حور العين... ❤

الفصل الحادي عشر...

اول ما فتحت عيني كانت الجنينه كلها متزينه ومليانه ورد وبلالين كان شكلها تحفه بس ازاي قدر يعمل كل دا وفي الوقت القصير دا ومين ساعده بصتله وانا مبسوطه اوي

وقولتله: اي دا يا جاسر ليه كل دا ولحقت تعمله امتا بجد دا يجنن انا متوقعتش انك ممكن تعمل كل دا لوحدك قولي عملته ازاي

ضحك وقالي: اهدي اي واكله راديو الحمدالله انه عجبك ولا يا ستي انا خليت الحرس دوال ساعدوني اه خدوا كتير مني بس مش مشكله كله عشان خاطر عيونك

استغربت اوي هو ليه يعمل كل دا عشاني رديت وقولتله: هو بجد حلو اوي بس مكنتش مستاهله والله تسلملي يارب بس برضو ليه اي سبب كل دا قولي

رد وقالي: طب تعالي بس نقعد عايز اتكلم معاكي في موضوع مهم عشان اقدر اكمل بقيت اليوم عشان مفيش وقت خالص

قلبي اتقبض معرفش ليه وحسيت ان في حاجه غلط روحت وقعدت وقولت: في اي يا جاسر قلقتني قولي في اي انا سمعاك اهو اتفضل

رد وقالي: طيب قبل اي حاجه الجنينه بقيت كلها ورد اهو يعني اظن ان جه الوقت اللي تحكيلي فيه السر اللي في حياتك ومين ابو اللي في بطنك دا واي اللي حصل بالظبط

عرفت دلوقتي اي غرضه من كل دا رديت وقولتله: يعني انت عامل كل دا عشان تخليني اتكلم يا جاسر مكنتش اتوقع منك دا المفروض تحترم رغبتي ومتجبرنيش علي حاجه

رد وقالي: هتفضلي طول عمرك غ*يه خلاص يا حور لو مش عايزة تحكي خليكي ساكته انا مش هجبرك علي حاجه بس اظن من حقي اعرف الماضي بتاع اللي هتكون مراتي

رديت وانا مصدومه وقومت من مكاني وقولت: نعم انت بتقول اي مين دي اللي مراتك انا سمعت كويس انت اتجننت يا جاسر انت عايزني انا اكون مراتك

قرب ومسك ايدي وقال: اهدي يا حور في اي انا مقولتش حاجه غلط انا عايزاك علي سنة الله ورسوله وجهزت كل حاجه والماذؤن في الطريق

وقعت علي الارض وانا منهارة في العياط وقولت: انت اكيد اتجننت عايز تتجوزني انا وفي وضعي دا انت متعرفش عني حاجه يا جاسر مينفعش انا منفعكش شيل الفكرة دي من دماغك خالص وابعد عني

قومت سبته وجريت علي اوضتي وقفلت الباب عليا وانا منهارة في العياط انا اه بحب جاسر وبتمني يكون جوزي بس لا هو يستاهل واحده احسن مني انا فين وهو فين

سمير رجع البيت الصبح وهو سكران وماشي بيطوح وسعاد اول ما شافته جريت عليه وقالت: اي اللي انت عمله في نفسك دا انت اتجننت ولا اي انت ناسي انت ابن مين انت لو حد من الصحافين شافك هتبقي فضيحة

ضحك وقال: سعاد هانم ايوة طبعا كل همك ابن مين والصحافين وشكلك والمجتمع والفلوس والشركة مش فارق معاكي غير المصلحة وبس

اتعصبت سعاد وقالت: انت اتجننت يا سمير ازاي تتكلم معايا بالاسلوب دا انت ناسي اني امك شكلي دلعتك اوي

رد وقال: امي لا يا سعاد هانم انتي اللي نسيتي وعمرك ما اتعملتي معايا علي اني ابنك كل اهتمامك كان بالشركة والفلوس ومظهرك العام وبس وانا كنت اخر اهتمامتك دا لو اصلا كنتمن اهتمامات حضرتك

سعاد راحت ض*بته بالقلم وقال: انت محتاج تترابي من اول وجديد انت نسيت نفسك انا بعمل كل دا عشانك وعشان مستقبلك وعشان تلبس علي اخر مودة وتركب عربية احدث حاجه دلوقتي انا اللي غلطانه

