"Sa tingin ko, in love na ako," seryosong sabi ni Archer nang puntahan niya si Andersen sa malaking bahay nito.
Humagalpak ng tawa si Andersen. "Ano? Seryoso ba iyan? Parang hindi naman!"
"G ago, oo nga! Kaso ang hirap. Iyong babaeng nagpapatibok ng puso ko, may trauma sa lalaki! Hindi ko alam kung paano ko makukuha ang loob niya!" wika ni Archer sabay kamot sa kaniyang ulo.
"Mahirap iyan. Palagi iyang mag- iisip ng kung ano- ano kapag naging kayo na. Makakayanan mo ba ang bunganga ng isang babae? Lalo na ang pagiging negative thinker nito? Baka mainis ka lang at hiwalayan mo lang din siya. Ang mabuti pa, pag- isipan mong maigi kung magagawa mo bang habaan ang pasensya mo para sa babaeng nagugustuhan mo ngayon. Kasi sabi mo nga, trauma siya sa lalaki. Kaya talagang hirap siyang magtiwal
