الشيخ والعشق

3

اهلا اهلا استاذ قيصر تعبتك

لاولايهمج تعبج راحه

تفضل مسويلنه كهوه اليوم عمو عدنان

كعدت كدامها جانت لابسه فستان فوك كاحل القدم حذاءفلات طولها متوسط بس اذا وكفت اني يمهه اطول بهواي منهه

اضافرها طوال بس بطريقه مرتبه طولهن صابقتهن بس من الطول مالهن لون ابيض يعني نص الاضغر مصبوغ ماكو غلطه واحد يكدر ايعلق عليهه

احم شخبار السياره

-مثل مكلت لمكينه كايمه ماعرف محتركه

-ههههه اي لعد اكو واحد ايسوي سوايتج لامي ولادهن

-ههههههههه لذكرني عفيه شمدريني اني

-عجل ماخذتهه بس عن عن

-هههههههههه والله مالي ذنب امي خالو كالي هذا حطي ع حرف دي تمشين كبل ع حرف ار ترجعين وره وحرف ان تبوشيهه

-هههههههههههههه

-اووف لتضحك شييك غيررهمه هيج علموني

-زين وبالنسبه للكدامج بدشبول الحماوه مفوله وانتي مشغله تبريد

-اكوله شمعرفني كالو واحده مال بانزين واني بس اشوفه شويه نزل اركض افولها وكالولي مال حماوه بس مكلولي شنو يعني

-ههههههههههههههه

-ههههههه لتضحك خرب

ههههههه اسف والله بس منضر الصبح كدامي من اكولج عدج مي تكوليلي تشرب هههههه يمعوده للسيارع وصافنه بوجهي

-والله زين انت ويايه جان ماعرف شسوي

-جان احتركت لسياره وانتي متددرين

-هههههههههههههههههه اي والله طبعا اعتذر ليوم تعبتك ومارحنه ع شغلتنه

-لاولايهمج

-اني باجر ان شااءالله اروح وابلغك باليصير

-لااني اروح وياج وكتلج السبب

-اوك ماشي باجر ب8:30اطلع اني وابلغك من اوصل للدائره

-بس شلون حترحين مااتوقع منا لباجر تصير سيارتج

-لاوين تاخذايام لان ذبهه خالو يم فيتر وعود من ايكملها ايخابر اخذت**ي والله كريم

-لالاليش ت**ي هيه مال تكاسي يابنت الحلال بوضعنه التعبان هذا اني امرلج ونروح سوه

-ها لالا ماكو داعي ماريد اتعبك

-يابنت الحلال تره ولد اجاويد احنا لات

-لالا عفيه موقصدي والله بالع** اتشرف بحضرتك واستاذ احمد ايضا كل الشرف الي تعرفت ع امثالكم بس مردت اتعبك

-لايابويه متعبينه احسن من التكاسي ومانعرف منو ووين ع قليل تعرفوني تروحون تعاركون احمد هههه

-ههههههههه لالاحشاك اوك انتضرك باجر هنا نلتقي ونطلع

-اذا تحبين اجيج للبيت اذا مايسببلج احراج

-لامو اني اجي ويه خالي بسيارته للمكتب راح اتعبك والله بس لمشكله جان اخذت سياره خالو بس عنده جلسه باجر

