاب دايو اسبرواطاه الاربعه وضلن مليونين كل شهرورقتين هذا لحجي بال 2004 وعلمني اسوق

سنه وشهرين اني مشايفه نجم ايقنت بيومها ان مالي سند لااب ولااخ سندي نفسي اعتني بمضهري كاانثى كامله لكن داخلي رجل حاميه نفسي بنفسي مانكر اكو قهر بداخلي لان ضاله بطولي وعاله ع خالي ربيت اخويه ع امل مثل محافضت عليه وحميته يحميني اجانه بعد هل مده كان ايريد مبلغ خالي كال لاتطيه ميستاهل هسه اذكرنه اعياد فاتت مكال شلونج كلبي منطاني ارده اطيته 500هنه كل العندي مال قضيه شبعت بيهه ركض يله حصلتهن عرف خالي حجه عليه كلي غلطانه هوه ازوج وانتي متدرين انسي كل فلس اطلعيه بتعب هذا من حقج بس اليوم لان عندج اجاج باجر ماعندج صدكيني ميطيج ربع دينار وبالفعل عدت سبع شهور تلفون مشايل عليه وتالي اجاني يريد فلوس زوجته تريد اجيب وماعنده وهم اطيته بس غسلت ايدي منه مامنه امل كمت الاعياد اطلع مع صديقاتي ماروح لبيت جدي ويه خالي المن اروح لاام حته متعرف بتهه وين اشوفه تبوسني كلامها ويايه شلونج كل عام وانتي بخير ام تسئل بتهه تكوله مازوجتي انخطبتي ام متعرف هل معلومه عن بتهه وبعدها كلامها يصير سافرت صبغت اشتريت طلعت سحبت نفسي افضل من اشوف ام بشوفتهه اكرره بطنهه الشالتني اما الاب فااصلا لاعرف وين ساكن ولاعندي علم بيه اني ام نفسي وابو نفسي خالي يحولي قضايه بيوم حولي قضيه بيع قطعه ارض زراعي طالع عليهه مشاكل قصر وورثه اجاني احمد نسيب عمو سجاد صديق خالي اخذت لقضيه وبديت اشتغل بيهه واجاني استاذ احمد كال ان اخوه لكبير هوه الي مسؤل امام ابوهم وهوه الي حيتواصل وياي ع القضيه بيوم خابروني جنه متواعدين عدنه جلسه كتلهم انتضروني لدخلون للمحكمه ده امشي بتجاه لمحكمه اشرلي احمد شفت ثنين واكفين يمه واحد لابس دشداشه عرفته ابو القضيه من خلال ج*سيته والصور الي يمي والثاني جان اطول منهم صاحب كتف بارز انيق جدا لابس قاط اسود وقميص ابيض بله رباط ساعه سوده بااطار فضي ودكم قميص فضي ببهن خرزه سوده من خلال السلام عرفت انه قيصر حسيت ان نضراته تفحصت كلشي بيه وبعتباراني بنيه بشارع صارت عادي هاي لنضرات لكن اني وكفته وهيبته ايضا دفعتني من خلال وضع نضاره بالكاتب العدلي من اخوه يسوي التوكيلات اركز ع شكله

جان اسمر عيونه بيهن لون عبالك صفر حاجب ثخين مطبوك زيان مرتب لحيه خفيفه وشارب وس**وكه خليجي محددات كله ع بعضه مرتب انيق شي ايخلي لمقابل ينجذب اله مثل مثل اي بنيه رغم عازله وساده هذا لموضوع بس يبقه عندي اعجاب لشخص انتبهت ع ايده جان مابيهه حلقه وبطبعنه احنه نعرف ان مادام مالابس حلقه يعني ممزوج بده لحديث بينه من احتركت سيارتي كان موقف جدا مخجل من دوختي نسيت تلفوني الخاص وجنطتي بسيارته اتصل بيه كال تلفونج دك اكثر من مره سئلته كال ال لاحنونه جنت كاتبه هل اسم ع رقم امي خجلت جدا ياريت مسائلته طلبت منه يقفله جاب الجنطه فتحت التلفون جانت موجوده رساله ترزلني بيهه امي لان خالي مرزلها من سامع هيه تريد تسافر للعمره كايللهه شتكولين لربج متعرفين شي عن بنتج ع قليل كوليلها تحاللج وتواهبج حته تنقبل عمرتج رسالتها جانت مزعجه جدا بلغت خالي ان مايحاجيهه بهيج مواضيع بعد اني نسيت عندي ام توالت الاحاديث بيني وبين قيصر وبيوم سمعت محامي لخ** كال ابو داود

