الفصل الخامس...

2042 Words

بعد ما جهزت الاكل قعدت افكر في كلام جاسر وحكايته مع سعاد ومبقاش عندي ادني ثقة فيها وبقيت شاكة في كل حاجه وربط كل اللي حصل من ساعة ما جيت هنا وافتكرت قد اي جاسر بيتحاول بعد ما ياخد العلاج دا وقررت استغل التلفون اللي معايا وابحث اكتر عن العلاج مسكت التلفون وكتبت اسم العلاج وطلع ليا كل حاجه عنه وشكله وحته شكل البرشامة من جواه واستغربت ان مفيش اي حاجه غريبه في العلاج وان المفروض يساعده يكون كويس طب ليه بيحصل معه كدا قومت جبت العلاج لاقيته نفس فتحت العلاج من جوه وكانت الصدمه ان البرشام مختلف وشكله مش غريب عليا دا نفس العلاج اللي ابن جارتنا كان بياخده ودا مينفعش جاسر خالص كلام جاسر كان صح هي اكيد عايزاه يفضل في وضعه دا وقررت اني لازم اساعده بس ازاي انا مش بخرج من الفيلا خالص وفي حرس وفضلت افكر لحد ما وصلت لطريقة اخرج بيها ومن بكره هبداء التنفيذ ولوقتها مش هخليه ياخد العلاج بداءت احط الاكل والعصير وطلعت لجاسر عشان هو مكلش حاجه من ساعه الفطار خبط وهو رد عليا ودخلت وقام وقعدنا ناكل سوي ولاقياه بيقولي: شكرا يا حور انا حقيقي كنت محتاج اتكلم مع حد ويسمعني انا بجد مش عارف اقولك اي رديت وقولتله: متقولش حاجه يا جاسر مش المفروض اننا صحاب وواجب الصحاب انهم يقفوا جانب بعض في كل الاوقات وانا موجوده دايما ومستعده اسمعك وقت متحب بس عندي شرط صغير اوي ممكن ضحك وخ*ف قلبي معه وقال: وكمان بتتشرطي ماشي يا ستي قولي عايزة اي ولو في ايدي مش هتاخر اكيد ياريت في الاخر اعرف اوفي بجميلك عليا دا قولتله بزعل: وبعدين بقي ما قولتلك اننا صحاب المهم بقي انا النهارده مش عايزاك تاخد العلاج خالص ومن بكره هترجع تاخده ومن غير ما تسال عن السبب دا لة بتثق فيا يعني رد وهو باين عليه الاستغراب وطبعا حق بس لازم اعمل كدا عشان يرجع احسن من الاول وقالي: انا عمري ما وثقت في حد بس مش عارف ليه واثق فيكي وحاضر يا ستي مش هاخد العلاج النهارده بس توعديني انك تعرفيني السبب بعدين ابتسمت وفرحت انه واثق فيا وقولت: حاضر اوعدك لما اوصل للي عايزاه هفهمك كل حاجه وشكرا طبعا علي ثقتك فيا يلا بقي كمل اكل وارتاح وبكره ان شاء الله هيبقي احسن من النهارده ضحك وقالي: طول ما انتي موجوده معايا متاكد ان كل حاجه هتبقي كويسه يا احلي حور شافتها عيوني يلا انتي كمان كلي معايا عايزاك تتخني كدا شوية بدل ما انتي عاملة زي القصبة كدا ضحكت علي كلامه وقولتله: ماشي يا عم اتريق براحتك مين قدك وانت كلك عضالات كدا ربتا قادر علي كل شئ رد وقال: ايوة احسديني بقي هتشل دلوقتي من عينيكي الله اكبر يا شيخ خمسه وخميسه فضلنا نضحك ونتكلم ونهزار وبعديت خدت الاطباق ونزلت وهو نام ودخلت انام عشان ابقي فايقه بكره للي ناوية عليه بقي سمير كان عمال يدور علي صحابه وهدي وهو مش عارف قلبه وجعه ومش مطمن وبقي ندمان لانه عارف ان صحابه دوال مش سهلين خالص وفي الوقت دا هدي كانت اغمي عليها في الشارع الشباب فرحت جدا وبدواء يقربوا منها وهي بتحلو في عيونهم واول ما خلاص اول واحد هيحط ايده عليها بسرعه ظهر سمير وض*به عشان يبعد عنها اتكلم صحبه وقال: في اي يا سمير مالك ما احنا