حور العين... ❤

الفصل الرابع...

دخلت الاوضة واتصدمت بجاسر مرمي علي الارض وجسمه كله متعور وبينزف كنت هموت من الرعب عليه جريت بسرعه وسندته طلعته علي السرير مكنش في وعيه خالص معرفش ليه بيعمل في نفسه كدا بجد

روحت بسرعه جبت الاسعافات الاولية وبداءت اعالج جروحه وهو نايم ومش حاسس بحاجه وفجاه لاقيته بيخترف بالكلام وبيقول: انا زعلان منك اوي انتي ليه سبتيني شايفه حصلي اي من بعدك انا تعبت بجد عايز اموت واجيلك بقي

حاولت اتكلم معه يمكن يفتكر انه بيحلم ويرد عليا وافهم هو بيكلم مين وقولتله: اهدي انا معاك وجانبك احكيلي في اي وازاي وصلت للحالة دي انت مكنتش كدا خالص حصلك اي

بداء يترعش ويقول: هي السبب يا ماما هي مش كويسه وبابا مش بيصدق اي حد غيرها قادرة تضحك عليه انا مبقتش عارف اعمل اي فكرني مجنون ليه موتي وسبتيني خديني عندك انا عايز ارتاح بقي

صعب عليا جدا ومقدرتش امنع نفسي وكنت خلاص خلصت تعقيم الجروح طلعت علي السرير وخدته في حضني يمكن يرتاح شوية وفضلت اطبطب عليه لاقيته مسك فيا زي الطفل الصغير محستش بنفسي ومن التعب نمت وهو في حضني ومعملتش حساب لاي حاجه كل همي كانت راحته وبس

وصل ابويا البيت متاخر وكان شارب ودخل الاوضة وقال: اي يا ولية نايمه ليه انا رجعتلك اهو قومي خلينا نتبسط شوية

امي صحيت واثر العياط باين اوي علي عيونها وقالت: نتبسط وكمان ليك نفس تتكلم انا مشفتش حد بجح زايك يا شيخ انت اي بجد

رد وقال وهو بيطوح يمين وشمال: يادي النيلة هو انتي ملبوسه ولا اي الصبح بكلام وبليل بكلام متعقلي يا ولية مضيعيش الكأسين بقي خلاينا نتبسط والليله تبقي عنب

زعقت امي وقالت: انا بكرهك انت ازاي بقيت مق*ف كدا انا بجد مش مصدقة نفسي بقولك اي انا عايزاك تطلقني مبقتش طايقه العيشه معاك خلاص

مقدرش يرد عليها من كتر الشرب وقع علي السرير وراح في سابع نومه وهي فضلت قاعده تندب حظها وفجاه افتكرتني وقالت: ياتري انتي فين يا بنتي اكيد دي نتيجة اننا فرطنا فيكي عشان الفلوس انا لازم اشوفك انتي وحشتيني اوي من بكره هدور علي رقم ست سعاد وهفضل وراها لحد ما اطمن عليكي يا حبيبتي

تاني يوم في امريكا كان عمر في النادي بيجري زي العادة بتاعته وفجاه لمح من بعيد نور وهي قاعده وبتقراء كتاب كدا فرح جدا وراح بسرعه يكلمها ويطمن عليها

اول ما شافته هي كمان فرحت وقالت: اي دا عمر بتعمل اي هنا بدري كدا بس كويس انك من غير العربية ضمنت متخبطش النهارده كمان

ضحك وقال: معلش بقي ميبقاش قلبك اسود يا بنتي انا كنت بجري زي ما متعود ولمحتك قولت اجي اطمن عليكي رجلك عامله اي دلوقتي

رديت وقالت: ماشي يا سيدي لا انا الحمدالله احسن بكتير عن امبارح كنت زهقانه قولت انزل اقراء شوية وسط الطبيعة

رد وقال: طب الحمدالله يا قمر اني اطمنت عليكي هسيبك بقي عشان الحق اروح اغير واجهز عشان عندي محاضرات مهمه النهارده

قالت بسرعه: طب بقولك اي يا عمر بابا حابب يتعرف عليك وكنت مستنياك تكلمني عشان اعرفك اي رايك تيجي عندنا علي العشاء النهارده وبلاش تعتذر بليز

عمر فضل ساكت شوية وبيفكر وبعدين قالها: خلاص ماشي يا ستي هخلص محاضراتي وهروح اجهز وان شاء الله الساعه 9 هكون عندكم ياريت تخالي بالك من نفسك بقي