ركزت ع الاسم لح مفهمت يصيحوله هيج لان ممزوج ولازم ابنه يتسمه ع اسم ابوه ماعرف ليش وياه تصير مواقف بايخه مره احتركت السياره ومره ان**ر الكعب كل مره جنت اشوفه بيهه كان انيق اكثر من المره القبلها الوان الي يلبسه كلهه الوان غامقه يا الاسود او النيلي او البيج او الرصاصي ودائما قاط كامل بله ستره او كجول اخره مره جان لابسه جدا سبور وحلو كان لابس جينز جوزي وتشيرت بيجي وستره رصاصي طوخ عطره ايجنن حته سيارته جانت مرتبه ومعطره تحوي ع انه نضامي ومرتب جدا كلامي وياه زاد اعجابي جان رزن رغم اني شفت نضره اعجاب تسترق النضر الي ماعرف ليش فرحت بهل شي

بعد15يوم يله تكون اكو جلسه ماعرف ليش شي داخلي اريد اسمع صوته لو اشوفه اتصلت بحجه اوراق اكثر من مره اطرد لفكره من راسي وارجع افكر بيهه لحد ما لزمت تلفوني واتصلت

قيصر: ساعه 5العصر كاعد بالديوانيه ويه ابوي وتلفوني دك طلعته مكتوب ناي احس جسمي كله رجف ترخصت وطلعت بين مطلعت انتهت الدكه بسرعه اتصلت بيهه اني

السلام عليكم

وعليكم السلام استاذ قيصر

اعتذر مكدرت ارد جنت يم جماعه

لالا اني اسفه اتصلت بوقت مومناسب

لاست ناي كل الاوقات مناسبه حته لو نص الليل يكفي نشوف اسمج ع شاشه الموبايل

هههههههه شكرا اتصلت بيك علمود اوراق ووووو

ماشي تدللين اذا تحبين هسه انزل لبغداد حته اجيبهن

-لاتسلم مااحتاجهن خليهن ع يوم الجلسه

-بعيني شخبار سيارتج

زينه البارحه طلعوها

-مع الاسف ياريت ضاله عاطله

-ليش يعني

-لا مو عله شي وكعبج شخباره ههههه

-اوف لذكرني

-يابويه الكعب فدوه بس نخاف ع رجلج لاتن**ر وبعدين طولج حلو ميحتاج هل كعب

-شكرا ع هل مجامله

-ليش عمر الكمر يحتاج احد يكوله انت نورك ضوي ويسحر العين

-ههه احم اليوم محد ايحاجيني بعد كبرت راسي

-اوووف

-ليش هل اوف

- انتي ماخذه كلامي كمجامله واني ماعرف اجامل

ناي :صرنه هوه بتحجج يتصل واني اتحجج كذلك وكل اتصال يطول ساعتين اواكثر يخلص رصيدي ورصيده واحنه ماعرف بشنو نحجي يمشي الوقت

قيصر : اكو اشخاص يطلع لحديث وياهم متعرف منين والاحله تلكاه ايناقشك

بعد باجر لازم انزل لبغداد عله موعد لجلسه حديثي ويه ناي كا اي ثنين اصدقاء لااني اتجاوزت حدودي ولاهيه رجعت اليوم للبيت نسواني ثنينهن يشتغلن جوه صعدت ع درج شفت بناتي يلعبن من وصلت يمهن بيدهن العلب الي جبتهن لاامهاتهن مال لمكياج ايليصن لاعباتهن بيه ووجوهن احترك دمي لاهنه الي استخدمنهن ولاحافضن عليهن عطت صعدن ثنينهن

ليش هيج العلب جبتهن متنغصهن الجن كلت بلكن تحسن وتعدلن نفسجن وتحسن شويه

رقيه: شسوي ياشيخ هيه مطلعته

امل: اي والله هنه ابنغبشن

قيصر: وين حاطاتهن انتن

رقيه: بالمجر

امل :ع ميز تواليت

قيصر :وذني اطفال مايعرفن معرف*ن تحطنهن بكومدي بكنتور ولكم انه مكينه زياني احطها بكومدي واقفلها حته ميوصلن الها انتن شبيجن ليش لاابالي لابلبس ولابترتيب ولابمكياج شنو الي ماحجيته مبقت غير احطجن اني احف الجن واعدلجن بزعتني ساعه السوده