-صلي ع نبي لاتعب ولاابد باجر اذا الله اطانه عمر ب8:30كدام لمكتب اني

-اوكي

طلعت من المكتب مرتاح ع هل كم كلمه الي حجيتهه وياها وجانت مرسومه ابتسامتهه الي تضهر رصعه بواحد من خدودها صعدت بسيارتي ده اطلع لسويج واذكرت صورتها بجيب الستره طلعتهه تندمت ليش اخذتها عيب هاي موسوالفي انزل ارجعهه الها فتحت باب السياره زين شكولها اخذتها وهسه اريد ارجعها سديت الباب شغلت السياره مشيت كم متر كلت اذبهه نزلت الجام وايدي مطاوعتني اشمرها ضليت حاير اخر شي حطيتهه بالمحفضه و رجعت لبيت احمد كاني اول مره ابدل واطلع من الليل حاير شلبس وشنو الحلو باوعت لحيتي هستوها ده تطلع كلت لااحمد اريد حلاق زينت والحلاق كال تنضيف بشره وماعرف شنو شيكولي اكوله سوي يمكن بيوم عرسي مطولت هلكد يم الحلاق عجبني زياني لحيتي خفيفه محدده شاربي عدله حلو صار رجعت سبحت ونمت الليل كله كل شويه اتفزفز اباوع ع ساعه اخاف فاتني لوقت ب6اني كاعد سبحت وبدلت وواكف ع مرايه ساعه اسد دكم الستره ساعه افتحهه ساعتي بدلتهه مرتين وارجع البسهه نفسهه حشاه القاري حذائي كل شويه ادنج امسحه كعدو محمد واحمد طلعت زوجه احمد سوت ريوك ب7:30طلعت من البيت ساعه8اله عشره اني اباب لمكتب بعدهم مجايين عيب شيكولون عليه فريت السياره افتريت شويه اكو اسواق نزلت اخذت مي وصار كدامي عطر اخذته لسياره بيهه ريحه جكاير رشيت السياره كلهه حركت وكفت بالاشاره يفترون اهل كلين** ومعطرات سياره هاي الكارتونه الي تتعلك اطلع عطر اشتريت علكت بسياره صارت 8:15دقيقه بطلعان الروح فريت السياره ورجعت بين موصلت صارت8:25دقيقه اتصلت بيهه كالت هسه طبيت لمكتب ثواني اخذ ال اوراق وانزل عيني ع باب لعماره نزلت تحجي بتلفون حاطتهه ع اذنهه لابسه بنطرون بي جيوب هواي جنهن جعب بدله عسكريه لونه ابيض وقميص وردي بس مو طويل نازل شويه عن خصرها شعرها مشمور ع صفحتهه اليمنه كله شامرته طركاعه بويه ميشوفوج من اطلعين

صباح الخير

-صباح النور

-اسفه اخرتك

-لايابه ع راحتج حركت حطت جنطتهه ع دواسه واواق شايلنهن بفايل مثل ال ليف** جنطتهه بيجي فاتح حديث عن الازدحات وشراح تسوي اليوم ع قضيه داربينه وصلنه حطيت سيارتي بالكراج وهيه نزلت ونزلت اني قفلت السياره هيه واكفه انتبهت شعرهه عبالك ذ*ل حصان بس صفح بس ابيش مشدود هذا عبالك مشدود ب*عر موقراصه وله لاستيك شعر داير مداريره مثل القراصه صاير عدل سترتي بنزلت عيني هيه تمشي ويايه حذاءه نفس لون الجنطه بس عالي هذي متوكع بيه هاي شلون كادره تمشي عبالك تمشي ع اصابيعهه كعب قدمهه وين مرتفع رحمه ليوم ممطلعه اضافيرها لحذاءمقبط

-ساعه تسعه وعشره كون ايسهلوها علينه

-يارب عسه وعل ايدزونه من غرفه لغرفه واني وياها بس استمع لحجيهه وياهم و اتبع حركتها هاي تاليتي خرب غيرتك صادق اخرشي كالت مالهه غيرحل لحضه انتضرني راحت لواحد لابس عسكري ماعرف شحاجته وحطت ايدها بجنطتهه بحذر ماعرف شنو حطت جانت ساده ايدها طلعت ورقه كتبت بيهه والي بيدها حطته باالورقه واطتهياه للشرطي ورجعت

اووووف خلصنه ان شاءالله

-شلون يعني مفهمت

-احنه مستعجلين ع البريد وميمشس لبريد اذا مااطيت لشرطي مال ريوك حته يطلعه يدزه كتبتله الاسم واطيته كال اليوم يوصل ع بريد المسائي لان الصباحي طلع ب9وهسه صارت10:30ركضونه وبس

-هههه يعني رشوه

-ههههه اسكت يمعود هاي مورش*ه هاي رشا اذا ماكو رشا ميمشي شي

-هههههه هسه وين عيني

-هسه نرجع ننتضر البريد راح اتصير طلعتنه بالازدحامات صارت ب11بين منوصل للمحكمه. بلكن نلكاه واصل