ابتسمت نور بفرحة وقالت: تمام حاضر هستناك بقي متتاخرش هقوم اروح انا كمان باي

اول ما مشيت نور عمر فضل سرحان في اثرها وقال في نفسه: قد اي انتي جميلة يا نور شكلي هقع وهطب وهحبك ولا اي بتمني متخدعش فيكي وتوجعي قلبي ربنا يستر

ونور وهي ماشيه كانت فرحانه جدا وبتقول في نفسها: انا مش عارفه اي حصلي من ساعه ما شوفتك وانا مش علي بعضي حاسه اني طايرة من السعادة ياتري اي حكايتك يا عمر بتمني متخذلش فيك واخسر نفسي وراحتي ربنا يستر

في الكلية عند هدي كانت طالعه عشان تخلص محاضرتها وتروح بسرعه عشان تجهز نفسها للحفلة وهي طالعه علي السلم شافت سامية وحبيت تاخد حقها علي النسكافيه اللي وقعته عليها واول ما قربت منها كعبلتها ووقعت سامية

بس بسرعه هدي لحقتها وضحكت وقالت: مش تخالي بالك كان هيحصل اي لو وقعتي دلوقتي ورجلك او دراعك ات**ر او رقبتك تبقي مصيبه بس يلا معلش ميقعش غير الشاطر

اتعصبت سامية اوي وقالت: انتي اتجننتي كنتي عايزة توقعيني عايزني اموت ايوة ما اللي زايك مش سهله عايزة تخلصي مني عشان تسرقي حبيبي سمير بس دا بي عينك دا ليا انا وبس

ضحكت هدي وقالت: انا مبسرقش حد ومش طبعي تفكير الافاعي زايك يا حلوة ولو علي سمير هو مش عيل صغير وعارف بيعمل اي كويس الدور والباقي عليكي ابقي حفظي علي ممتلكاتك شوية

سامية كانت علي اخيرها من رد هدي ورديت بهجوم وقالت: انتي بتغلطي في اسيادك انا هوريكي مقامك كويس وسمير دا بي عينيك توصليله ولو حصل وقدرتي تضحكي عليه انا مش هرحمك وهدمرك

ضحكت هدي اوي وقالت: اهو قدامك يا عسل ووريني هتعرفي تعملي اي عن اذنك بقي خليني احضر اخر محاضرة عشان الحق اجهز لحفلة سمير

سابتها ومشيت وسامية شايطة علي الاخر وقررت النهارده تنهي اللعبة دي وتعرفها مكانها وتوضع حل لتصرفات سمير دي ومشيت عشان تجهز للحفلة فهي لازم تاكل الجو

صحي جاسر الصبح وكنت انا لسه نايمه واول ما فتح عينه لاقي نفسه في حضني ابتسم وفرح اوي فضل باصص ليا وبراحه بعد عني وفضل مركز معايا وقرب ايده من وشي وهو بيشيل شعري من علي عيني

صحيت واتصدمت بيه وهو قريب مني اوي وات**فت وبسرعه بعدت عنه وقولتله: صباح الخير انا اسفه محستش بنفسي لما نمت من التعب وانت كنت تعبان ومردتش اسيبك لوحدك ثواني والفطار هيكون جاهز

جيت امشي مسك ايدي وقالي: حور خليكي معايا شوية حابب اتكلم معاكي انا بجد تعبان وتعبت من حالي دا ومحتاج اشارك اللي جوايا مع حد

قعدت جانبه بكل هدواء وقولتله: اتكلم يا جاسر انا هسمعك وهحاول اساعدك علي قد ما اقدر بلاش تكتم جواءك اكتر من كدا شاركني معاك

رد بحزن وقال: مش عارف ابداء منين بجد بس انا عايز اخف ابويا محتاجني لازم انقذه من اللي هو فيه دا لازم ارجع جاسر من تاني

حبيت افهم اكتر واترددت كتير بس في الاخر قررت اساله وقولت: هو انت اي حكايتك يا جاسر وليه الحاله اللي بتوصلها دي وبالذات لما بتشوف سعاد هانم

لاقيته تعبير وشه اتغيرت ورد بتعب وكاسرة وقال: انا مش بكره في حياتي حد علي قد ما بكرهه هي سبب كل اللي انا فيه دا انا لو طولت اموتها بي ايدي مش هتاخر

استغربت ليه كمية الكرهه دي وقولتله: احكيلي يا جاسر كل حاجه هي عملت اي ليه بتكرهه كدا دي كويسه وبتحبك وجيباني هنا عشانك وبتعالجك وعامله علي مصلحتك اي السر اللي مخبيه اتكلم يا جاسر