انهار سمير من العياط ورد بزعيق وقال: انا مكنتش عايز كل دا علي قد ما كنت عايزاك معايا وجانبي كنت محتاجك انتي ياريتنا كونا فقراء بدل ما احنا اغنياء كدا بس فقراء في الحب والحنية والاهل والمشاعر

سابها وطلع علي اوضته وسعاد فضلت واقفه مصدومه ومش عارفه تعمل اي راحت خارجخ من الفيلا وراكبة عربيتها وسايقه باسرع سرعة

وصلت سامية الكلية وهي متعصبة اوي بعد ما عرفت اللي حصل بين سمير واللي اسمه ادم دا وكله عشان خاطر واحده زي دي

راحت علي الكافتيريا كانت هدي قاعده هناك لوحدها راحت قاعده علي اقرب ترابيزة ليها وسابت شنطتها وراحت جابت نسكافيه ورجعت تاني وراحت باصه ناحية هدي وضحكت بخبث

وفجاه فضلت تصرخ وتنادي علي الامن وجه بتاع الامن وقال: خير يا انسة في اي حضرتك محناحه اي في حد هنا بيضايقك

راحت باصه ناحية هدي وقالت: الزبالة اللي هناك دي عقبال ما روحت اجيب حاجه اشربها وارجع سرقت اسورة الماز من شنطتي مكنش في غيرها هنا وانا متاكده انها معاها

راح بتاع الامن لهدي اللي واقفه مصدومه وقالها: لو سمحت اتفضلي معانا لاوضة العميد وهاتي معاكي كل حاجه يلا من غير اعتراض

رديت هدي وقالت: اجي معاك فين انا مسرقتش حاجه ولا شوفتها اصلا هي بانهي حق تتهمني يعني وهو اي حد يقولكم حاجه تصدقوا

رديت سامية وقالت: ايوة مفيش غيرك اللي اخدتيها لو سمحت انا عايزاه تتفتش هنا قدام الكل لازم يعرفوها علي حقيقتها الحرامية دي

زعقت هدي وقالت: احترمي نفسك انا مش هسكتلك اكتر من كدا انا انضف منك ومن اللي زايك جايه تفتري عليا والله ما شوفت ازبل منك

رد بتاع الامن وقال: خلاص بعد اذنكم هاتي يا انسة شنطتك نفتشها عشان نحل المشكلة دي واهو كله يبقي علي العلن

هدي اديت شنطنها لبتاع الامن وهي واثقه من نفسها وبتبص لسامية باستحقار وسامية بتضحك بخبث وبداء بتاع الامن يفتش الشنطة وللاسف طلع الاسورة من شنطتها

اتكلم وقال: وبدام حضرتك مش حرامية دي بتعمل اي في شنطتك يا انسة يا محترمه اتفضلي فسري لينا اي دا

هدي اتصدمت وبقيت تبص للاسورة وتبص لسامية اللي بتضحك بخبث وقالت: انا معرفش دي جت شنطتي ازاي انا فعلا اول مره اشوفها والله صدقني انا مصرقتش حاجه

ضحكت سامية وقالت: اي الاسورة مشيت ونطت في شنطتك لوحدها انتي واحده حرامية الله اعلم سرقتي اي تاني قبل كدا اللي زايك ملهاش مكان وسطنا احنا لازم نطلب ليكي البوليس

جه العميد وحاول يحل الموضوع بس سامية **مت ان البوليس يجي وفعلا جه وقبض علي هدي وبسرعه واحد من زمايلها اتصل بادم وعرفه وواحده من صحابها اتصلت بامها وعرفتها...

عند عمر كان نازل رايح الكلية بتاعته جه واحد ووقفه وقاله: استاذ عمر ازايك اكيد حضرتك متعرفنيش بس انا اعرفك كويس وحابب اتكلم معاك شوية بعد اذنك

عمر استغرب ورد وقال: تمام حضرتك تحب تتفضل فوق في شقتي ولا نروح اي كافيه في واحد قريب هنا

وفعلا راحوا علي كافيه والشخص دا بداء بتكلم وقال: انا هدخل في الموضوع علي طول انا عارف انك هنا في منحة دراسية وبتدرس هندسة وانك بتطلع الاول علي الدفعة دايما وحابب انك تمسك الفرع بتاعنا في مصر اول ما تتخرج وبالمرتب اللي تطلبه طبعا وهيكون ليك عربيه وشقة تليق بمدير الشركة طبعا لاننا عارفين ظروفك كويس

