الفصل العاشر...

2094 Words

مسكت التلفون وانا متوترة ورديت ولاقيتها بتقولي: بقولك اي يا بتاعة انتي الدكتور جاي بعد بكره عشان يكشف علي جاسر هو لسه زي ما هو ولا اي دنيته خوفت اقولها انه بقي كويس بعد ما اكتشفت انها مغيرة العلاج وروحت قولتلها: اه يا سعاد هانم كل لما ياخد العلاج بيتحول ويفضل ي**ر في الدنيا وكان هيموتني في ايده انا مش عارفه دا بيحصل ليه دا انا حته بخليه ياخده في وقته حسيتها فرحت اوي بكلامي وقالت: طيب خير اهو الدكتور هيجي وهنطمن عليه استمري انتي بس في العلاج واوعي يفوت مره انتي فاهمه يلا سلام قفلت وانا متعصبة اوي ازاي في ناس كدا دخل جاسر وقالي: تحبي اساعدك في حاجه حور مالك سرحانه في اي انتي كويسه في حاجه حصلت قولتله: مفيش حاجه سعاد لسه قافله معايا وبتقول ان الدكتور جاي كمان يومين وسالتني عن حالتك بس قولتلها انك لسه زي ما انت قولي انت ناوي علي اي فضل يفكر شوية وبعدين بصلي وقالي: بكره هتعرفي يلا نجهز الاكل بقي لاني حقيقي جعانه هساعدك عشان نخلص بسرعه وفعلا وقف معايا وحضرنا الاكل سوي وكنت فرحانه جدا بس ياتري اي اللي ناوي عليه وفعلا خلاص يومين ومش هشوف جاسر تاني مش قادرة استحمل الفكرة بس يارب هونها سهير كانت قاعده مع الراجل في النادي وقالتله: بقولك اي انا عايزة كل اعرف كل حاجه عن الشخص دا وفي اقرب وقت معاك يومين بس رد الراجل وقال: حاضر يا هانم ولو تحبي كمان ممكن نخلصك منه لو مضايقك يعني احنا تحت الطلب يا هانم وهنعمل معاكي الواجب اتعصبت سهير وقالت: انا مش عايزة كلام كتير انت تعمل المطلوب منك وبس مفهوم يلا غور من وشي وحسابك هيوصل لما تخلص شغل مشي الراجل وهو عمال يغلط فيها وسهير قاعده سرحانه بتفتكر عمر لما خبطت فيه وقالت: انا مستحيل اسيبك لنور من ساعه ما شوفتك وانا مش شايفه غيرك اول مره راجل يحرك فيا حاجه انت هتبقي بتاعي انا وبس في بيت كريم نور كانت في اوضتها وبتكلم عمر فديو كول وبتقوله: وحشتني اوي يا بيبي انا لسه واصله الفيلا اهو مش عارفه ازاي هستحمل الوقت دا كله بعيد عنك بفكر اعمل اي حاجه وارجع تاني ليك ضحك عمر وقال: بطلي جنان انا هانت وراجع مصر بلاش تعملي مشاكل مع اخوكي بسببي وانا اهو معاك وهنتكلم علي طول قوليلي صحيح انتي ناوية تعملي اي الفترة دي رديت وقالت: ماشي يا روحي انا هنزل شغل في الشركة مع كريم اهو هيكون احسن من قاعدتي في البيت واهو الوقت يجري بسرعه قالها: طب كويس واهو ت**بي خبرة بس عايزاك تخالي بالك من نفسك ولو حصل معاكي اي حاجه تكلميني ولو احتاجتي حاجه انا موجود ابتسمت نور بحب وقالت: ربنا يخليك ليا يا نور عيني متقلقش عليا انا بمية راجل انت بس ركز في مذاكرتك عشان تتخرج وتبقي اكبر دكتور في مصر فضلوا يتكلموا لحد ما نور نامت من تعب السفر وعمر قفل وقام يكمل مذاكرته بعد ما اطمن عليها فهو بقي حاسس انها مسؤلة منه... عباس كان راح الشركة ومتعصب اوي ونازل زعيق في الموظفين ودخل المكتب ورزعه وراه شافته سلوي راحت وراه وقالت: اي دا مالك يا عباس في اي في حاجه حصلت معاك باين عليك التعب واي كل العصبية دي رد وقالها: بقولك اي يا سلوي معلش انا مش فايق دلوقتي وحابب اقعد لوحدي ومش عايز اتعصب عليكي روحي مكتبك دلوقتي بعد اذنك قالتله: