حور العين... ❤

الفصل السادس...

في بيت سعاد كانت قاعده بتفطر هي وعباس وفجاه قالها: ممكن اعرف ازاي تعلني خطوبة سمير من غير علمي وخدت بالي ان هو كمان مكنش يعرف وشكله مش في دماغه الموضوع خالص انتي ازاي تتصرفب من نفسك كدا

رديت ببرود وقالت: وفيها اي يعني ابني وعارفه مصلحته كويس وسامية مش وحشه دي بنت محترمه وبنت ناس ومتنساش ان جوازهم ليه فايدة لينا حلوة اوي

استغرب وقال: هو انتي بتلعبي بحياة ابنك عشان الفايدة لينا وكمان فايدة اي دي ان شاء الله اظن اننا في وضع كويس

ضحكت وقالت: ما قولتلك البنت اصلا كويسه والفايدة يا حبيبي هي البضاعة اللي بتيجي لينا وبتقف في الجمارك ابو سامية بقي شغال هناك وهيسهل لينا كل حاجه

فكر شوية وبعدين قال: عندك حق بس برضو ابنك شكله مش بيحبها ومينفعش نجبره علي حاجه هو مش صغير للكلام دا

رديت وقالت: متقلقش انا ابني هعرف اتصرف معه ومش هجبره علي حاجه كله هيتم برضاه وموافقته طبعا متشغلش بالك انت

دخل سمير عليهم وباين عليه الغضب وعدم الرضا واول ما قعد قال: ممكن افهم اي اللي بيحصل دا ومين قال اني عايز اتجوز سامية ازاي يا ماما تعملي حاجه زي دي من غير علمي

رديت وقالت: سمير مش وقته الكلام دا احترم الاكل وبعدين مالها سامية ما هي حلوة ومحترمه وبنت ناس وتناسبك جدا

رد وقال: بس انا مش عايزاها ومش بحبها هي مجرد صديقة فقط لا غير وانا اسف مش هقدر انفذ كلامك المرادي

سعاد اتعصبت وقالت: حب اي انت اتجننت مفيش حاجه اسمها حب في حاجات كتير اوي اهم من الحب وجوازك من سامية حاجه كويسه الحب مش بيأكل عيش

رد وقال: ماما بعد اذنك دي حياتي مش لعبة ومش هقبل ان حد يتحكم فيها وانا اللي هختار شريك حياتي مش حد تاني عن اذنك

عباس اتكلم وقال: مش قولتلك فوقي يا سعاد احسن ما نخسر سمير زي ما خسرنا جاسر بلاش تجبريه وسبيه يختار حياته بنفسه يلا انا هروح الشركة مش هتيجي

رديت بعصبيه وقالت: لا روح انت هخلص كام مشوار وهجي وراءك واعمل في حسابك خطوبة سمير وسامية برضو هتم

رد عباس وقال: انتي حره استحملي النتيجه بقي يلا ومتتاخريش علي الشركة في اجتماع مهم انا ماشي سلام

في امريكا وبالذات في بيت كريم كان كريم قاعد مع مراته وقاله: تعرفي ان عمر اخو البت حور عايش هنا في امريكا واتعرف علي نور وكان عندنا معزوم علي العشاء

بصتله مراته وقالت: اياك يكون عارف حاجه وجاي ينتقم لاخته في اختك خالي بالك يا كريم والاحسن تبعد اختك عنه احنا مش ناقصين فضايح

رد وقال: انا فعلا خايف من كدا بس المشكلة ان نور مش بتسمع كلام حد ع**دة من يومها ربنا يستر

ضحكت وقالت: اهو ذنب ناس بتخلصه ناس عشان تبطل زبالة بقي وتفوق لنفسك ومركزك وتسيب الشغل دا للمراهقين مش ليك

رد وقال: طب اسكتي بقي نور جايه اهي... اي يا حبيبتي رايحه فين بدري كدا واي كل النشاط دا

ضحكت نور وقالت: معلش يا كوكي اصل متفقه مع عمر اننا هنفطر سوي النهارده يلا همشي عشان متاخرش عليه عايز حاجه

كان لسه هيرد بس رديت مراته وقالت: وهو مين دا بقي ويبقي ابن مين عشان تخرجي وتيجي وتروحي معه في اي يا نور متنسيش انتي اخت مين

رديت نور وقالت: انا مبنساش حاجه بس شكلك انتي اللي بتنسي ان انا مش بيهمني الكلام دا وان اهم حاجه بالنسبالي الشخص اللي قدامي مش زايك بهتم بالمظاهر يلا انا همشي يا كوكي