'يله بويه امشينه

طلعنه دك تلغونهه سمعته تكوله لاخالو ماعندي شي اليوم ده اشتغل ع قضيه مال الورثه

هااا شوكت تجي اي وشسويلها

بعدمجرت حسره كلتله ان شاءالله خالو يصير خير

حسيت اكو شي زعجها بس تيهته بالحجي عن القضيه نحصرنه بالازدحام صار كلام متبادل بينه ع الاوضاع الازدحامات من خلال الحجي فهمت انها لامرتبطه ولاعدها احد كحبك اوماشابهه قبلهه تلفونها الي بعدين فهمت هذا التلفون الخاص مالهه والثاني للي ايوكلوها بدعاوي مشفتهه التهت بتلفون وحته اذا احد اتصل بيهه كلامهه ويه لمتصل رسمي اواسمعه تكول خالو اوعمه وصلنه لمحكمه ساعه 12:30كعدت اني وهيه نص ساعه طلعت كالت تمام وصل الجلسه قربتهه بعد 3ايام ان شاءالله

-جيد خلص الدوام شو قله باقين

-لابعد مخلص لل2اليوم

-تحبين اوصلج للمكتب لو عندج دعوه

-لالاكل جلسات هل اسبوع ماعندي بس القضيه مال اخو حضرتك

-تمام اوصلج لمكان

-تسلم راح اخذ ت**ي للبيت

-يابنت الحلال هل كلام تنقصين بيه من الي كدامج

-لالاوالله بس كافي تعبتك هواي اليوم

'شتعبتيني ياعيني شو ع قضيه اخويه يعني احنا تعبناج بس قبلها صار وقت غده عيب من الصبح حته مي مقبلتي اشتري

-ههههه تسلم

- يابه تره معزبين احنه ولدشيوخ

- ونعم منك ان شااءالله هل عزيمه تكون بعد ربح لقضيه

-يابنت الحلال حته ان ماربحت ع راسي والله هسه باي مطعم تدللين

-هههه شكرا والله اليوم شفت الاهل اتصلو خيرها بغيرها ان شاءالله

-ان شاءالله

وصلتهه للبيت بيت ركن حلو بناءه متوسط لكبر الي عجبني ماعدها شي مغطه نزلت من سيارتي خالهه جان ديقفل سيارته شافني وتشكرني كاانو عنده علم هيه بسيارتي راحت ورجعت لان كلامه كان اشكرك جنت شايل هم شلون حتروح تكاسي

رجعت لبيت احمد تغديت ونمت كعدت خابرت ع شيخه وطمنت ع اخبار البيت وطلعته اني واحمد ومحمد باجر خميس وبعدها جمعه وسبت الاحد جلسه رجعت للبيت نايم بالغرفه حاطين بيهه ميز وكرسي محمد يدرس بيهه واحمد من عنده تصحيح يصلح هنا ومحمد كنتوره وجربايه نفربيهه اني بقيتي كم يوم هدومي اذبهن عد مكوه اذا توصخن وتصدف اكلي ابيت احمد محمد كذلك بس هوه يغسل هدومه الحق يقال مرت احمد متقبل ومرات تغافله تغسل هدومه جبت هدومي ستر ثنين وقمصان وبنطرونات بدربي واطيته الي لابسهن اليوم لان عركت بيهن رجعنه اني حولت محفضتي بتراك لابسه فرشت ده انام واذكرت الصوره رفعت راسي محمد نايم كمت كعدت ع كرسي اكو ضوه ع ميز شغلته هيه بالمحفضه حاطهه بضهر الج*سيه ورخصه لقياده طلعتهه

شبيك قيصر اشعرفت عنهه وهيج ترتاح من تشوفهه يمكن لان مابيهه غلطه كلهه مرتبه لا مواول مره اشوف وحده الشعر مرتب وانيقه ومتزينه ياما شفت بالكليه