جاسر ساعتها بصلي كتير وفي الاخر اتن*د بتعب واضح اوي في صوته وقالي: حاضر يا حور انا هحكيلك كل حاجه وبتمني تصدقيني انا مكنتش كدا خالص كنت شخص رياضي وبيحب الحياة جدا ومحبوب من كل الناس امي اتوفيت من قهرتها لما عرفت علاقة ابويا بي سعاد انا اه كنت لسه طفل بس كنت واعي لكل حاجه ومن ساعتها وانا بكرهه بس حاولت اتقبل الموضوع لما بابا اتجوزها بس اللي حصل لما كبرت دمرني خالص

شوفت في عيونه دموع كتير وكان بيكابر عشان متنزلش حاولت اهديه واطمنه وقولت: كمل يا جاسر انا معاك وسمعاك اطمن وكمل متخفش مش هسيبك ومعاك للاخر

حسيته محتاج اللي يطمنه وياخد بي ايدها بصلي اوي وبعدين كمل كلام وقال: في يوم ابويا كان مسافر في شغل وهيغيب كام يوم وهي استغليت دا انا كنت عارف ان عنيها مني وكنت بحاول اتجنبها علي قد ما اقدر بس هي مبطلتش محاولات عشان تقوعني وانا كنت بسدها وكانت في يوم هتتمكن مني لاني كنت راجع سكران بس سيطرت علي نفسي وجبت اخري منها وعرفتها اني هفضحها وهعرف ابويا كل حاجه

اتصدمت وقولتله: معقول هو في كدا دا هي زي امك اي الجنان دا اكيد دي مريضه وبعدين يا جاسر حصل اي

كمل جاسر وقال: كنت متاكد ان هيكون ردها انت مش هتعرف تثبت حاجه وساعتها كنت مأمن نفسي حاطط كاميرا في اوضتي وسجلت كل حاجه وعرفتها ومن ساعتها بقيت انسي كل حاجه واعمل حاجات غريبه ولما بابا رجع ملقتش الكاميرا ولما حكيتله كدبني وهي قالت عليا مريض ومجنون واني حاولت اتهجم عليها وعلي الشغاله وعشان كدا اتحبست هنا لحد ما اتعالج

اتعصبت اوي وقولت: وانت ازاي تسكت وتقبل بحاجه زي دي ليه رضيت بالوضع دا ليه تضيع شبابك وتقبل بالحبسه دي وانت مش غلطان

رد عليا بكل حزن والالم وقال: عشان للاسف هي عندها حق انا معرفش حصلي اي واغتصبت طفلة عندها 15 سنه وماتت بسببي وبابا بعلاقته عرف يداري علي الموضوع وعشان كدا قبلت بالحبسه هي رغم اني كنت عايز ابلغ علي نفسي انا استاهل الموت مش هي

فضل يعيط وانا مستحملتش وعيط علي عياطه صعب عليا اوي شكله تعب بجد هو مش بيكدب انا شوفت في عينه الصدق انا لازم اساعده لازم اجيبله حقها او علي الاقل اخليه يقف علي رجله فضلت واخده في حضني وبطبطب عليه لحد ما نام تاني وقومت اخد دش واحضرله اكل وافكر هعمل اي في اللي جاي

صحي ابويا من النوم وكانت امي لسه نايمه لبس وخرج من غير ما يصحيها رجعت هدي البيت ونامت شوية وصحيت ولبست وجهزت للحفلة وعرفت امي ان عندها حفلة عيد ميلاد صحبتها وبالعافيه وافقت راحت هدي وسمير قا**ها

قالها بخبث واضح اوي: انا مبسوط جدا انك جيتي بوعدك عمرك ما هتنسي الحفلة دي ابدا هتفضل ذكري معاك مدي العمر

ابتسمت هدي وحسيت ان الحياة بداءت تضحك ليها وقالت: بتمني بس مش لدرجادي بس اي هنفضل بره مش هندخل ولا انا جيت بدري ولا اي انا م**وفة اوي

رد وقال: لا ازاي هندخل طبعا يلا بينا يا قمر دا انا محضرلك مفاجاه حلوة اوي متاكد انها هتعجبك يا عسل

ابتسمت وهدي وكانت فاكره انه هيعترفلها بحبه او علي الاقل هيطلب ايدها وكانت لسه هترد عليه جت سامية عليهم وقالت: اي يا بيبي تعال هنتاخر علي الضيوف اهلا يا هدي نورتينا عن اذنك هاخد سمير شوية