وانا مش هسيبك في الحالة دي في اي بس احكيلي انا ممكن اساعدك والله بس متعملش في نفسك كدا حط ايده علي راسه وقال: انا تعبان اوي مش عارف انا صح ولا غلط بس مكنش قدامي حل تاني بجد بتمني جاسر يفوق ويرجع انا حقيقي محتاجه اوي معايا قربت وطبطبت علي ضهره وقالت: اهدي بس يا عباس مش كدا جاسر ان شاء الله هيرجع احسن من الاول بس اي اللي انت عملته ومعصبك اوي كدا احكيلي رد وقال: امبارح لاول مره امد ايدي علي سمير والنهارده خليته يتقدم لواحده هو مش بيحبها بس انا شايف ان هي دي اللي هتنفعه سمير مدلع اوي ولازم يتحمل المسؤالية شوية قالتله: انا مش عارفه اقولك اي بس سمير مش صغير انت لازم تقعد تتكلم معه وتحتوايه شوية وان شاء الله هيفهم وجهة نظرك وعرفه ان لسه في فترة خطوبة ولو مقدرش يكمل انت مش هتجبره علي حاجه رد وقال: هعمل كدا ان شاء الله معلش انا تعبتك معايا دايما مفيش غيرك بيهون عليا بجد ربنا يخليكي ويقدرني وارد جمايلك دي ابتسمت سلوب وقالت في نفسها جمايل اي بس يا عباس انت لو تعرف انت عندي اي وقد اي انا بحبك مكنتش هتقول كدا انا لو اقدر اضحي بحياتي عشان تبقي مبسوط مش هتاخر والله بس اعمل اي اهو كله نصيب كفايه انك معايا وبشوفك دايما عباس استغرب من سرحانها وقال: سلوي انتي معايا اللي واخده عقلك يا جميل انتي يا بنتي لا دا انتي مش معايا خالص ضحكت سلوي وقالت: معاك اهو يا عم ويلا اتفضل اعزمني علي الغداء انا جعانه ومش هتنازل عن العزومه دي يلا مفيش مجال للرفض ضحك وقال: خلاص براحه مش كدا بلا بينا كدا كدا مفيش شغل كتير النهارده ومش خسارة فيكي العزومه يلا بينا سمير راح الكلية وهو عارف ان خلاص هدي هتخلص اخر محاضرة دلوقتي وفضل مستنيها بره واول ما خرجت كانت ماشيه مع ادم وبيضحكوا سوي وهو اتعصب اوي هدي اول ما شافته راحت قالت لادم: اي رايك اعزمك انا المرادي بس بلاش قهوة ممكن نشرب مانجا انا بحبها جدا قولت اي ضحك ادم وقال: اللي تشوفيه يا اميرتي اي حاجه تحبيها لازم احبها طبعا المهم اننا سوي بس عندي شرط انا اللي هحاسب انا مش هخلي المدام بتاعتي تصرف عليا ماشية مع سوسن ولا اي يا اختي ضحكت هدي وقالت: لا وانت الصادق ماشي مع هدي وكمان خلاص مدقش كل واحد يدفع حق اللي هيشربه انا لسه مبقتش المدام سمير اتعصب اوي ومعرفش يتحكم في اعصابه وراح مقرب وماسك هدي من دراعها وقال: تعالي معايا عايزاك حالا يلا قدامي ادم مسكه وقال: في اي انت مش شايف ان في راجل معاها وازاي تمسكها بالطريقة دي اوع كدا واياك تفكر تقربلها تاني سمير راح سايبها وض*ب ادم بالبو** في وشه وقع علي الارض جريت هدي عليه وقالت: ادم انت كويس انت اتجننت يا سمير اي الق*ف اللي بتعمله دا فاكر نفسك مين ساعدت ادم انه يقوم وسمير راح قال: وانتي خايفه عليه اوي كدا ليه يقربلك اي يلا تعالي معايا يا هدي قولتلك عايزاك رديت هدي بزعيق وقالت: اه اخاف عليه مخفش ليه مش هيبقي خطيبي وكمان اجي معاك بتاع اي اظن قولتلك ملكش دعوة بيا جه سمير يمسكها تاني راح ادم ض*به وقال: اياك تفكر تقرب من خطيبتي تاني ساعتها مش هرحمك وهتبقي انت اللي جبته لنفسه سمير مسكتش والاتنين مسكوا في بعض والامن جه وروحنا علي اوضة العميد وهدي بقيت بتعيط لان كل دا حصل بسببها ومش عارفه