عجل شبيك معقوله نعجبت بشخصيتهه قويه وجريئه شاطره

يمكن

لا لتغالط نفسك انت موطبيعي من تشوفها وتتحجج الف حجه حته تضل اطول وقت وياك

لالا تهيأت هذي اعوذبالله منك يابليس طفيت الضوه ورجعت لصوره ورجعت لمكاني انام بعد الف سالغه وسؤال وجواب اجه ابالي نص الليل يله نمت كعدت الصبح ع صوت الولد عيب ابقه بعد اخوي طالع شعندي انه شغلت سيارتي رحت زرت الكاضم اتسوكت لبناتي هدوم وقراصات والعفو احذيه اخذت لنسواني هم ملابس وشيلات ولشيخه وامي قطع قماش وشيلات لخوتي سبح ولبوي سبحه وعجبتني عوجيه بيهه راس تنين فاتح حلكه واخذت حلويات وقطعخ قماش لزوجه احمد عيب تشوف جايب للاهل وماجيي الها وخذيت ترا**ودات 3عجبني واحد الي وواحد لااحمد وواحد لمحمد رجعت لبيت احمد كضه النهار بين الولد وشقه صبحنه الجمعه صلينه الجمعه ومحمد كال راح نطلع تطلع ويانه اني ولشباب طلعت وياهم رحنه لمسبح وتعشينه بالمطعم ورجعنه لفيت راسي ونمت

السبت احمد كال خل اروح للكاضم بلمتنه انه الخميس بالكاضم كتله امشي زياره من العمر ماتنمل اخذتهم ومرت احمد ويانه انتبهت ع لبنيه رغم محجه كدامنه بس مرتبه لبسهه نضيف وبنتهه تلبسهه فساتين حلوه هستوها تخطي الطفله بس لبسهه حلو وشعرها معدل من طلعنه شفتهه بدلت وشالت عباه يمكن هاي الشغلات غلط انتبه عليهه بس موبيدي يصير كدامي لموقف اكول ليش ماوحده طلعت وياي بزياره بصخام مرتبه بالبيت نكول شغل وبزره متلحك بس هذي طلعه رايحين لوادم لوطالعين نزور انسير عزمتهم ع غده بالكاضم وحنان زوجه احمد تتوسل بااحمد ع الزوراء

بويه اخذ بنتك ومرتك وروح تونس شبيك

احمد: لايمعود

محمد: دروح شبيك اتونسو

احمد: اذا ترحون ويانه اروح حته ع واهسكم اني هم نلعب طوبه صار هواي مغالبكم

قيصر: هههههه خايب هيه مال طوبه نركض كدام لوادم

احمد: يمعود تعال شوف العالم

قنعوني رحنه واشتره محمد طوبه و***بنه بهل خضار والله نسيت نفسي والمشاكل كضيتهه وياهم ضحك عمري30العالم تكول بدايه العمر هذا وحلاه واني احس نهايه عمري ممرتاح بشي لاببيت ولابشغل ولابمسؤليه كلها براسي اذا غلط واحد من خواتي براسي واذا صارشي براسي طلعنه ساعه8من الزوراءفريتهه ع حارثيه اخذت لغات كص للكل خطيه مرت احمد مكيفه دياحه من الصبح لليل ولاغده ولاعشه حارت بيه هههههه رجعت للبيت ده ادك ع شيخه قريت مكالمه ناي فز كلبي شلون مسمعته الساعه جانت ب9:55اتصلت بيها

السلام عليكم ست ناي اعتذر مسامع التلفون

-عليكم السلام ولايهمك عيوني باجر الجلسه ب9اذا تحب تتواجد

-اكيد اكيد اجي عليج للمكتب ونطلع سوه

-ماشي انتضرك ب8حته نكون بالموعد لان الصبح ازدحامات

سديتهه منهه ركضت ع كنتور محمد معلكه ملابسي بيه حضرت ملابس ورجعت اشوف وجهي لاتمام معدل نمت تعبان من الفره ومتحمس باجر اصبح بوجهه

من الصبح حضرت نفسي غسلت سيارتي وعطرت السياره اخاف بيهه ريحه جكاير مرات اكو انسان كثر متشوفه مرتب ايجبرك تعدل وتنتبهه ع اصغر تفصيل بيك رحت دكيت عليهه كالت جاهزه هسه انزل طلعت من باب العماره لابسه ماعرف لاهيه تنوره ولاهيه ص*ريه بس هيه ع شكل تنوره قصيره وبيهه مثل التعاليك اثنين وقميص ابيض شعرها مثل اول مره شفتهه مشدود ذ*ل حصان عالي جنطه سوده وحذاءاسود هم مطلعه اضافيرهه مصبغتهن اسود هل مره حزينه ع حظي لمصخم

