CLEMENTINE’S POV
"NATUTULALA ka yata? May problema ba?" pukaw sa akin ni Yale na nagpabalik sa akin sa katinuan.
Umiling ako saka ngumiti sa kanya. "Wala may iniisip lang."
"Kanina pa kasi kita kinakausap pero parang hindi mo naririnig," medyo nag-aalalang sabi nito.
"Pasensiya ka na."
“Kung may problema ka, huwag kang mahiyang magsabi sa akin. Kaibigan mo ako, e,”anito.
“Wala talaga akong problema. Kung meron man magsasabi talaga ako sayo. “Pinilit kong ngumiti para hindi na ito mag-alala pa. Nakakatuwa lang. Sobrang bait talaga nito. Sayang at hindi sila nagkatuluyan ni Aurhea. Ang suwerte sana niya kay Yale. Hindi sana ganito ang buhay niya ngayon kung nagkataon. Kahit nga ngayong asawa na niya si King Hector, ramdam kong mahal na mahal pa rin siya nito. Hindi ko tuloy maiwasang