تعمل اي دخل العميد وقال: اي المهزلة اللي بتحصل دي ازاي يا استاذ يا محترم انت وهو تمسكوا في بعض بالشكل دا سبتوا اي للصيع والشمامين رد ادم وقال: حضرتك انا كنت ماشي انا وخطيبتي والاستاذ دا جه وكان عايز يتكلم معاها بالعافيه وراح مسك دراعها وانا مقدرتش امسك نفسي وهو اللي بداء من الاساس والكل يشهد علي كدا رد سمير وقال: انا مغلطش زميلتي وكنت حابب اتكلم معاها وكمان هي لسه مبقتش خطيبته ومطلبتش منه يدخل من الاساس رد العميد وقال: لا انتوا شكلكوا عايزين تتربوا من جديد اتفضل انت وهو رفض اسبوع ومشفش حد فيكوا في الجامعه وانتي يا انسة فرحانه وهما بيتخانقوا عليكي ياريت تحترمي انك جايه جامعه محترمه وجايه تتعلمي هدي كانت عماله تعيط وقالت: انا اسفه يا دكتور اوعدك دا مش هيحصل تاني رد العميد وقال: اتفضلوا بره وياك الموضوع دا يتكرر تاني انا هكتفي بالرفض المره الجايه هيبقي رفض نهائي خرج الكل وسمير بص لادم بغضب ومشي وهدي قالت لادم: انا اسفه والله علي كل اللي حصل بس صدقني مفيش حاجه بيني وبينه وانا قولتله قبل كدا يبعد عني ادم مسك ايدها وقال: وانا واثق فيكي يا هدي بس المهم دلوقتي انتي بجد وافقتي عليا ولا كان كلام وخلاص هدي استوعبت اللي هي عملته ومرضتش تجرحه وقالت: ايوة يا ادم موافقة تقدر تكلم اهلك وبعدين هحددلك معاد مع اهلي فرح ادم وقال: ربنا يخليكي ليا اوعدك عمرك ما هتندمي علي قرارك دا وهخليكي اسعد واحده في الدنيا كلها يلا يا حبيبتي عشان اوصلك بقي ابتسمت هدي ومشيت معه وهي من جواها خايفه من قرارها دا اوي وسمير مشي راح علي النايت كاب واتصل بصحبه عشان يتقابلوا لانه كان متعصب اوي ومش عارف يعمل اي طلعت انام وقبل ما انام مسكت التلفون وبعت رساله تاني لكريم وقولتله: اي يعني مردتش عارفه انك مبتخفش من حاجه بس انا اعرف عنك حاجات كتير اوي وسهل عليا ابوظ كل شغلك كريم وقتها كان في العربية مروح وشاف الرسالة وبقي مستغرب اوي وراح رد وقال: انتي مين وعايزة اي واي اللي تعرفيه بقي ان شاء الله ضحكت وقولتله: مش لازم تعرف انا مين واللي عايزاه اني ادمرك وبس اما بقي بالنسبة اني اعرف اي فانا اعرف كتير اوي يا كريم اي رايك ابداء بالصفقة اللي هتم بكره وكلها معدات مضروبة وشهر وهتبوظ وانت هتتفق علي اساس انها لسه معدات جديده وهتحط الفرق كله في جيبك حته سهير مراتك متعرفش حاجه كريم اتصدم واستغرب ازاي انا اعرف الكلام دا وجه في باله صورتي زمان بس قال لا مستحيل حور ماتت يمكن تكون حكيت لحد بس هي ملهش صحاب انا لازم اعرف مين دي ورد وقال: لا انتي شكلك مش سهله قوليلي اي حكايتك وعرفتي منين الكلام دا احنا ممكن نتفق واد*كي اللي انتي عايزاه ويمكن نشتغل سوي كمان اي رايك عمره ما هيتغير هيفضل طماع رديت وقولتله: ومين قالك اني عايزة فلوس او اني عايزة اشتغل معاك انا عايزة ادمرك وبس اما بالنسبة للاتفاق هفكر وهبقي ارد عليك رد وقال: فكري براحتك وانا مستني ردك بس ياريت متعمليش اي حاجه انا مستعد انفذلك اي حاجه انتي عايزاها الصفقة دي مهمة ولازم تتم ضحكت وقولت: قول يارب دا لو تعرفه يعني لاني ماظنش واحد زايك يعرف ربنا وعشان كدا لحد دلوقتي مرزقكش بطفل يلا سلام واستني ردي بكره قفلت وانا مرتاحه وبفكر هعمل اي بس اللي