عمر بقي مصدوم ومش مصدق اللي بيتقال ورد وقال: انا بجد مبسوط جدا بعرض حضرتك بس اشمعنا انا يعتبر هبقي لسه متخرج ومفيش خبرة في المجال يدوب الدراسة بس ومعلش يعني اي سبب كل الثقة دي اني امسك فرع كامل لوحدي

ابتسم الشخص وقال: كنت متوقع يكون دا ردك بص يا استاذ عمر الشركة بتحب تشجع الشبار الصغيرة وغير كدا لازم تضمن حقها طبعا وعشان كدا انت بتمضي علي شرط جزء غير شيكات طبعا بحق العربية والشقة وبتسددها علي دفعات

عمر شبه اقتنع بالكلام وطبعا دي فرصة كوبسه جدا عشانه وعشان مستقبله وعشان يقدر ياخد حبيبته بس محبش يوافق علي طول ورد وقال: تمام حضرتك انا ممكن اخد شوية وقت بس افكر فيهم عشان مندمش علي قراري

ابتسم الشخص لانه كان متوقع الرد دا رغم انه شايف الفرحة والموافقه علي ملامح وش عمر ورد وقال: تمام يا استاذ عمر فكر براحتك واحنا هنستني الرد بتاعك ودا الكارت بتاعي هستني مكالمتك بس ياريت متتاخرش عشان لو هترفض نلحق نشوف شخص تاني واتشرفت بمعرفتك

قام الشخص دا ومشي وعمر رغم انه فرحان جدا وشايف ان الدنيا بداءت تضحكله بس كان مستغرب وجواه شوية خوف بس حاول ميركزش وقام عشان يروح الكلية بتاعته لانه اتاخر جدا

وانا في اوضتي ومنهارة من العياط مكنتش قادرة استحمل وقولت لازم احكي كل حاجه لجاسر هو من حقه يعرف سبب رفضي قومت غسلت وشي ونزلت تحت كان جاسر قاعد في الصاله وباين عليه الحزن

قربت وقعدت تحت رجله ورفعت وشه وقولتله: انا اسفه انا عارفه اني جرحتك بس صدقني انت خلاص خفيت وتستاهل واحده احسن مني انا مش زي ما انت شايفني انا وحشه بجد

مسك وشي وقالي: انا مش عايز غيرك مهما كنتي اي زمان انا المهم بالنسبالي انتي اي دلوقتي يا حور صدقيني انا هقف في ضهرك وعمري ما هتخلي عنك مهما حصل بس انتي اديني فرصة واحده

قولتله: حاضر يا جاسر بس قبل اي حاجه انا لازم احكيلك كل حاجه وساعتها القرار هيكون قرارك.... وبداءت احكيله كل حاجه من ساعة ما عرفت كريم لحد الليله اللي انتشر فيها الفديو ومقابلة سعاد لاهلي والاتفاق اللي حصل بينهم

وكملت وانا مش قادرة اسيطر علي دموعي وقولت: انا مكنتش عايزة كل دا يحصل والله انا كنت فاكراه بيحبني كان بيعملني كويس وحنين عليا انا جرحت اهلي وذليتهم واهو في الاخر بقيت حامل من واحد حقير زي دا بس انا مش هسيب حقي وحق اهلي وابني يا جاسر انا هنتقم منه مش هسيبه يعيش مرتاح يوم واحد

بصلي وهو مش عارف يقولي اي كملت وقولتله: انا مش هنكر اني بحبك وعايزاك بس لا انا مستحيل ادخلك في كل دا انت انضف من انك تتوسخ في كلب زي دا انا اسفه والله كان نفسي نتقابل في ظروف احسن من دي بس دا نصيبنا

قام وقف وسابني مشي وفجاه وقف وقالي: قدامك نص ساعه وتكوني جاهزة وتيجي علي الجنينه عشان كتب الكتاب بتاعنا ومش عايز اسمع منك حرف واحد

قومت وقفت وانا مصدومه وقولت: انت بتقولي اي يا جاسر بعد كل دا انت لسه عايز تتجوزني لا انا مستحيل اوافق علي حاجه زي

اتكلم بزعيق ومن غير ما يبصلي وراح قايل: انا قولت مش عايز اسمع منك حرف كلامي يتنفذ من غير نقاش يلا اتحركي احسن اقسم بالله هطلع بنفسي اجهزك وهتندمي يا حور