طبيت حضرت جنطتي وطلعت لبغداد بطريق خابرت ناي جنت جدا عصبي ليش هيج يعني هواي طالب اني اهتمام طالب موفد معضله

الو

الو شبيك

مابيه عيني سلامتج

استاذ قيصر صوتك مو طبيعي

رحمه لاابوج عوفي استاذ واستاذه انتي كلتي احنه اصدقاء وماكو اصدقاءبينهم رسميه

ماشي بس موهذا الي مضوجك ليش عصبي

-اوووف ناي شويه تعبان اني جاي لبغداد ياريت اشوفج من اوصل

-ماشي انت هسه وصلتك بليل ارتاح وباجر نلتقي ياصديقي

-ههههههههه حلوه مال ياصديقي

-ههههه واخيرا ضحكت زين والله

قيصر: خلص لطريق واني وياها نحجي ع شغلات تطلع من جوه الكاع ياغنيه يااخبار ياالسياره يا الجيران يصدف شي يفتح موضوع ويجر حجي وصلت بيت احمد بين العشه وتخابرنه نمت الصبح ب8اني خابرتها كالت بعدني مطالعه من البيت كتلهه تعالي اشوفج عازمج ع ريوك

ههههههه وين يم فالح ابو العمبه هوه غير هسه ماكو مطعم بس باكله ودهن هسه مفتح

-ناي اريد اشوفج هسه ياريت تلبين طلبي

-امممم ماشي بس. ريوكك عليه اطلع واخابرك

ناي :فرحت من حسيت بصوته انه مهتم الي ويريد ايشوفني سويت متراديلا قطع اللحم وفوكاهن زيتون حطيتهن بحافضه وبين مابدل حطيت بغلايه البيض بيض سلك بدلت طلعت حطيتهن بحافضه وسويت شرائح خيار وطماطه عمتي شاف*ني كتلها اني وزملائي نتريك سوه طلعت ترمز كالت اخذي بي جاي ماعرف ليش هل مره كذبت بي لا هوه هم يعتبر صديق ناي متأكده انه بس صديق اخذتهن وطلعت اخذت **ون حار ابوالسمسم وجرك تازه شفت عنده كاهي وكيمر مكدرت اخذ كاهي بس اخذت كيمر وابو المعجنات حطه بماعون سفري اكثر من واحد حط لان كتله بسياره وكذا خطرت ع بالي اني مماخذه شي ينكعد عليه كلت اخذ بدربي شيرجعني للبيت والله طلعت الكراده صار بوجهي ابو مفروشات نزلت اخذت قطعه تصير دائريه كبيره مثل الجودليه احنه نسميها خابرته كتله راح اطلع ع ابو نؤاس

قيصر: متحمس لشوفته شي غريب اول مره اعيشه خابرتني بسرعه اخذت لسويج وطلعت كتلهه انتضريني بدخوليه حته ننزل سوه شفت سيارتهه واكفه كبال البحيره مال جادريه هيه ويايه ع خط كالت لتوكف هناك ننزل اكو حديقه حلوه مرتبه نزلنه بيهه كراج حطينه سياراتنه شفتهه فتحت باب الوره نزلت مثل السله مستطيله مبين منهه شي

هاي شنو

ناي :شيل ويايه وانت تعرف

قيصر: اخذتهه بيها يدات ثنين وهيه نزلت ترمز وكيس اسود وكيس **ون وجرك ومثل الماعون حطته فوك قبغ السله البيدي هسه شنو حتوكلينه **ون وشنو شو بس ل**ون امبين

ناي :هههههع هسه امشي خل نكعد وتعرف

قيصر: لكينه مكان ع حشيش بكلبي كلت البنطرون حيتوصخ ذبيت السله شفتهه فتحت كيس طلعت منه مفرش فرشته كالت يله اكعد لو راح تضل واكف ذبيت حذائي العفو وكعدت فتحت السله طلعت حافضات سفطتهن وكوابه ثنين وترمز وطلعت كيمر عيني ع حركاتهه وترتيب الحافضات صدك انفتحا نفسي ع اكل رغم هوه لاخروف مذبوح ولا غزال مشوي بس مرات اشياءبسيطه تحسسك انك مشتهي هل كعده هل مكان هل ترتيب ايقنت ان بالفعل العين تاكل والعين تنعجب بالاكل قبل الضوك بدينه ناكل وسوالف وضحك وحته نكت كامت تجي