رد كريم وقال: ماشي يا حبيبتي خالي بالك من نفسك ومتتاخريش.... وبعد ما مشيت كمل كريم كلامه وقال: مش قولتلك نور ع**دة ومش سهل نبعدها عنه

ضحكت بغيظ وقالت: متقلقش انا هتصرف سيب الموضوع دا عليا وجهز نفسك عشان هنرجع مصر اخر الشهر دا كفايه غياب لحد كدا

كنت في المطبخ بحضر الاكل وسرحانه شوية فجاه جاسر دخل عليا وخضني وقال: الجميل سرحان في اي كنتي هتحرقي نفسك يا غ*يه

ضحكت وقولت: خضتني يا جاسر في اي مكنتش واخده بالي بس انت بتعمل اي هنا دلوقتي محتاج حاجه ولا اي

رد وقال: لا مش محتاج حاجه بس انتي اتاخرتي وانا قلقت عليكي فقولت اجي اطمن واساعدك لو تحبي كمان

ضحكت وقولت: وهو البيه هيساعدني في اي في المطبخ يلا يا عسل بره وانا هحضر الاكل بسرعه وهجيلك علي طول يلا بلاس عطلة

لاقيته شالني وقعدني علي المطبخ وقالي: خاليكي انتي بس قاعده كدا وانا هوريكي انا اقدر اعمل اي هاكلك اكل عمرك ما هتاكلي زايه في حياتك كلها يا حلوة

ضحكت وقولت: طيب علي كدا بقي لازم اتصل بالاسعاف احسن يجيلي تسمم واروح فيها ويخلص عمري بدري بدري

لاقيته اتعصب اوي وقرب مني ومسكني من دراعي وقال: اياكي تجيبي سيرة الموت تاني با حور انتي فاهمه انا مستحيل اسمح يحصلك حاجه حته لو هدفع عمري مقابل دا

لحظة في عيونه دموع واضايقت من نفسي اوي ان انا سببها وقولت: انا اسفه مكنش قصدي ممكن متزعلش ولا انت بتعمل كدا بقي عشان افشتك لا بقولك اي انا جعانه ومش هتنازل اني اكل من ايدك يلا وريني بقي

ضحك وقال: حاضر يا ست حور طلباتك اؤامر بلا اتف*جي واتعلمي مع الشيف جاسر هتاكلي صوابعك وراه

فضلنا نضحك ونهزار وطبعا بهدلنا المطبخ وبعدين تمت المهمه بنجاح وخلصنا وطلعنا ناكل بره في الصاله وفي وسط الاكل جه في بالي سؤالي وكان لازم اساله

اتكلمت وقولت: قولي صحيح يا جاسر انا عايزة اسالك سؤال هو انت عمرك في حياتك ما حبيت او مخطبتش قبل كدا

لاقيت ملامح وشه اتغيرت اوي ومكنش عابز يرد حاولت اهديه احسن يتعب وقولت: انا اسفه لو مش عايز ترد تمام مش مشكله بس متزعلش

رد بتعب وحزن كبير وقال: انا كنت بحب واحده وخطبتها فعلا بس في يوم كنت سهران عند واحد صحبي وكان قايل انه هيجيب بنات وكدا وعادي كنت زي اي شاب بس لما البنت جات كانت صدمه بالنسبالي لاني لاقيت خطيبتي بينهم وطلعت مخدوع فيها وهي كان كل همها الفلوس والمركز وبس

صعب عليا كدا منكرش اني حسيت بشوية غيرة معرفش سببها بس فعلا قلبي وجعني عليه جاسر تقريبا مشفش يوم حلو في حياته حاولت اتكلم وقولت: متزعلش نفسك بكره ربنا يعوضك بالاحسن وكمان اي واحده تتمني شيف زي العسل زايك

ضحك وقال: ربنا يجبر بخاطرك يا رب ايدك بقي علي عشره جنيه اكراميه يا فندم.... فضلت اضحك علب طريقته وهو مركز معايا ولاقيته قالي: وانتي يا حور اي حكايتك بقي

اتوترت اوي من سؤاله وقولت: حكاية اي انا مليش حكايات ويلا بقي خلص اكلك وهروح اجبلك العلاج عن اذنك