معرفش ليه خوفت من تهديده وحسيت انه ممكن يعملها روحت بسرعه متحركه من قدامه وقولت وانا بجري: والله انت انسان قليل الادب ومش محترم

بعد ما طلعت بص علي مكاني وضحك وبعدين الضحكة اختفيت وقال: انتي لازم تترابي من اول وجديد يا حور ودا هيكون علي ايدي بس اللي جاي صعب وعشان كدا لازم احميكي وهو دا الحل الوحيد حته لو هجبرك دلوقتي سامحيني

في القسم وصل ادم وامي وابويا في نفس الوقت وكانت هدي واقفه قدام اوضة الظابط واول ما شافت امي راحت حضنها وفضلت تعبط وقالت: والله يا ماما ما سرقت حاجه هي بتكدب انتي عرفاني كويس انا مستحيل اعمل حاجه زي دي انا بريئة

امي كانت بتعيط وقالت: اهدي يا حبيبتي ان شاء الله هتعدي علي خير انا عارفه وواثقه انك مستحيل تعمليها اهدي احنا ربنا معانا

قرب ادم وقال: اهدي يا هدي انا جبت معايا محامي وان شاء الله هتخرجي النهارده حته او بكفالة بس بطلي عياط وانا هجبلك حقك والله

بص ابويا باستغراب وقال: وانت تبقي مين واي علاقتك بي بنتي ان شاء الله وبتاع اي تجبلها محامي مين دا يا هدي

رد ادم وقال: انا ادم يا عمي كنت احب اتعرف علي حضرتك في ظروف احسن من دي بس دا النصيب معلش ان شاء الله نتعرف علي بعض بس نطمن علي هدي الاول

طلع العسكري واخد هدي علي جوه ودخل المحامي معاها وبداء التحقيق وبعد اسئلة كتير المحامي قال: اظن حضرتك ان موكلتي باين عليها الاحترام والادب وانها مش وش الكلام دا وبعد اذن حضرتك احنا ممكن نجيب تسجيلات الكاميرا اللي في الكافتيريا ونعرف اي اللي حصل بالظبط

رد الظابط وقال: تمام بكره الصبح هنجبها ولوقتها المتهمه لازم تفضل هنا وعشان هي باين عليها انها مش كدا انا هخليها تبات هنا في مكتبي للصبح

رد المحامي وقال: شكرا جدا لحضرتك.... وخرج المحامي بره وقال: انا اسف يا جماعه هي لازم تفضل هنا للصبح بس الظابط طلع كويس وهيخليها تبات في المكتب ومش هتنزل الحجز وبكره ان شاء الله نجيب تسجيلات الكاميرا وتطلع معانا انا اسف يا ادم بيه انا عملت اللي عليا

شكر ادم المحامي وطلعت هدي تستني بره لحد ما الظابط يخلص شغل وادم قالها: معلش يا هدي بكره ان شاء الله تظهر برائتك وتروحي معانا ياريتني اقدر اتحبس بدالك

ابتسمت هدي بتعب وقالت: شكرا يا ادم انا تعبتك معايا بس ممكن تاخد امي وتروحها عشان شكل بابا مشي

امي بصتلها بحزن وقالت: انا اسفه يا بنتي مش قادرة اعملك حاجه بس متزعليش من ابوكي هو عنده شغل مشي غصب عنه والله

ابتسم هدي وقالت: ربنا معه يا حبيبتي يلا ادم هيوصلك وان شاء الله بكره كل حاجه هتتحل متخفيش عليا انا قدها

مشيت امي بالعافيه مع ادم وفضلت هدي في القسم وهي بتلعن اليوم اللي شافت سمير فيه لان كل دا بسببه

نور كانت بتكلم عمر فديو وبيحكلها علي اللي حصل معه وهي فرحت جدا عشان كدا اخوها مستحيل يرفضه بس فجاه وهما بيتكلموا حصلت حاجه محدش يتوقعها....

ياتري فعلا جاسر هيتجوز حور ولو حصل اي غرضه من كل دا وليه مردش علي كلامها واللي حكيته... واي السر اللي وراء العرض اللي جه لعمر... واي هيطلع في التسجيلات وهيحصل اي لهدي.... وسمير لو عرف هيعمل اي واي هيحصل لسامية... وحسن مشي ليه وساب بنته في موقف زي دا... هنعرف الحلقات الجاية انتظرونا...