"Ely mag-usap naman tayo. Naipaliwanag ko na ang side ko. Kaya bakit parang hanggang ngayon ay umiiwas ka pa din sa akin?"
Tanong ni Major sa akin. Hindi ko alam kung anong sasabihin ko sa kan'ya. Lalo pa ngayon na alam kong may mali din ako sa nangyari noon. Dapat kasi pala ay hindi ko itinuon sa paghihiganti ang aking isipan. Nagui-guilty ako sa aking mga nagawa. Dahil sa maling mga desisyon ko noon ay naging mas komplikado ang buhay namin mag-ina.
"Please lang Major, hindi ito ang tamang lugar para kausapin mo ako. Nasa school tayo. At hindi maganda na nakikita tayo ng iba na nag-uusap."
"Kailangan ko na gawin ito. Dahil kung hindi ko ito gagawin ay palagi mo na lang akong iiwasan."
Nagpatuloy pa din ako sa paglalakad at nakasunod lang ito sa akin. Kanina ko pa sinasabi sa kan'ya n
