Sa isang maliit na parke sa Paranaque dinala ng mga paa si Brandon. Malamlam ang ilaw at may tatlong pares ng tao ang naroon maliban sa kanya. Hawak ang susi ng kotse na pinaglalaruan ng mga kamay ay sinikap niyang huwag umiyak. May mga bagay na hindi nga siguro para sa kanya kahit ipilit niya.
Isang midnight blue Maserati ang huminto sa tapat niya na kulay pa lang ay alam niya na kung sino. At gusto niyang magmura sa babaeng ito dahil ipinapain nito ang sarili sa mga masasamang loob.
"Go home, Zanya. Sisisihin pa 'ko ng mga magulang mo kapag na-kidnap ka dahil sa sasakyan mong dala," mahina niyang wika. Nasa harap niya ang isang pares na mapuputing binti na naka-sneakers ang mga paa. Hindi siya nagtaas ng tingin at nakatukod ang dalawa niyang siko sa hita.
"Nabanggit ni Ric