رديت بحزن حاولت تداريه وقالت: اه طبعا اتفضلي روح يا سمير وانا موجوده اهو ( وكملت وهي بتحاول تغيظ سامية) ومستنيه المفاجاه

ضحك سمير وقال: متقلقيش يا قمر مش هتستني كتير عن اذنك شوية وراجعلك تاني

مشي سمير وفضلت هدي تتمشي في الجنينه وسعاد وعباس كانوا مشغولين في الحفلة والشخصيات المهمه اللي جت سمير بص لصحابه وغمز ليهم وهما فهموا وبدواء ينفذوا الاتفاق

بس قبلها سعاد غمزت لسامية وراحت مسكت المايك وقالت: بتمني تسمعوني حابه اعلن عن خبر مهم طبعا كلكم عارفين ان سبب الحفلة ال*قد الجديد اللي الشركة مضيته بس في خبر تاني حابه اعلن عنه سمير تعال يا حبيبي وانتي كمان يا سامية

استغرب سمير اوي وسامية ابتسمت وراحوا لسعاد وكملت سعاد كلامها وقالت: احب اعلن عن خطوبة ابني سمير لبنتي وحبيبتي سامية بنت اعز صحابي

اتصدم سمير بس سعاد مدتهوش فرصة يعترض والكل بداء يهني فيهم وسامية بتبص لهدي بصيت انتصار وسمير مبقاش عارف يعمل اي

هدي طلعت تجري من الحفلة وصحاب سمير وراها وسمير عينه وراهم واول ما اختفيت من الحفلة حاول يعمل المستحيل عشان يروح وراها ميعرفش ليه حس بالندم من اللي كان ناوي عليه وبالعافيه قدر

هدي كانت بتعيط وبتحاول تشوف تا**ي عشان تروح اتلم عليها صحاب سمير وواحد منهم قال: اي يا عسل رايحه فين ما لسه بدري تعالي واحنا هندلعك اوي وهتاخدي حقك

هدي زعقت وقالت: انت اتجننت وسع من طريقي انت وهو انا مش فايقه لشغل العيال دا او هصوت وهلم عليكم الناس كلها

رد واحد تاني وقال: صوتي يا حلوة وريني مين هيسمعك بطلي بقي تمثيل وتعالي معانا وكله بتمنه يا قطة ولا هو سمير وبس هو عرفنا كل حاجه

اتصدمت هدي وقالت في نفسها هي دي المفاجاه يا سمير قد اي كنت ع**طه فاقت نن تفكيرها علي واحد من الشباب بيشدها من فستانها وبتيقطع بتصوت وبيغمي عليها

في امريكا عمر جهز وكلم نور خد منها العنوان واشتري ورد وراح واول ما شافته فرحت اوي ورحبت بيه ودخل الفيلا

قال في نفسها يااااه يا نور انتي فين وانا فين شكل قصتنا هتخلص من قبل ما تبداء فاق من شروده ونور بتقوله: اعرفك بابا رجل للاعمال كريم بيه ودا بقي يا بابا عمر اللي حكتلك عنه

رحب كريم بعمر وقاله: بقي انت اللي خبط بنتي اتشرفت بيك سمعت انك بتدرس هنا في منحة دراسية علي كدا اهلك معاك

رد عمر بتوتر وقال: انا اسف يا فندم دي كانت غلطة والحمدالله جت سليمة وايوة بدرس هنا بس اهلي في مصر

رد وقال: حصل خير يا ابني وعلي كدا انت من عيلة مين في مصر اسمك اهلك اي يعني وابوك شغال اي

عمر اتوتر اكتر ومكنش عارف يرد يقول اي رديت نور وقالت: بابا بطل اسئلتك دي هتفرق في اي عيلة مين او شغل بابه اي

رد عمر وقال: انا اسمي عمر حسن ابويا عامل بسيط وعندي اختي حور في الثانوية العامة وهدي زمانها دخلت كلية دلوقتي

كريم بصدمه: حور....

ياتري سمير هيعمل اي في خطوبته دي وهدي هيحصلها اي وحور ناوية تساعد جاسر ازاي واي هيحصل فيهم وام حور هتعمل اي مع جوزها وهيعرف انها عرفت بجوازه ولا لا وكريم هيعمل اي بعد ما عرف ان عمر يبقي اخو حور... هنعرف الحلقات الجاية... انتظرونا...