لاقيته مسك ايدي وقال: انا كدا اتاكدت من احساسي احكيلي كل حاجه يا حور انتي ليه دايما بشوف في عينيك ال**رة حته الضحكة بحسها مش من قلبك وان جواكي وجع كبير

ضحكت وقولت: كل واحد فيه اللي مكفيه يا جاسر متشغلش بالك بيا انا كويسه وصدقني بضحك من قلبي لانك موجود بطل نكد بقي ويلا عشان نكمل شغلنا في الجنينه

رد وقال: مش هضغط عليكي دلوقتي ومسيري اعرف كل حاجه هستناكي تحكيلي من نفسك يا حور وصدقيني مش هتندمي وهتلاقيني في ضهرك دايما

ابتسمت وقولت: اوعدك هيجي يوم واعرفك فيه كل حاجه بس مش دلوقتي ويلا بقي ناخد العلاج ونشوف شغلنا دا مش كلام يا جدع

ضحك وقام خد العلاج وغيرنا وطلعنا نكمل شغل وسط ضحك وهزار و***ب وفعلا دي اسعد ايام حياتي عمري ما فرحت كدا غير مع جاسر

دخلت امي علي هدي تطمن عليها وتشوفها جت امتا وليه منزلتش الكلية لحد دلوقتي وقالت: مالك يا حبيبتي هو حد زعلك في حفلة امبارح وليه منزلتيش لحد دلوقتي

هدي اول ما امي قربت منها اترميت في حضنها وفضلت تعيط بوجع وماما بطبطب عليها وبتقول: مالك بس يا بنتي اي حصل بتعيطي كدا ليه اهدي يا حبيبتي انا معاكي اهو بطلي عياك وفهميني في اي يا نور عيني

هدي حاولت تهدي عشان مكنتش عارفه هتبرر انهيارها دا ازاي وقالت: مفيش يا ماما اصلي اصلي افتكرت حور هي وحشتني اوي

رديت امي بتعب وقالت: هي وحشتني انا كمان بس هنعمل اي يا بنتي دا قضاء ربنا ادعيلها يا حبيبتي ويلا قومي بقي عشان تروحي كليتك

هدي مكنتش عايزة تواجه حد دلوقتي بالذات سمير وقالت: لا يا ماما انا حاسه اني تعبانه شوبة مش هروح النهارده خليني قاعده معاكي ولا اي موحتشكيش

ضحكت امي وقالت: لا يا قلبي وحشتيني طب يلا قومي نحضر فطار سوي زي زمان بدل ما بقيت افطر لوحدي زي اليتيمه كدا

ضحكت هدي وقالت: حاضر يا قمر هاخد دش وهاجي وراكي علي طول.... اول ما خرجت هدي فضلت تعيط وقالت في نفسها: لا انا مش هضعف وهندمك يا سمير علي اللي انت عملته اصبر عليا.... وبعدين قامت تاخد دش وتقعد مع امي شوية

في الجامعه وصل سمير وهو مش طايق نفسه وبيتمني يشوف هدي ويعتذر منها راح علي المدرج وسال عنها وعرف انها مجتش النهارده زعل جدا من نفسه ونزل وكان هيمشي بس سامية قابلته

وقالت: اي يا حبيبي فينك مسمعتش صوتك من ساعه الحفلة انت كويس كنت عايزة اتكلم معاك عشان خطوبتنا بقي

رد سمير بعصبيه وقال: خطوبة مين يا سامية في اي انتي اتجننتي زي امي ولا اي انتي عارفه اني مش بفكر في الموضوع دا وان انتي زميلتي وزي اختي بي

سامية اتصدمت من رد فعله وقالت: في اي يا سمير انت من امتا بتتكلم معايا كدا مالك وفيها اي لما نتخطب ما انت عارف اني بحبك

رد وقال: يا سامية افهميني انا بحبك اه بس زي اختي مش اكتر انتي اكيد ربنا شايلك نصيبك وهيعوضك بالاحسن مني بس انا منفعكيش

رديت سامية وهي بتعيط وقالت: طب اديني فرصة واحده يا سمير وانا متاكده اني هخليك تحبني صدقني مش هتندم انا مقدرش اعيش من غيرك انت كل حياتي

رد وهو بيحاول يهديها وقال: يا سامية اهدي بعد اذنك واسمعيني الحب مش بالعافيه وانتي معايا من بدري لو كان ممكن احبك كان حصل انا مش عايز اظلمك معايا خلينا صحاب احسن

سامية قالت: تمام يا سمير وانا اسفه لو دايقتك عن اذنك مضطرة امشي دلوقتي اشوفك وقت تاني سلام