بعد السلام ولكلام اخذتهه للمحكمه واني انعل ابوه لليطلعه بهل شكل ادردم بكلبي بويه ملاكيه احد ي**ر راسج ايلبسج حجاب شي طويل بويه فلك طرج هل حذاءالعالي ماي**ر ضهرج خايبه شلون تمشين بيه هيه كاعنه نمشي حفاي ونتعثر انتي لابسه عامود رفيع شلون كادره تمشين طبت للمحكمه واني زاعجني لبسهه كاني شي ايخصني وهيج لابس رجعت طلعت كالت اكعد انت اني اكمل صعدت درج وره شويه نزلت وانوب راحت لصفحه ثانيه واخر شي جتي يمي شايله جنطه تحط بيهه اوراق فتحتهه طلعت الروب الي لازم تلبسه بس مسفط بطريقه مثل الشي الجديد الي نشتريه تسفيطه لبسته وكالت حتبدي الجلسه شفت الساعه ب11خوش مواعيد للقاضي دخلت وياها جان محاميهم موجود القضيه اليوم بس ع تو**يع الي اثبتت انهه تو**يعهم وان الطعن الي مسويه سقط طلعت وهيه وياي كالت جيد هاي اول خطوه طلع لمحامي صاح ابو داود التفتت عليه

بعد السلام كال ياريت انحلهه ودي

باي طريقه اتحلها ودي استاذ مازن احنا جيناكم كم مره وبالاخير طعنتو بالمبايعه الي عنند اخوي سلمونه الكاع اوفلوسنه وتدلل انه لازم ابوي باالف ياعلي ماريد تصير شغله جبيره واحنه اهل ديره وحده

-الكاع تعرف انت بيد اخوه ابو عماد واحنا

-استاذ لااحنا ولاانتو اتفق ويه موكليك يافلوسنه يالكاع ولايختبرون صبرنه اكثر

بعد ما اخذ الرد سلم وطلع هيه واكفه يمي

-العفو بس كاانو سمعته كال ابو داود

-اي ع اسم لوالد يعني بعتبار ابنه الجبير اني فلازم اشيل اسمه

-اهاا اني عبالي عندك ول..

-لالا بس ع اسم لوالد

-صراحه تفاجئت كلت ممبين عليك مزوج ههه

-ههههههههه واكفه ع ل**ني كلمه مزوج ثنين لكن مطلعت طلعت بمكانهه يمعوده عمري 30 اجامليني عود انتي

-ههه لالاجد ممبين عليك حته عمرك ماشاءالله دكيت لخشب حته لتكول حسدتيني ههههه

عيني هسه نطلع لمحكمه البياع نقدم رفض الطعن حته ناخذ موعد جلسه

اخذتها وطلعنه صار اكثر من مره نكون مع بعض فصارت بينه احاديث ع وضع البلد او عله حكومه عدهه اسلوب محاوره تناقش ونقاشها مقنع تحسسك اني مواقل منك الي رئي الي كياني الشي الي محيرني ليش مكتلها متزوج شنو الي اريده اني والي اريد اوصله شنو نزلنه للمحكمه تركض منا ومنا كملت طلعنه اكو صبات وبعدها كراج فشارع موعدل انلوت رجلهه اني امشي وياها مشفت غير حده جلبت بيه اباوع لطركاعه الي لابسته م**ور الكعب ماعرف اعيط اضحك وهيه خربانه ضحك ع نفسه لزمت ايدهه الشارع مابي بشر ساعه 1الضهر هيه تكزل بمشيتهه واحد عالي واحد ناصي صعدتهه بسياره