شغل تفكيري اكتر اللي جاسر ناوي يعمله وليه **م اني انام بدري النهارده قومت صليت وحاولت انام كريم فضل متعصب وهيجنن ويعرف مين انا فضل يقلب في الايميل بس مكنش لاقي اي صورة ليا ولا حته اي معلومة الايميل لسه جديد ومعلهوش اي صديق قفل التلفون وهو متعصب وبيتمني ميحصلش حاجه بكره في اوضة جاسر بعد ما اتاكدت اني نمت عمل مكالمة علي النت من الاب توب بتاعه لان سعاد كانت مانعه عنه التلفون وكلم شخص غريب واتفق معه علي حاجات كتير لازم ينفذها بكره وبعدين لبس ونزل الجنينه يكمل شغل فيها وكان كل تفكيره انه خلاص راجع لحياته وللبيت والشغل والاهم راجع لسعاد اللي لازم يكشفها ويدمرها ويدفعها تمن كل حاجه وانه لازم يخليني اوفي بوعدي واحكيله كل حاجه عشلن قلبه يرتاح ايمان كانت في شقة عاشقها وقاعده وبتفكر في كل اللي حصل وانها لازم تاخد حقها من حسن دخل عليها مصطفي وقال: وبعدين يا ايمان ناوية علي ايه بقالك يومين قاعده ومش بتاكلي ولا بتشربي يا حبيبتي في داهيه الفلوس المهم انك معايا رديت ايمان وقالت: وبالنسبة لحقي وقهرتي والذل اللي شوفته معه لا يا مصطفي مستحيل اسكت انا لازم انتقم منه مهما كانت النتيجه اي رد وقال: انا خايف عليكي يا ايمان حسن دا مش سهل خالص وانا مش عايزاك تتاذي انا بجد بحبك ومش فارق معايا اي حاجه غيرك انتي ابتسمت ايمان بتعب وقالت: متقلقش يا مصطفي انا هفكر كويس بحيث محدش فينا يتاذي وبعد ما اخد حقي هنسافر انا وانت اي مكان ونبداء حياتنا من جديد رد وقالها: اعمل اي بس ماشي يا حبيبتي بس مش ناوية تروحي لابوكي تاني مهما كان يا حبيبتي مينفعش تخسريه قالت: اعمل اي يعني يا مصطفي روحتله وهو طردني وقالي استحملي نتيجة غلطك خلاص هو مش عايزني وعنده حق انا مش زعلانه منه لما اخد حقي هرجعله تاني ان شاء الله رد وقالها: ان شاء الله يلا طيب ناكل وتنامي شوية ولما نصحي بكره هنفكر سوي وهنوصل لحل ومن غير اذي لحد فينا سمعت ايمان الكلام وقامت معه وهي ندمانه انها سابته زمان عشان واحد زي حسن ومن جواها وعدته انها هتعوضه عن كل اللي حصل وهتعمل المستحيل عشان سعادته صحيت تاني يوم متاخر اوي تقريبا دا تأثير الحمل خدت دش ولبست ونزلت وانا مستغربه البيت هادي وجاسر محاولش يصحيني خالص لاقيته قاعد في الصاله قربت منه وقولت: انت ليه سبتني انام كل دا انت ناسي ان ليك علاج ولازم تفطره قبله مينفعش كدا يا جاسر انا كدا هحس اني مقصرة معاك ابتسم وقال: بس اهدي في اي لكل دا انا فطرت وخدت علاجي وكويس انك صحيتي انا محضرلك مفاجاه بتمني تعجبك يلا غمضي عينيك استغربت اوي بس سمعت كلامه وغمضتها وخدني وخرجنا الجنينه واول ما فتحت عيني اتصدمت من اللي شوفته..... ياتري اي حكاية حب سلوي لعباس.... وسمير هيعمل اي بعد ما هدي وافقت علي ادم.... وهدي هتتصرف ازاي بعد قررها دا... وعمر ونور اي هيحصل معهم... وكريم هيعمل اي مع رسايل حور.... وسهير ناوية تعمل اي بالمعلومات بتاعت عمر.... وسعاد ليه م**مه علي جوازة سمير من سامية اكيد في سر وراها... واي المفاجاه اللي جاسر عملها.... هنعرف الحلقات الجاية... الحكاية بتولع... انتظرونا....

Free reading for new users

Scan code to download app

App Store Google Play

Facebookexpand_more