البارت الأول

1324 Words

في قصر الصياد صباحا حول مائدة الفطار سراج: بابا هي هدى عاملة أيه دلوقتي؟ توفيق نظر له: حالتها مش هتتحسن إلا لما نجيب لها بنتها. نسرين (زوجة سالم) بخبث: ما قولنالها زمان بلاها الجوازة دي لكن هي أيه دماغها و ألف جزمة لازم تتجوزه، أهو محمود مات و سابها بعيد عن بنتها ٢٣ سنة. سالم و هو يدرك نظرات والده: خلاص يا نسرين احنا اللي هنقولوه هنعيدوه. سراج مدافعا عن ش*يقته: تقولي ايه بقا في الحب يا مرات أخويا، ما أحنا زمان قولنا لسالم بلاها الجوازة دي و هو اللي أصر. نسرين بغل: قصدك ايه يا سراج ما تشوف أخوك يا سالم. كاميليا تهدأ سراج: مقصدهوش حاجة يا نسرين اللي يقصده أن هدى كانت بتحب محمود الله يرحمه و محمود كان طيب مش زي أهله. توفيق بهدوء خلصتوا كلام؟ مش عايز تتكلم أنت كمان يا سي سليم و أنت يا سويلم مش هتعترض؟ سويلم: يا بابا ما أنا ساكت أهو و بفكر ممكن نلاقي بنت هدى فين؟ توفيق بصرامة و هو يوجه نظره لنسرين: الماضي أنتهى بكل ما فيه اللي بيربطنا بيه دلوقتي حفيدتي بت هدى ثم قال بصوت عالي نسبياً و لو الزمن رجع تاني أنا هقف مع بنتي ضد العالم كله و لو كررت غلطتها ألف مرة، و بنت الصياد تغلط و تعمل ما بدالها محدش له عندها حاجة أنتوا فاهمين، قال الأخيره بصوت عالي و هو يخبط على المائدة. صفية (زوجةسويلم ): أهدى يا بابا بالله عليك صحتك أهم عندنا توفيق بعصبية: و صحة بنتي و بنتها أهم بالنسبة ليا. سليم: اللي تؤمر بيه يا بابا هنعمله بس أنت أهدى و ريح نفسك. توفيق بعصبية نسبية: مش ههدى و لا هيهدالي بال إلا لما بت هدى تيجي و تعيش بين أهلها. سويلم موجهاً كلامه لإبنه قصي: قصي معاك ٢٤ ساعة تعرف من خلالهم بيت سميحة الشمرلي قصي بهدوء: حاضر يا بابا توفيق: مش هستنى ٢٤ ساعة ثم وجه كلامه لأحفاده معاكوا ساعتين زمن أعرف من خلالهم مكان الست دي، و هم ليغادر الصالة ألا أنه توقف و أردف: هدى لما ولدت ولدت في مستشفى *** و غادر و ترك لهم الساحة تكفي صدمتهم، قام ( قصي_ جاسم_سليم_وليد) يهرولوا للخارج بحثاً عن مكان تلك المرأة و خلفهم همهمات و تساؤلات من تلك الفتاة؟ و يا سعدها فهي سترث من عائلة الأنصاري و لم لا فهي تعتبر الوريثة الوحيدة لممتلكات محمود بجانب ميراث هدى من عائلة الصياد ______________________________ في إحدى المناطق الشعبية تقوم رؤى من نومها سريعاً لتلحق بعملها تتوضأ و تصلي فرضها و تجري و لكنها تصتدم بوالدها الذي قال بنبرة تجردت من معالم الابوة: على فين العزم عالصبح يا حلوة رؤى و هي تستغفر ربها في سرها: رايحة الشغل عشماوي: أنتي مش لسه رايحة أمبارح؟ هو كل يوم؟ رؤى بتأفف و هي تقول في سرها: اللهم طولك يا روح، ثم أردفت ساخرة: ما هم عملوا نظام جديد الشغل هيبقى كل يوم ما عدا الجمعة ض*بها بالقلم قائلاً: أنتي هتأفأفيلي عالصبح يا روح أمك، ثم أمسكها بقوة من حجابها، فين الفلوس اللي معاكي، أنا محتاج فلوس رؤى ببكاء أعتادت عليه: ما أنت اخدت الفلوس اللي كانت معايا و أنا لسه مبقبضتش عشماوي: خودي سلفة، أتصرفي، أنا عايز فلوس ثم ركلها بقدمه و أكمل جاتك الق*ف أنتي و اللي خلفتك ثم تركها و ذهب، أما هي كانت تجلس على الأرض و تبكي بحرقه تتذكر كلمات أمها الراحلة منذ بضعة أيام سميحة: أهربي يا رؤى، أهربي يا بنتي، عيشي حياتك بعيد عن هنا يا رؤى ثم فارقت الحياة بعدها رؤى لنفسها : قومي يا رؤى قومي و قاومي وجعك، أهربي يا رؤى مستنية أيه؟ ظلت بعض الوقت تحث نفسها على النهوض حتى قامت و فرت هاربة لعملها. في مستشفى حكومي قديم قصي لموظف الأستقبال: من ٢٣ سنة كان فيه حالة ولادة الست سميحة ممكن أعرف معلومات عنها موظف الأستقبال: من ٢٣ سنة؟ أنت بتهزر يا أستاذ أنا ناقصك قصي بعصبية و أمسكه من تل ابيب قميصه: و أنا ههزر معاك أنت ليه يا روح أمك؟ أنت هتصاحبني؟ هنا شعر موظف الأستقبال بالخوف و جدية الأمر فقال: بس يا فندم موضوع زي دا صعب يحصل و لو حصل هياخدله وقت و حضرتك فاهم يعني كدا يعني دا غير أن دي أسرار رمى قصي حزمة من المال أمامه قائلا بفحيح : قدامك نص ساعة تكون جبتلي عنوان الست دي موظف الأستقبال بخوف: نص ساعة؟ دا مش هياخدله أقل من يوم قصي: نص ساعة و هرجعلك لو ملقتش المعلومات حاضرة ثم أشار اتجاه رجلين ضخام البنية ثم أكمل متلومش إلا نفسك و لو حاولت تهرب فهم هيراقبوك و ممكن يساعدوك تجيب المعلومات بس لو كنت شاطر و دورت أبتلع الموظف ريقه بأزدراء:اللي تؤمر بيه يا فندم تركه قصي و خرج يحدث جاسم في الهاتف قصي: ايوا يا جاسم أنا روحت المستشفى جاسم: يعني هي عمتك كانت هتتعب لو قالت مكانها قصي بعصبية: جاسم مش نقصاك ما أنت متزفت عارف أن عمتك دخلت في غيبوبة و هي بتقول إسم المكان يعني مش هنلومها دلوقتي جاسم بتفهم: خلاص يا قصي أنا هسكت و اقولك أنا هقفل و اريحك غلق قصي الهاتف متحدثاً بعصبية: و أنتي فين أنتي كمان يا ست رؤى و لا تقى مش فاكرلك إسم. في غرفة مظلمة في قصر الصياد تجلس و هي تتذكر زوجها قبل الزواج فلاش باك وليد: مروج أنا بحبك أووي و مش هقدر أعيش من غيرك مروج بدموع عاشقة: أنا عمري ما هقبل أنك تتجوز واحدة عاجزة يا وليد أقترب منها وليد يمسح دموعها بهيام: دموعك مش عايزها تنزل طول ما أنا حي و دلوقتي مش عايز أسمع منك كلام فارغ هي كلمة واحدة اللي عايز أسمعها منك و بسيطة أووي متكونة و عد على أصابعه ثم أكمل متكونة من ست حروف قولي كلمة موافقة و بس مروج: موافقة يا حبيبي حملها وليد من على الكرسي بحب و ظل يدور بها الغرفة كلها صارخاً: بحبااااااك فاقت من شرودها و هي تمسح دموعها و في تلك اللحظة يدخل وليد أقترب منها وليد و مسح دموعها و هو يقول: تؤتؤ مش أنا قولت مش عايزك تدمعي و أنا حي ثم علت ضحكاته و أمسكها من شعرها قائلاً: أدعي ربنا نلاقي بت عمتك هدى عشان الميراث يتوزع و تتنازليلي عن نصيبك و تخلصي مني يا حلوة ثم أبعد رأسها بعنف مكملاً: جاتك الق*ف مش نافعة في حاجة، عاجزة لا بتعرفي تتحركي و لا بتتنيلي ثم تركها و غادر و هي تبكي بحرقة ___________________________ أما في جنينة القصر أسيل كانت تجلس بجوار سيرين و هما يتابعا بعض صيحات الموضه و هنا تجلس تتصفح مواقع السوشيال ميديا بجانب نجمة التي تقرأ في رواية دخل جاسم يحدث هنا و هو ينظر لنجمة: الجميل سرحان في ايه؟ هنا: قصدك على مين عشان أجاوب أحمرت وجنتي نجمة و همت تقف لتذهب جاسم و هو ينظر لملابس نجمة: أيه اللبس القمر دا؟ نجمة لاحظت نظراته ثم قالت بصرامة: أفندم؟ جاسم بمكر: أيه فيه حاجة بكلم هنا أختي حبيبتي نجمة بغيظ: ربنا يخليهالك ، عن أذنكوا ظل جاسم ينظر لمكان ذهابها ثم اردف: قصيرة بس قمر هنا تضع يدها في وسطها و تقف على الأريكة:أنت بتعا**ها قدامي؟ الله الله، فيها أيه دي زيادة عني، هاااا ثم شاورت على نفسه جاسم: بالكرش دا؟ و ظل يضحك ثم أكمل، أشفطي أشفطي مسكت هنا بالمخدة و ض*بته بها، حملها جاسم و ظل يدغدغها و هي تضحك *أيه المسخرة دي* نظرا كلاهما لمص*ر الصوت فوجدا سليم يقف و معالم الغيرة ظاهرة على وجهه جاسم بمكر: فيه حاجة يا سلومي؟ سليم و هو ينظر بغيرة و غضب لهنا التي تشتعل خجلا : أنت سايبنا ندور على بت عمتك و قاعدلي هنا بتهزر مع الهانم؟ أدار جاسم وجه سليم ليكون مقابل له: أنا هنا أهو أنت بتبص فين؟ أما هنا فطعنت كلماته قلبها و سجنت دمعاتها في عينيها و همت الأنصراف جاسم بغضب: فيه حاجة يا سليم ما تهدى كدا ، أنا ماتكلمتش قدامها لأني عارف انك بتحبها بس دي مش طريقه سليم و هو ينظر أتجاه ذهابها بغضب: سيبك من الكلام دا دلوقتي، المهم ما وصلتش لحاجة؟ #غرام الأفاعي #أحفاد الصياد #حب خادع #بقلمي رانيا محمد ( مريهان محمد) ايوا الاتنين واحد

Free reading for new users

Scan code to download app

App Store Google Play

Facebookexpand_more