"Iyan na ang ebidensyang kailangan mo. Siguro naman, tapos na ang trabaho ko. Tama ka nga, isang mafia boss si Brandy. X-Skull Syndicate ang grupo niya. Ang dalawa niyang kasama ay ang kaibigan niyang si Archer at Andersen. Marami silang tauhan. At base sa kuwento diyan ni Brandy, mukhang ang daddy mo nga ang tinutukoy niya..." mabilis na pahayag ni Zora.
Pinakinggan ni Jamilla ang ni- record ni Zora na usapan nila ni Brandy. Agad na rumagasa ang luha ni Jamilla nang mapakinggan iyon. Kumpirmado nga na si Brandy ang pumatay sa kaniyang ama. Ngunit hindi naman iyon gagawin ng binata kung hindi ang ama ni Jamilla ang nagsimula ng gulo.
"Hindi ako naniniwala sa sinabi ng hayop na lalaking ito! Mabait ang daddy ko! Hindi magagawa ng daddy ko ang pumatay!" sigaw ni Jamilla.
Biglang natawa si