بربج هيج علو يلبس بهل شوارع خايبه نمشي حفاي ونتعثر

-ههههههههههههههههه اسكت عفيه موقف حقيررجدا ويفشل

-هههه لاباله موصاحيه هسه تبجين تضحكين انتي

-هههههه مادري بس مقهوره من الفشله بنص الشارع واضحك ع روحي جان وكعت زين جلبت بيك

-ههههههههه لاحول الله هسه وين نلكه حذاء ست ناي

- هههه رجعني عفيه للبيت

-ماشي طلعت استداريت عبرت جسر مال البياع وشفتهه ملضومه هاي شيوصلنه للكراده فريتها ورجعت منين مافوت مسدوده اخر شي كتلهه انطب ع منصور بلكن نلكالج حذاءبين مينفتح الدرب

فريتهه ع ابونؤاس وع المنصور انحبسنه بالازدحام اخر شي شفت محل احذيه وحقائب بس بعد عنه محليين وهوه الثالث والسيارات نايمه بلازدحام كتلهه حنزل اجيبلج من ذاك بسرعه بين ميمشي لسير شكد قياسج

-اوف لاعفيه شلون

-خايبه خل نحل هل ازمه هسه راح تحضرين بيه عرس اليزابيث

-ههههههههههههه اوك شسوي

-شكدقياس

هذا قياس شنو رجلج 37

-اي

-ماشي نزلت من السياره وادردم رجل ل**به جنتي شادتهه تخافين تكبر ركضت ع المحل كتله حذاءاسود موديل حلو طلع

-عالي لوفلات

-فلات يرحم ابوك

طعلي كم واحد معجبني باوعت ع سير بعده واكف اباوع نضره سريعه ع الاحذيه صار كدامي حذاء كعب بس كعب محترم قليل ارتفاعه وعريض مو واكف جنه بوري وشرفعه ومقبط بي سيوره مثل الا** اخذته بطلعتي اشتغلت هورنات ركضت ع سياره اطيتهه لحذاء وحركت

-حلو عاش ذوقك بس لوشويه اعله

-خايبه جان ن**رت رجلج هسه متوبين

-هههههه لا شكرا بس مكتلي شكد

-باوعتلهه ليش اتحسسين لكبالج كانو لاشئ عيب تره تسئليني ابيش اوحته تفكرين ادفعين وانتي ويه رجال

-بس ميصير هذا موحجي تره ماالبسه

-اووووف ماشي اني جعت وهذا لزدحام ميفض راح احاول اخذ هل سايد حته نطبك نتغده وعليج الغده

-ههههه ماشي لان صدك لزدحام ميفض اليوم

-فتحت حدائها نزعته وده تلبس الجديد قدمهه صغيره كلش وكعب قدمهه اريد المح بي فطرماكو دهر ف*ج جا شبيهه لوادم فطورها تخرمش بالغطه اشتعلت ياابليس

-نزلنه بمطعم طلبنه كباب ومقبلات كتلهه اغسل ايدي وارجع رحت حاسبت ابو لمطعم قبل مينزل الطلب ورجعت كعدت تبادلنه الحديث وضحكنه ع موقف اليوم اتصلت بوحده كالتلهه عمتوو اني انحصرت بالازدحام لا ويايه اخو استاذ احمد زوج حنان بنت عمو مثنى

لاحياتي لاتنتضروني راح اتغده بره اي اي شنسوي نتغده بين ميفض الازدحام

-تصرفه عجبني كاانو تكول اني ممسويه شي غلط فمااخاف من شي بس عجيبه ليش عمتهه مو امهه ايجوز امها ميته

اباوع عليهه تاكل شوي شوي انه طبيت بالماعون يمنه وطلعت يسره وهيه شيش كالت الحمدلله يمعوده شااكلتي

-مواكلت مقبلات اني ضعيفه كدامهن

-اي ووينهن الي اكلتيهن

-هههه لاوالله حمص بطحينه وجاجيك وبيذنجانيه شأكل بعد

-وذني شبعنج يعني

-هههه اي الحمدلله

-بويه مطلع وياي بلبل

لمشكله صوتهه هادى ضحكتهه هادئه بويه شنو مو متناغم بيج ياطركاعه الله شجابج بدربي بيه حيل اشيل ذنوب واحط عيني ع عرض غيري شهل ورطه

