ADAM SEBASTIAN
Bilang haligi ng tahanan ay ginagawa ko ang tungkulin ko sa pamilya ko. Lalo na sa asawa ko, lahat ay kaya kong gawin para lang sa babaeng mahal ko. Masaya ako na lumalaki na ang pamilya namin. Maingay ang bahay namin pero masaya. Alam ko na araw-araw na pagod ang asawa ko kaya ginagawa ko ang lahat para naman makatulong ako sa kanya.
Ayaw ko siyang mahirapan. Okay lang na ako, pero hindi siya. Ayaw ko rin na umiikot lang sa amin ang buhay niya. Gusto ko at nais ko na gawin pa rin niya ang mga bagay na nagbibigay sa kanya ng saya. Isang simpleng babae lang ang asawa ko. Ni hindi ko siya nakikita na bumibili ng mga mamahaling bagay para sa sarili niya. Lahat ay para sa anak namin at para sa mga tinutulungan niya.
“Thank you, mahal.” malambing na sabi niya sa akin dahil nga