مشيت سامية وهي منهارة بس مقررة انها مش هتستسلم وان سمير مش هيكون لحد غيرها مهما حصل وقررت تروح تفكر في حل

سمير ركب العربية وفضل يفكر هيعمل اي وقد اي هو محتاج يشوف هدي ويتكلم معاها وفضل يفتكر ضحكتها وكلامها ونظرته وابتسم وحس بالندم اكتر من الاول واتصل بصحبه وراحله يمكن يهدي شوية

في مطعم كبير كانت نور قاعده هي وعمر بياكلوا وبيتكلموا ويضحكوا وعمر قال: نور انا عايز اقولك علي حاجه انا مش عارف هي صح ولا غلط بس لازم تعرفيها

نور اتوترت وقالت: في اي يا عمر قلقتني اتكلم انا سمعاك اهو.... كمل عمر كلامه وقال: بصي يا نور انا مش هنكر اني حاسس ب*عور حلو اوي من ناحيتك بس انا حاسس ان دا غلط انتي فين وانا فين انتي متعرفيش عني حاجه انا ابويا راجل علي قد حاله وعشيتنا غيرك خالص

نور ابتسمت لانها اتاكدت من مشاعر عمر وقالت: علي فكره كلامك دا كله ملهوش لازمه لاني مش بهتم بيه انا المهم عندي انت واظن انك ليك مستقبل كويس وبالذات من بعد ما تاخد شهادتك من هنا

رد وقال: بس انا عقبال ما اقف علي رجلي هاخد وقت يا نور واكيد اخوكي مش هيقبل بيا وهيكون حقه هو اكيد عايزالك الاحسن

رديت وقالت: المهم انا عايزة اي يا عمر وانا بحبك وعايزاك انت وهستناك وهبقي جانبك لاخر العمر وحته لو هنعيش فوق السطوح مش فارق معايا المهم اني معاك

عمر فرح جدا وقال: بجد يا نور يعني انتي كمان بتحبيني انا خايف تندمي علي قرارك دا بلاش تسرع واحسبيها صح انا مش هزعل لو فكرتي في مصلحتك والله

رديت وقالت: انا هندم فعلا لو سيبتك يا عمر ومصلحتي معاك بطل التفكير دا وخلينا نفكر في بكره ومتقلقش انا هعرف اقنع اخويا ولو موافقش مش مهم انا مش صغيرة

قالها: انا مش عارف اقولك اي غير اني بحبك وعمري ما هخليكي تندمي ابدا يا حبيبتي وهعمل المستحيل عشان اعيشك احسن عيشه

قالت: ربنا يخليك ليا يا حبيبي يلا بقي كمل اكلك عشان نخرج نتمشي شوية

عند ايمان كانت قاعده وبتكلم حد في التلفون وبتقول: انا خلاص جبت اخري وجه وقت التنفيذ لازم اخلص منه واشوف حياتي بقي

رد الشخص التاني وقال: ممكن تهدي وكل اللي انتي عايزاه هيحصل يا حبيبتي هو هيرجع امتا

قالت: كمان ساعه هيجي يقعد شوية وهيمشي عشان بقاله يومين مرحش بيته وعايز يروح يطمن علي بنته قال عنده قلب اوي

رد وقال: تمام خليه عليا وانتي اهدي واتعاملي معه عادي جدا وانا هريحك خالص يا حبيبتي

قفلت ايمان وهي مبسوطه انها خلاص هتخلص من كل الق*ف دا وهتعيش حياتها بقي...... وانا وجاسر شغالين حسيت بتعب غريب اوي وفجاه وقعت من طولي جاسر اتخض وبسرعه جري عليا وحاول يفوقني ومعرفش

شالني وطلعني علي الاوضه ومكنش عارف يعمل اي وقرر يدي واحد من الحرس فلوس في مقابل يجبله دكتور وفعلا الحارس من الطمع وافق وجه الدكتور وبعد ما كشف عليا قال: مب**ك المدام حامل

جاسر اتصدم وقال: حامل.....

ياتري هدي ناوية علي اي... وسامية هتعمل اي هي وسعاد عشان سمير يوافق... ومرات كريم ناوية علي اي.... وايمان هتعمل اي في حسن... وجاسر هيعمل اي بعد ما عرف بحمل حور.... وحور نفسها هيكون رد فعلها اي.... هنعرف الحلقات الجايه... انتظرونا....