RACHEL
Paano ba masasabing mabuti ang isang lalaki o asawa? Para sa akin, mabuti ang isang lalaki kung good provider siya, mabait at maaasahan. Ang asawa ko, isa siya sa mga tinutukoy ko. Si Adam ang lalaking mamahalin ng kahit na sino dahil sa pagiging responsable niya. Sa bayan man o sa pamilya niya ay talagang masasabi ko na mabuti siyang tao.
“Mahal, pahinga ka na. Ako na ang magbabantay kay Riva,” sabi niya sa akin.
Kararating lang niya galing sa capitol pero ito siya gusto pang magbantay ng anak namin.
“Mahal, ako na po. Ikaw ang dapat magpahinga dahil galing ka sa trabaho,” sabi ko sa kanya.
“Mas pagod ka dahil sa mga anak natin,” malambing na sabi niya sa akin.
“Mahal, okay lang po talaga ako–”
“Mahal, kung may gusto kang gawin ay gawin mo. Ako na ang bahala sa mga anak nat