كملنه وكتلهه يله نتوكل

-اوك بس لحساب

-لحساب يوم لحساب

-يعني

-يعني ع كولتلج اطلبج غده غير مره

-لاعفيه شنو مواتفقنه

-عيب وياج معزب موابن ماما

-لاعفيه شنوهاي لااااا والله ضجت

اشتعلو اجداج جا غير بجرت ال لااا روحي ساحت

-هههههه اطلبج غده لو مومعزبه تخافين

-وليش مو اني ادفع واطلبك ع جايات

-هههههههههههه موحته اضمن احضه بغده ثاني

-اممممم يله نكوم امري ل الله

طلعنه اكو زدحامات بس اهون وصلتهه تشكرت مني واتفقنه باجر هم انخلص شغله تثبيت ال*قد بما انو التو**يع مضبوطه

فريت لسياره واريد اروح لبيت احمد متاح ماعرف شنو سر هل راحه شغلت المسجل اني من عشاق كريم منصور اول مشتغل طلعت اغنيه تكول

شعرج غابه وشعرج ماي

وجهج جنه وصوتج ناي

بيني وبينج فرق هواي

عمري معدي وعمرج جاي

بيني وبينج فرق جبير

رايد شوكج مهمه يصير

بيني وبينج سبع بحور

يل جفينج من بلور

ضليت اردد بيهه وعدتهه مره ثانيه بثالثه وصلت فرق هواي وطفيته نزلت لبيت احمد ادندن بين نفسي شعرج غابه شعرج ماي وجهج جنه وصوتج ناي اوووووووف ياناي يابخت الي حطج كدامي ويافرصه الي ترجع سنين مضت وتخليني اشوفج من ذيج لسنين

سبحت اتصلت بالاهل عده لوقت ويه لولد نمت وثاني يوم جهزت نفسي ورحت عليهه من طلعت من بيت احمد طلعت الدسك وشغلت راديو قرأن الصبح كملنه شغلنه بالمحكمه الي اني بيه تكمله عدد هيه تروح وتجي وده تكولي مااحتاجك بس اني اتحجج باان الولد مكلفني واريد اتابع وووو الف حجه طلعنه شغلت الدسك نست لبارحه وين وكف واشتغلت الاغنيه

-اووف كريم منصور حلوه هاي الاغنيه اييي وبيهه اسمي هم حلو طلع هم بي خير اسمي ههههه

-كل لخير بااسمج شطلعج انتي البخت ده اطفي كالت لاعفيه عوفه كريم ماينمل منه

-هههه عبالي بس اني اعجج تراب

-هههه لا كريم بعده ميعجج تراب ومنو الي ميحبه

-شتحبين من اغانيه

-احب طير الذهب واحب تسئليني ع حالي

-امممم عاش الذوق

-ههههه تسلم

تحددت الجلسه بعد 10ايام سلمت عليهه اخر يوم احس اتبادلني نفس لشعور بس هوه شنو شعوري اعجاب يمكن بس معقوله بالاعجاب راحه من تشوفه لو تنسه كلشي واتابع اصغر كلمه واقل حركه رجعت لبيت احمد الم غراضي بس مخنوك ليش هيج يصير وياي

قيصر اصحه نسوان ثنين و4بنات قيصر شمشاك بهل درب عيب متربيت عله هل شي متربيت تباوع ع بنات الناس خايب عندك بنات شمالك

لا اصلا ماكوشي اتجاها بس عجبتني لان مرتبه ومعدله

اي خلص اخذ مكياج لرقيه وامل وهنه يصيرن احله منهه

تكذب ع نفسك خايب هيه عيونها بعشر نسوان

لالاغلطان خلص اروح اشترريلهن

اكو محل كاتب كوزمتك الاميره قريب ع بيت احمد طبيت بنيه واكفه

السلام عليكم

وعليكم السلام

اختي اريد مكياج

اي تدلل بس شنو الي تريده

-هوه مكياج هذا الي يحطوه بالوجهه

-ههه اخي شنو يعني باودر ضلال

-ضلت تعدلي ماعرف شنو خيتي رحمه لهلج انه ماعرف شوفيلي ذني كلهن وسويهن انتي علاكتين