اللي طلبته مننا تعال انضم لينا دي شكل الليله هتكون حلوة اوي البت طلعت جامده اتعصب سمير اوي وقال: انا مقولتش تتهجموا عليها انا قولت ترخموا عليها شوية لكن ما طلبتش كدا اياك حد فيكوا يقربلها امشوا من هنا حالا رد واحد تاني وقال: انت هتعمل فيها راجل علينا ولا اي احنا هناخدها يعني هناخدها ولو مش هتنضم لينا امشي من وشنا احسن ليك رد سمير وقال: اياك حد يقربلها انتوا فاهمين.... وبداء يض*ب في اي حد يحاول يقرب وفضلوا يتخانقوا لحد ما فجاه ظهر عربيات كتير جايه والشباب خافت علي نفسهم وبسرعه مشيوا سمير جري شال هدي وخدها بسرعه علي عربيته وغطاها بالجاكت بتاعه عشان فستانها المقطوع ومبقاش عارف يعمل اي مش هينفع يروحها بالمنظر دا وقرر انه ياخدها شقته لحد ما تفوق ويشوف هيعمل اي عمر استغرب من تصرف كريم لما سمع اسم حور وقال: في اي يا استاذ كريم حضرتك تعرفها ولا اي وشك جاب الوان واتوترت كدا رد كريم بسرعه وقال: لا خالص اعرفها منين انا بس دا كان اسم واحده زميلتي زمان وعشان كدا افتكرتها هي ماتت في حدثة وعشان كدا بتأثر اما بسمع اسمها مش اكتر ضحكت نور وقالت: هو اخويا طول عمره كدا حساس زيادة عن اللزوم وبيحب كل الناس مش عارفه والله اي اخرة الطيبة بتاعته دي رد عمر وقال: ربنا يخليكوا لبعض احسن حاجه ان الواحد يكون طيب وبيتعامل من قلبه ساعتها كل الناس بتحبه وبتدعيله بكل خير رد كريم وقال: شكرا يا استاذ عمر اتفضل يلا الاكل جهز ولا اي يا نور هنجوع ضيوفنا كدا ينفع يقول علينا اي ابتسمت نور وقالت: لا طبعا الاكل جاهز من بدري ثواني وهيكون علي السفرة عن اذنكم مش هتاخر عليكوا قعد عمر وانتهاء المعاد علي خير ومجرد ما خرج من البيت جتله مكالمه من امي وفتح فديو كول وكلمها وهو مبسوط اوي وقال: ازايك يا امي وحشتيني اوي والله طمنيني عليكي وهدي وبابا عملين اي رديت امي بحزن باين عليها اوي وقالت: الحمدالله احنا بخير يا حبيبي بس وحشتني اوي انت هترجع امتا يا عمر بقي مش كفايه غيبة يا ابني انا محتاجك اوي انا واختك رد عمر وقال: مالك يا ست الكل في اي انتي لسه برضو زعلانه علي موت حور يا امي خلاص دا قضاء ربنا هنعمل اي هي عند اللي احسن مننا دلوقتي هوني علي نفسك يا حبيبتي رديت وقالت: ارجع يا عمر في حاجات كتير لازم تعرفها احنا محتاجينك اوي لما ترجع هفهمك كل حاجه بس قولي راجع امتا رد عمر باستغراب وقال: اهدي يا امي هانت كلها شهر ودراستي هتخلص وهرجع ومش هسيبكم تاني انتي بطلي عياط يا حبيبتي دموعك غاليه عليا اوي استهدي بالله بقي رديت وقالت: حاضر يا ابني بس متتاخرش محدش هيجبلنا حقنا غيرك يا عمر انت لازم تعرف كل حاجه هصبر وهستناك يا نور عيني خالي بالك من نفسك يا حبيبي قفل عمر وهو مستغرب جدا وبقي يقول في نفسه: هو في اي وحق اي ياتري مخبين عليا اي انا لازم انزل في اقرب فرصة مش هينفع افضل علي عمايا كتير وامي شكلها محتاجني هونها يا رب من عندك وعدي الفترة دي علي خير في شقة سمير وصل وفضل يحاول يفوق هدي وبعد شوية وقت فاقت هدي واول ما شافت نفسها في اوضة نوم وسمير قدامها فضلت تصوت وتعيط وتقول: عملت فيا اي حرام عليك انا عملتلك اي ضيعت مستقبلي انت مبتحرمش ربنا