-هههههههه اخي راح اشوفك علب تنفتح وبيهه كل ذني

-ماشي رحم الله والديج طلعت علبه مثل الصندوك فتحتهه طلعت طوابق وكل طابق بي الوان شكل وف*ج واقلام بيهه الوان

ماشي اطيني اثنين اخذت ثنين لوحده ب45الف ثنين ب90فدوه اهم شي اخذلهن خطيه يفرحن وهم الي هنه

اخذتهن وطلعت لديره تلكوني اطيت اخوتي لسبح وابوي العصه والسبحه وامي ولشيخه لقماش والشيلات وغراض نسواني والبنات وحد صعدت فوك بغرفه رقيه وصحتلهن امل كالبه لخلقه ليش يعني موبغرفته ليش بغرفه رقيه اني ماريد اسوي مشكله وهسوتني جاي واريدهن ايعدلن حته لااضل حاط عيني ع احد اخذتهن لاارض محايده لغرفه محمد طلعت هدوم لبنات واحذيتهن وهنه طلعتلهن غراضن ثنينهن نفس لغراض بس اختلا

اختلاف الالوان لان ماعندي توم حته البسهم نفس الشي هنه وحده عينهه ع غراض الثانيه حته كلمه شكر مطلعت منهن طلع منهن هاي تكول ليش هيج لون جايبه ل رقيه ومجاببلي وهاي تكول لصندوك مال امل اكبر من صندوكي

خايبات هنه علب مكياج ثنينهن نفس الشكل ونغس لكبر طولت خلك وياهن اخر شي عفتهن ونزلت يم ابوي مالي حيلهن واريد ارتاح ماريد اهج للغير

الي ساعه طاب البيت وكبت لعيطه شكو هاي تكوله من ذيج ال10ايام الي زعل بيهن جان يومي واليوم لازمه اعوض ذاك اليوم

وهاي تكولهه لاعيني راح يومج واني حاسبه واليوم يومي صبرت روحي واخذتهن ع كد عقولهن

جبت ورقه وكصكصتهه كتبت اسمائهن وصحت وحده من البنات سحبت ورقه طلع رقيه صاحت امل اي عيني بتهه اكيد تسحب ورقه امها وتالي شلون ياصبر عندي درهم ظامه معتز بيه جان لعبتنه اني واخوتي يابه طره لو كتبه كل وحده اختارت وجهه شمرته طلع لاامل هم ده يحجن كتلهن كافي اليوم لوحده وباجر لوحده تعبان واريد ارتاح تره راح انفجر جريت خلك وياجن نزلت مريت ع بستان بس ناي ابالي واني احاول ابعدها عن بالي باي طريقه رجعت للبيت صعدت لاامل لطفله بعدهه ممنيمتهه انسطر راسي يله نامت هيه حته معارفه تحط كحل امل بويه المن جبت لعلبه هاي حطي منهه حته اشوفهه ع وجهج لحلو كامت ده تحط اني عيوني كامت تقفل من الصبح كاعد وجاي درب ومنايم نمت حسيت ع صلاه لفجر كمت صليت

حاولت اكعد امل ماكو انسه كمت سبحت وبدلت بين مكعدو اتريكنه وطلعت شوف شغلي احنه مسوين مثل العلوه نبيع ونشتري رحت لشغلي رجعت بين بناتي وبين اهلي صار الليل اليوم يم رقيه دخلت لغرفتي طلعن لبنات رقيه يمكن بالدشداشه الي الصبح جانت تفتر بيهه بالبيت

رقاوي فتحي شعرج غيري هل شده شادتهه من زمن جدي مجلبه بيهه حطي من هذا الجبته سوت مثل ماردت بس اكو شي كلشي انت تطلبه حته اذا صار مالك نفس بي بعد احله شي يصير الي تريدهه بشكل عفوي موانت كايل سوو كذا لاهمه مسويه الك طبيت سبحت ردت انام ماكدرت ادخن جكاره وره جكاره ليش هيج صار سنين اعلم ليش مايوم شفت شي من ذاتهن مسوياته راح فكري لناي اوف ياناي ناقص ضيم وتحسر حته تنحطين بدربي انتي