ينتقم منك رد عليا عملت فيا اي انت والزبالة التانيين سمير حاول يهديها ومسكها من دراعها وقالها: اهدي يا هدي انتي كويسه محدش قربلك اسكتي وصدقيني انتي زي ما انتي محدش جه جانبك اهدي بقي فضلت هدي تصرخ وتعيط ومش عارفه تسيطر علي نفسها ولا حته سمير عارف يسيطر عليها وفجاه ض*بها بالقلم عشان تسكت وتسمعه واول ما ض*بها سكتت وبصتله اوي هو اتكلم وقال: انا اسف مكنش قدامي حل تاني اسمعيني بقي انا لحقت من ايديهم ومحدش قربلك معرفتش اروحك لاني معرفش بيتك وحته لو مكنش هينفع اروحك وانتي فستانك مقطوع كدا بصت هدي لنفسها واستوعبت كلامه وبسرعه شديت الغطاء عليها وقالت: انا لازم اروح الوقت اتاخر هقول اي لاهلي وهروح كدا ازاي بس... وبعدين بصيت لسمير وقالت: سمير بجد انت مش بتكدب عليا انا محدش قربلي صح رد وقالها: متخفيش يا هدي انا مسمحتش لحد يلمس شعرة منك ولو مش مصدقة ممكن تروحي بكره تكشفي وتطمني علي نفسك المهم دلوقتي حطي الجاكت بتاعي عليكي وهنروح اي محل نجيب فستان ليكي ابتسم هدي بهدواء وقالت: شكرا يا سمير بس مفيش حاجه هتنكر الحقيقه انت سبب كل اللي حصلي مش انت اللي قولت لصحابك تعمل كدا واتكلمت عليا بطريقة مش كويسه وش*هت سمعتي رد بندم وقال: انا عارف اني غلطان واني زودتها بس اقسم ليكي انا مقولتلهمش يعملوا كدا خالص كان كل غرضي يرخموا عليكي عشان اخد حق القلم اللي ادتهولي ضحكت هدي بتريقة وقالت: يعني عشان حتة قلم كنت هدمر مستقبلي ودمر شرف اهلي وزعلان انهم زودوها ما هو من حقهم بعد كلامك وانا اللي كنت فاكرة ان ممكن يكون بينا حب صادق طلعت ع**طة اوي اتصدم سمير وقال: حب انتي قصدك اي يا هدي اوعي تكوني حبتيني لا مستحيل هتحبي فيا اي مش عشان اعتذرت وعزمتك علي الغداء تحبيني ضحكت هدي اكتر بوجع وقالت: غداء اي واعتذار اي منكرش اني فرحت بعتذارك بس مش كل حاجه الفلوس انا اتخدعت فيك مش اكتر يا سمير بعد اذنك يلا عشان زمان اهلي قلقلين عليا سمير مكنش مستوعب ولا قادر يتكلم واخد هدي جبلها فستان وروحها وعرف هي عايشه فين وقد اي حالها علي قدها هدي نزلت ودخلت البيت بكل هدواء وحمدت ربنا ان ماما نايمه وبابا شكله لسه بره وبسرعه جريت علي اوضتها وفضلت تعيط لحد ما النوم غلبها تاني يوم صحيت من النوم بدري ونزلت للحرس وعرفتهم اني محتاجه اجيب حاجه من الصيدلية ضروري ومكنوش راضيين يخرجوني لحد ما اتصلت بسعاد وسمحت اني اخرج بشرط واحد من الحرس يجي معايا وصلت الصيدلية وطلبت منه يستني بره ودخلت لوحدي وطلبت كذا علبة من العلاج لاني اكيد مش هعرف اخرج تاني وحمدت ربنا ان سعاد كانت مدياني شوية فلوس وجبت العلاج ورجعت علي الفيلا تاني لاقيت جاسر في الجنينه بيزرعها دخلت بكل هدواء وخبيت العلاج كويس وغيرت وطلعت اساعده اول ما شافني قال: انتي كنتي فين بدري كدا وليه معرف*نيش انك خارجه قلقت عليكي وبصراحه فكرتك مش راجعه تاني ضحكت وفي نفس الوقت فرخت بخوفه عليا وقولت: ومرجعش تاني ليه انا بس خرجت اجيب حاجه من الصيدلية محتاجها المهم مش هتقوم تفطر ولا اي رد وقال: خليها كمات شوية اهو نشتغل في الجنينه شوية خلينا ن**ب شوية بس مش هتقوليلي حاجه اي اللي كنتي بتجبيها رديت وقولت: متبقاش فضولي بقي حاجه بنات عيب يلا شوف شغلك خلينا نخلص وندخل نفكر سوي وتاخد العلاج بتاعك كفايه اهمال لحد كدا استغرب جاسر اوي اهمال اي ما هو كل يوم ياخده وهي اللي رفضت ياخده امبارح وقال: ماشي يا ستي انا مش هتناقش معاكي دلوقتي في حاجه لانك وعدتيني هتفهميني في الوقت المناسب ضحكت وقولتله: بجد متشكرة علي ثقتك دي يا احلي جاسر يلا بقي نشتغل مش عايزين اهمال نفسي اشوف الجنينه دي كلها ورد وكمان نجيي مرجيحه صغيرة هنا هيبقي منظر تحفه رد وقالي: والله ما في تحفه غيرك يا حور انا مش عارف طلعتيلي منين بس بجد شكرا جدا انك في حياتي وبتمني تفضلي دايما ابتسمت علي كلامه وبداءنا نشتغل وفعلا خلصنا نص الجنينه وتعبنا وكل واحد راح ياخد دش ويغير ونزلنا نفطر في الصاله بدل ما كل يوم ناكل في اوضته كدا حسن كان في الشقة مع مراته الجديده وقربت منه بدلع وقالت: وبعدين معاك يا حسن هتفضل لحد امتا تيجي خ*في كدا هو انا مليش حق عليك زي مراتك التانية ولا اي شكلك خايف منها شدها من دراعها جامد وقال: حسن مبيخفش من حد وبالذات لو واحده ست الفكرة اني لسه معرفتهش ومستني الوقت المناسب عشان حالتها الصحية مش بخير وخايف يجرالها حاجه واشيل ذنبها ايمان بعدم تصديق قالت: اه وانت طيب اوي ماشي بس انا مش هستني كتير ولو معرفتهش في اقرب وقت انا اللي هعرفها بنفسي تمام اتعصب حسن وقالها: بقولك اي انا مش بتهدد واياك تعملي حاجه من دماغك ساعتها هندمك يا ايمان انتي فاهمه انا ماشي ومن غير سلام نزل حسن ورزع الباب وراه وايمان قاعده علي الارض تعيط وفضلت تفتكر اللي حصل من شعر بالظبط اول ما شافت حسن.... ايمان كانت بتجري وفجاه حسن خبط فيها اتعصبت وقالت: مش تفتح يا اعمي اي هو المكان بتاعك لوحدك متخالي بالك وقف حسن وهو بيتمتع بجمالها وقال: معلش يا قمر كنت مستعجل ومخدتش بالي حقك عليا يا جميل هخالي بالي المره الجايه ايمان عجبها حسن وطريقته وقالت: تمام ولا يهمك انا ايمان وانت.... رد وقال: وانا اسمي حسن يا قمر اتشرفت بيكي.... قالت الشرف ليا طبعا وبعد كذا مقا**ه بين حسن وايمان في يوم اتصل بيها وقالها انه تعبان بيموت ومن خوفها راحت تطمن عليه وساعتها حطلها حاجه في العصير واتهجم عليها ولما فاقت وفضلت تعيط حاول يهديها وعرفها انه بيحبها وانه هيتجوزها لما راح وابوها قرر يسال عليه وعرف انه متجوز وعنده عيال كبار رفض طبعا ساعتها حسن مسطرش عليها وفضحها وسط اهلها واتجوزها عافيه ومن يومها مشافتش يوم عدل معه وكل شوية يسحب منها فلوس فاقت من شرودها وهي ندمانه انها سلمت ليه وكانت واثقه فيه وعماله تفكر في حل عشان تخلص منه بعد ما رفض يطلقها ووصلت لحل وقررت تنفذه مهما كانت النتيجه اي.... ياتري كريم هيعمل اي مع نور وعمر.... وعمر هيعرف اللي حصل لاخته وهيتصرف ازاي لو عرف... وهدي ناوية تعمل اي... وسمير هيعمل اي في قرر خطوبته وفي احساسه ناحية سمير بعد ما اتاكد انها بتحبه.... والعلاج اللي حور جبته هيعمل اي مع جاسر واي نتيجته.... وايمان ناوية علي اي.... هنعرف الحلقات الجايه انتظرونا...

Free reading for new users

Scan code to download app

App Store Google Play

Facebookexpand_more